ರಾಜ್ಯದಲ್ಲಿ ಮತ್ತೂಮ್ಮೆ ಕಾಂಗ್ರೆಸ್‌ ಅಧಿಕಾರಕ್ಕೆ: ನಾಯಕ

Team Udayavani, Jan 12, 2018, 3:06 PM IST

ಸುರಪುರ: ತಾಲೂಕಿನ ಕಕ್ಕೇರಾ ಹತ್ತಿರದ ಅಸ್ಕೆರ ಹಾಗೂ ಗದ್ದಿಗೇರ ದೊಡ್ಡಿಯ ಕೆಲವರು ಗುರುವಾರ ನಗರದ
ಶಾಸಕರ ನಿವಾಸದಲ್ಲಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಸಮ್ಮುಖದಲ್ಲಿ ಕಾಂಗ್ರೆಸ್‌ಗೆ ಸೆರ್ಪಡೆಯಾದರು.

ಈ ವೇಳೆ ಶಾಸಕ ರಾಜಾ ವೆಂಕಟಪ್ಪ ನಾಯಕ ಮಾತನಾಡಿ, ರಾಜ್ಯದಲ್ಲಿ ಅಭಿವೃದ್ಧಿ ಮೂಲಕ ಕಾಂಗ್ರೆಸ್‌ ಹೂಸ ಪರ್ವವನ್ನೆ ಆರಂಭಿಸಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್‌ ಸರಕಾರ ಅಭೂತಪೂರ್ವ ಸಾಧನೆ ಮಾಡಿದೆ. ಈ ಹಿನ್ನಲೆಯಲ್ಲಿ ರಾಜ್ಯದಲ್ಲಿ ಕೈಗೊಂಡಿರುವ ಮುಖ್ಯಮಂತ್ರಿಗಳ ಸಾಧನಾ ಸಮಾವೇಶಕ್ಕೆ ಜನ
ಸಾಗರೋಪಾದಿಯಲ್ಲಿ ಬರುತ್ತಿದ್ದಾರೆ ಎಂದರು.

ಸರಕಾರ ಹಲವಾರು ಯೋಜನೆಗಳನ್ನು ಜನರಿಗೆ ನೀಡಿದ್ದು, ಬಡ ಜನರಿಗೆ ನೆರವು ನೀಡುವ ಇಂತಹ ಯೋಜನೆಗಳು ಕಾಂಗ್ರೆಸ್‌ ಪಕ್ಷದಿಂದ ಮಾತ್ರ ಜಾರಿ ತರಲು ಸಾಧ್ಯ. ಈ ಎಲ್ಲಾ ಯೋಜನೆಗಳಿಂದ ರಾಜ್ಯದಲ್ಲಿ ಕಾಂಗ್ರೆಸ್‌ ಸರಕಾರದ
ಜನಪ್ರೀಯತೆ ಹೆಚ್ಚಿದೆ. ಹೀಗಾಗಿ ಪಕ್ಷ ಬಹುತಗಳಿಸಿ ಅಧಿಕಾರಕ್ಕೆ ಮತ್ತೂಮ್ಮೆ ಬರುವುದು ಖಚಿತ ಎಂದರು.

ಪಕ್ಷದ ಕಾರ್ಯಕರ್ತರು ನನ್ನ ಅಭಿವೃದ್ಧಿ ಕಾರ್ಯಗಳ ಬಗ್ಗೆ ಜನರಿಗೆ ತಿಳಿಸಿಕೊಡಬೇಕು. ಆ ಮೂಲಕ ಜನರನ್ನು ಪಕ್ಷಕ್ಕೆ ಕರೆತರಬೇಕು. ಚುನಾವಣೆಯಲ್ಲಿ ಹೆಚ್ಚಿನ ಅಂತರದ ಗೆಲುವು ತಂದು ಕೊಡಲು ಎಲ್ಲರ ನಿರಂತರವಾಗಿ ಶ್ರಮಿಸಬೇಕು ಎಂದು ಕರೆ ನೀಡಿದರು.

ಸೋಮಣ್ಣ ಗದ್ದಿಗಿ, ಪರಮಣ್ಣ ಗದ್ದಿಗಿ, ಆದಪ್ಪ ಗದ್ದಿಗಿ, ನಾಗರಾಜ ಗದ್ದಿಗಿ, ಅಯ್ಯಣ್ಣ ಗದ್ದಿಗಿ, ಅಂಬ್ರೇಶ ಗದ್ದಿಗಿ, ಬಸಣ್ಣ ಅಸ್ಕಿ, ಮಲ್ಲಣ್ಣ ಅಸ್ಕಿ, ಭೀಮಣ್ಣ ಅಸ್ಕಿ, ಅಯ್ನಾಳಪ್ಪ ಅಸ್ಕಿ, ಹಣಮಂತ ಅಸ್ಕಿ, ಶಿವಣ್ಣ ಅಸ್ಕಿ, ಅಯ್ನಾಳಪ್ಪ ಅಸ್ಕಿ, ಮಲ್ಲಪ್ಪ ಅಸ್ಕಿ, ಮಲ್ಲಪ್ಪ ಬಿ.ಅಸ್ಕಿ, ನಂದಪ್ಪ ಅಸ್ಕಿ, ಮಲ್ಲಪ್ಪ ರಾಯಗೇರಿ, ಪರಮಣ್ಣ ಎನ್‌.ಗದ್ದಿಗಿ, ನಿಂಗಪ್ಪ ಅಬ್ಲಿ ಪಕ್ಷ
ಸೇರ್ಪಡೆಯಾದರು.