ಚೆನ್ನೈ ವಿಮಾನ ನಿಲ್ದಾಣ: 90 ಲಕ್ಷ ರೂ.ಚಿನ್ನ ವಶ, ಇಬ್ಬರು ಸೆರೆ

Team Udayavani, Jan 23, 2018, 11:59 AM IST

ಚೆನ್ನೈ : ಐದು ಪ್ರತ್ಯೇಕ ಪ್ರಕರಣಗಳಲ್ಲಿ ಕಸ್ಟಮ್ಸ್‌ ಇಲಾಖೆಯ ವಾಯು ಗುಪ್ತಚರ ದಳದವರು 90 ಲಕ್ಷ ರೂ. ಮೌಲದ್ಯ ಎರಡೂವರೆ ಕಿಲೋ ಚಿನ್ನವನ್ನು ಇಲ್ಲಿನ ವಿಮಾನ ನಿಲ್ದಾಣದಲ್ಲಿ  ವಶಪಡಿಸಿಕೊಂಡಿದ್ದಾರೆ. 

ಈ ಸಂಬಂಧ ಇಬ್ಬರನ್ನು ಬಂಧಿಸಲಾಗಿದೆ ಎಂದು ಕಸ್ಟಮ್ಸ್‌ ಅಧಿಕಾರಿಗಳು ತಿಳಿಸಿದ್ದಾರೆ. 

ಮೊದಲನೇ ಪ್ರಕರಣದಲ್ಲಿ ದುಬೈಯಿಂದ ಬಂದಿದ್ದ ಚೆರಯ ಪರಂಬ್‌ ಅನ್ಸಾರ್‌ 26 ಎಂಬಾತನಿಂದ 829 ಗ್ರಾಂ ಚಿನ್ನ, ಎರಡನೇ ಪ್ರಕರಣದಲ್ಲಿ ದುಬೈನಿಂದ ಬಂದಿದ್ದ ಉಮ್ಮಳ್‌ ಬಜ್ರಿಯಾ ಮತುತ ಹಲೀಮಾ ನಚಿಯಾ ಅವರಿಂದ 492 ಗ್ರಾಂ ಚಿನ್ನ, 3ನೇ ಪ್ರಕರಣದಲ್ಲಿ  ಕುವೈಟ್‌ ನಿಂದ ಬಂದಿದ್ದ ಶಿವಯ್ಯ ಎಂಬವರಿಂದ 333.80 ಗ್ರಾಂ ಚಿತನ್ನ, 4ನೇಪ್ರಕರಣದಲ್ಲಿ ಬ್ಯಾಂಕಾಕ್‌ನಿಂದ ಬಂದಿದ್ದ ಬರ್‌ಖತ್‌ನಿಸಾ ಶಂಸುದ್ದೀನ್‌ ರಿಂದ 379 ಗ್ರಾಂ ಚಿನ್ನ ಮತ್ತು 5ನೇ ಪ್ರಕರಣದಲ್ಲಿ ಬ್ಯಾಂಕಾಕ್‌ನಿಂದ ಬಂದಿದ್ದ ಬೈರೋಜ್‌ಖಾನ್‌ ಸುಲೇಮಾನ್‌ ಎಂಬಾತನಿಂದ 535 ಗ್ರಾಂ ಚಿನ್ನ ವಶಪಡಿಸಿಕೊಳ್ಳಲಾಯಿತು ಎಂದು ಗುಪ್ತಚರ ಮೂಲಗಳು ತಿಳಿಸಿವೆ.