ಇಂಡೋನೇಷ್ಯಾ ಓಪನ್‌: ಸಿಂಧುಗೆ ಸೋಲುಣಿಸಿದ ಸೈನಾ

Team Udayavani, Jan 27, 2018, 12:15 PM IST

ಜಕಾರ್ತ: ಲಂಡನ್‌ ಒಲಿಂಪಿಕ್ಸ್‌ ಕಂಚಿನ ಪದಕ ವಿಜೇತ ಆಟಗಾರ್ತಿ ಸೈನಾ ನೆಹ್ವಾಲ್‌ ಇಂಡೋ ನೇಷ್ಯಾ ಮಾಸ್ಟರ್ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಭಾರತದವರೇ ಆದ ಪಿ.ವಿ. ಸಿಂಧು ಅವರನ್ನು ಸೋಲಿಸಿ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.

ಶುಕ್ರವಾರ ನಡೆದ ವನಿತಾ ಸಿಂಗಲ್ಸ್‌ನ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಇಬ್ಬರು ಭಾರತೀಯ ಆಟಗಾರ್ತಿಯರ ನಡುವೆ ಭಾರೀ ಪೈಪೋಟಿ ನಡೆಯಿತು. ಅಂತಿಮವಾಗಿ ಮಾಜಿ ವಿಶ್ವ ನಂ.1 ಶ್ರೇಯಾಂಕಿತೆ ಸೈನಾ 21-13, 21-19ರಿಂದ ನೇರ ಸೆಟ್‌ನಲ್ಲಿಯೇ ಗೆಲುವು ಸಾಧಿಸಿದರು.

ಮೊದಲ ಗೇಮ್‌ನ ಆರಂಭದಲ್ಲಿ ಸೈನಾ 3-0 ದಿಂದ ಮುನ್ನಡೆ ಪಡೆದಿ ದ್ದರು. ಮರು ಕ್ಷಣದಲ್ಲಿಯೇ ಚೇತ ರಿಸಿಕೊಂಡ ಸಿಂಧು 4-4ರಿಂದ ಸಮಬಲಕ್ಕೆ ತರುವಲ್ಲಿ ಯಶಸ್ವಿಯಾದರು. ಆದರೆ ಅನಂತರದ ಹಂತದಲ್ಲಿ ಸೈನಾ ನಿರಂತರವಾಗಿ ಮುನ್ನಡೆ ಕಾಯ್ದುಕೊಳ್ಳುವಲ್ಲಿ ಯಶಸ್ವಿ ಯಾದರು. ಹೀಗಾಗಿ ಮೊದಲ ಗೇಮ್‌ ಸುಲಭದಲ್ಲಿ ಸೈನಾ ವಶವಾಯಿತು.

ರಿಯೋ ಒಲಿಂಪಿಕ್ಸ್‌ ಬೆಳ್ಳಿ ಪದಕ ವಿಜೇತೆ ಸಿಂಧು 2ನೇ ಗೇಮ್‌ನಲ್ಲಿ ತಿರುಗೇಟು ನೀಡುವ ನಿರೀಕ್ಷೆ ಇತ್ತು. ಒಂದು ಹಂತದಲ್ಲಿ 10-10, ಮತ್ತೂಮ್ಮೆ 14-14 ರಿಂದ ಸಮಬಲದಲ್ಲಿರು. ಕೊನೆಯ ಹಂತದಲ್ಲಿ ಸೈನಾ ಮೇಲುಗೈ ಸಾಧಿಸಿ ಪಂದ್ಯವನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ಸೆಮಿಫೈನಲ್‌ನಲ್ಲಿ ಸೈನಾ ಥಾಯ್ಲೆಂಡ್‌ನ‌ ರಚನೋಕ್‌ ಇಂತ ನಾನ್‌ ಸವಾಲನ್ನು ಎದುರಿಸಲಿದ್ದಾರೆ. ಇವರಿಬ್ಬರೂ ಮಾಜಿ ನಂ.1 ಆಟ ಗಾರ್ತಿಯರೆಂಬುದು ವಿಶೇಷ. ಇಲ್ಲಿಯ ವರೆಗೆ ಸೈನಾ-ಇಂತನಾನ್‌ 13 ಬಾರಿ ಮುಖಾಮುಖೀಯಾಗಿದ್ದಾರೆ. ಅದರಲ್ಲಿ ಸೈನಾ 8 ಪಂದ್ಯ ಗೆದ್ದರೆ, ಇಂತನಾನ್‌ 5 ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದಾರೆ.