ಹೇಮಾದ್ರಂಬ ಜಾತ್ರೆಗೆ ಅಧಿಕೃತ ಚಾಲನೆ
Team Udayavani, Jan 29, 2018, 12:52 PM IST
ಬನ್ನೂರು: ಗಂಗ ಅರಸರ ಎರಡನೇ ರಾಜಧಾನಿಯೆಂದೇ ಹೆಸರು ವಾಸಿಯಾಗಿದ್ದ ಬನ್ನೂರಿನ ಹೇಮಾದ್ರಂಬ ದೇವತೆಯ ಜಾತ್ರೆ ಪ್ರಸಿದ್ದಿ ಪಡೆದಿದೆ. ಭಾನುವಾರ ಈ ದೇಗುಲದ ಮುಂಭಾಗ ಹಸಿರು ಚಪ್ಪರವನ್ನು ಹಾಕುವ ಮೂಲಕ ಜಾತ್ರೆಗೆ ವಿದ್ಯುಕ್ತವಾಗಿ ಚಾಲನೆ ನೀಡಲಾಯಿತು.
ಹನ್ನೊಂದು ದಿನಗಳ ಜಾತ್ರಾಮಹೋತ್ಸವದಲ್ಲಿ ಪ್ರತಿದಿನ ಒಂದಿಲ್ಲೊಂದು ಪೂಜಾಕಾರ್ಯಗಳು ಜರುಗಲಿದ್ದು, ಆದಿಜಾಂಬವ ಜನಾಂಗದ ಎಲ್ಲ ಯಜಮಾನರು, ಸುಭಾಷ್ನಗರದ ಮುಖಂಡರು, ಮಾಕನಹಳ್ಳಿಯ ಜನಾಂಗದ ಮುಖಂಡರು, ಯುವಕರ ಪಡೆಗಳೊಂದಿಗೆ ದೇವಾಲಯದ ಮುಂಭಾಗದಲ್ಲಿ ಸೇರಿ ಹಸಿರು ಚಪ್ಪರ ಹಾಕಿ ಜಾತ್ರೆಗೆ ಶುಭವನ್ನು ಆಹ್ವಾನಿಸುವುದು ಪ್ರತೀತಿ.
ಚಿನ್ನದ ಮೂರ್ತಿ: ಹಿಂದಿನಿಂದಲೂ ಬಂದ ಪ್ರತೀತಿಯಂತೆ ಜಾತ್ರಾಮಹೋತ್ಸವ ಹತ್ತಿರವಾಗುತ್ತಿದ್ದಂತೆ ಊರಿನ ಮುಖಂಡರು ಹಾಗೂ ಹೇಮಾದ್ರಂಬ ಸಮಿತಿಯ ಮುಖಂಡರೆಲ್ಲರೂ ಒಟ್ಟಾಗಿ ಮುಜರಾಯಿ ಇಲಾಖೆಯಿಂದ ದೇವಿಯನ್ನು ತರುವ ಪ್ರತೀತಿ ಇದೆ.
ಹೇಮಾದ್ರಂಭ ದೇವಿಯ ಚಿನ್ನದ ಮೂರ್ತಿಯು ಮುಜರಾಯಿ ಇಲಾಖೆಯ ವಶದಲ್ಲಿದ್ದು, ಅದನ್ನು ಜಾತ್ರಾ ಮಹೋತ್ಸವದ ವೇಳೆಯಲ್ಲಿ ಮಾತ್ರವೇ ತಂದು ಪೂಜಿಸುವ ಪದ್ದತಿ ರೂಢಿಯಲ್ಲಿದೆ. ದೇವಿಯನ್ನು ಅರ್ಚಕರ ಮನೆಯಲ್ಲಿ ಇರಿಸಿ, ಜಾತ್ರಾ ಮಹೋತ್ಸವದ ದಿನ ದೇವಾಲಯಕ್ಕೆ ತೆಗೆದುಕೊಂಡು ಹೋಗುವುದು ಇಲ್ಲಿನ ಪದ್ಧತಿ.
ಅಂಕುರಾರ್ಪಣೆ: ಅಂತೆಯೇ ಭಾನುವಾರ ದೇವಿಯು ದೇವಳ ಪ್ರವೇಶ ಮಾಡುವ ಹಿನ್ನೆಲೆಯಲ್ಲಿ ಮುಂಜಾನೆಯೇ ಹಸಿರು ಚಪ್ಪರವನ್ನು ಹಾಕಲಾಯಿತು. ಸಂಜೆ ದೇವಾಲಯದ ಅರ್ಚಕರು ದೇವಾಲಯಕ್ಕೆ ದೇವಿಯನ್ನು ತಂದರು. ಈ ಮೂಲಕ ದೇವಿಯು ದೇವಾಲಯವನ್ನು ಪ್ರವೇಶಿಸಿದಂತಾಗಿ, ಸಂಜೆಯ ವೇಳೆ ಅಂಕುರಾರ್ಪಣೆಯ ಕಾರ್ಯವೂ ಜರುಗಿತು.
ಮಾಂಸಾಹಾರ ನಿಷೇಧ: ಜಾತ್ರೆಯ ಹಿನ್ನೆಲೆಯಲ್ಲಿ ಇಡೀ ಊರಿನಲ್ಲಿ ಮಾಂಸಾಹಾರವನ್ನು ಸಂಪೂರ್ಣವಾಗಿ ನಿಷೇಧ ಮಾಡಲಾಗಿದ್ದು, ಮಾಂಸ ಮಾರಾಟ ಮಾಡುತ್ತಿದ್ದ ಮಾರುಕಟ್ಟೆಯ ಮಾಂಸದ ಅಂಗಡಿಗಳು, ಕೋಳಿ ಅಂಗಡಿಗಳು ಮುಚ್ಚಲಾಗಿದೆ.
ಎಳನೀರಿಗೆ ಬೇಡಿಕೆ: ಹಿಂದೆ ಹೇಮಾದ್ರಂಬ ದೇವಿ ಗ್ರಾಮಕ್ಕೆ ಬರಲು ಪ್ರತಿ ಹೆಜ್ಜೆ ಹೆಜ್ಜೆಗೆ ಎಳನೀರನ್ನು ನೀಡಲಾಗಿತ್ತು ಎನ್ನುವ ಪ್ರತೀತಿ ಇದ್ದು, ಅಂತೆಯೇ ದೇವಿಯ ಜಾತ್ರಾಮಹೋತ್ಸವದಲ್ಲಿ ದೇವಿಯ ಪೂಜೆ ಎಳನೀರನ್ನು ಬಳಸುವುದು ರೂಢಿಯಲ್ಲಿದ್ದು, ಎಳನೀರಿಗೆ ಬೇಡಿಕೆ ಹೆಚ್ಚಾಗಿದ್ದು, ಮಾರಾಟ ಮಾಡುವವರ ಸಂಖ್ಯೆಯೂ ಹೆಚ್ಚುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.