ಕುಂವೀ ಪುಸ್ತಕ ಬಿಡುಗಡೆ

Team Udayavani, Feb 3, 2018, 4:21 PM IST

ಸಾಹಿತಿ ಕುಂ. ವೀರಭದ್ರಪ್ಪ ಅವರ ಅನುವಾದಿತ ಪುಸ್ತಕ “ದಮ್ಮಲಾಲ್‌ ಚೋಪ್ರಾ’ ಬಿಡುಗಡೆ ಕಾರ್ಯಕ್ರಮ ನಗರದಲ್ಲಿ ಏರ್ಪಾಡಾಗಿದೆ. ಆಕೃತಿ ಪುಸ್ತಕ ಪ್ರಕಾಶನ ಪುಸ್ತಕವನ್ನು ಹೊರತರುತ್ತಿದೆ. ಬದುಕಿನ ವಾಸ್ತವತೆಯ ಕುರಿತಾದ ಕಥಾಹೂರಣವನ್ನು ಹೊಂದಿರುವ ಈ ಕಾದಂಬರಿಯ ಮೂಲ, ಮಧುರಾಂತಕಂ ನರೇಂದ್ರ ರಚಿಸಿದ ತೆಲುಗು ಕಾದಂಬರಿ “ಅಮ್‌ಸ್ಟರ್‌ಡ್ಯಾಮ್‌ಲೋ ಅದ್ಭುತಂ’.

ಪುಸ್ತಕವನ್ನು ಬಿಡುಗಡೆಗೊಳಿಸಿ, ಉಪನ್ಯಾಸ ಮತ್ತು ಸಂವಾದ ಕಾರ್ಯಕ್ರಮವನ್ನು ಸಾಹಿತಿ ಕೇಶವ ಮಳಗಿಯವರು ನಡೆಸಿಕೊಡಲಿದ್ದಾರೆ. ಸಂವಾದದಲ್ಲಿ ಕು. ವೀರಭದ್ರಪ್ಪ ಅವರೂ ಪಾಲ್ಗೊಳ್ಳುತ್ತಿದ್ದಾರೆ. ಈ ಸಂದರ್ಭದಲ್ಲಿ ಸುರೇಶ್‌ ನಾಗಲಮಡಿಕೆಯವರು ಪುಸ್ತಕ ಪರಿಚಯ ಮಾಡಿಕೊಡುವರು.

ಎಲ್ಲಿ?: ಆಕೃತಿ ಪುಸ್ತಕ ಮಳಿಗೆ, 12ನೇ ಮುಖ್ಯರಸ್ತೆ, 3ನೇ ಹಂತ, ರಾಜಾಜಿನಗರ
ಯಾವಾಗ?: ಫೆ. 3, ಸಂಜೆ 5.30