ಸಂಗೀತ ಪ್ರೇಮಿಗಳ ನಾದ – ನೀರಾಜನ
Team Udayavani, Feb 9, 2018, 8:15 AM IST
ಸರಿಗಮ ಭಾರತಿ ಸಂಗೀತ ವಿದ್ಯಾಲಯ (ರಿ.) ಪರ್ಕಳ ವತಿಯಿಂದ ಹಿರಿ-ಕಿರಿಯ ಕಲಾವಿದರ ಒಗ್ಗೂಡುವಿಕೆಯಲ್ಲಿ ಸಂಗೀತ ನಾದ – ನೀರಾಜನ ಕಾರ್ಯಕ್ರಮ ನಡೆಯಿತು. ಗುರು ಉಮಾಶಂಕರಿಯವರ ನಾದಾರ್ಚನೆಯ ಬಳಿಕ ವಿದ್ಯಾಲಯದ ವಿದ್ಯಾರ್ಥಿಗಳಿಂದ ಪಿಳ್ಳಾರಿ ಗೀತೆಗಳು ಮತ್ತು ಕೃತಿ ಮತ್ತು ತನ್ಮಯಿ ಅವರಿಂದ ಕೀರ್ತನೆಗಳು ಪ್ರಸ್ತುತಗೊಂಡವು. ಅನಂತರ ಅರ್ಜುನ್ ಮುದ್ಲಾಪುರ ಅವರ ವೀಣಾವಾದನ ನಡೆಯಿತು. ಕೆ. ಆರ್. ರಾಘವೇಂದ್ರ ಆಚಾರ್ಯ ಅವರ ತ್ಯಾಗರಾಜರ ಕೃತಿಗಳು, ದೇವರ ನಾಮಗಳು, ಸಂಗೀತ ಪ್ರಿಯರನ್ನು ರಂಜಿಸಿದವು. ಮಣಿಪಾಲದ ಪ್ರೇಮ್ಚಂದ್ ಪೈ ವಯಲಿನ್ ವಾದನವನ್ನು ಹಿಂದೂಸ್ಥಾನಿ ಶೈಲಿಯಲ್ಲಿ ಪ್ರಸ್ತುತ ಪಡಿಸಿದರು. ಹಂಸಭಾರತಿ ಮತ್ತು ಹೇಮವರ್ಷಿಣಿಯವರು ಕರ್ನಾಟಕ ಶಾಸ್ತ್ರೀಯ ಸಂಗೀತವನ್ನು ಪ್ರಸ್ತುತಪಡಿಸಿದರು. ಕಚೇರಿಯಲ್ಲಿ ಕೀರವಾಣಿ ಪ್ರಧಾನ ರಾಗವಾಗಿ ದೇವಿ ನೀಯೆ ತುಣೈ ಕೃತಿಯ ಮೂಲಕ ನಿರೂಪಣೆಗೊಂಡಿತು. ಸರಿಗಮ ಭಾರತೀಯ ವಿದ್ಯಾರ್ಥಿಗಳಾದ ವರ್ಧನ್, ಪೂರ್ಣ, ಚೈತನ್ಯ ಕೃತಿಗಳನ್ನು ಪ್ರಸ್ತುತ ಪಡಿಸಿದರು.
ವಿಷ್ಣು ಶರ್ಮ ಆಭೋಗಿಯಲ್ಲಿ ವರ್ಣ, ಗೌಳ ರಾಗದಲ್ಲಿ ಪ್ರಣಾಮಮ್ಯಹಂ, ನಾಟ ಕುರುಂಜಿಯಲ್ಲಿ ಮಾಮವ ಸದಾ ವಂದೇ, ತಿಲ್ಲಾನದೊಂದಿಗೆ ಕಾರ್ಯಕ್ರಮವನ್ನು ಪ್ರಸ್ತುತ ಪಡಿಸಿದರು. ಅನಿಕೇತ್ ವೇಣುವಾದನದಿಂದ ಮೆಚ್ಚುಗೆಯನ್ನು ಪಡೆದರು.
ಗೋಷ್ಠಿ ಗಾಯನ ರೂಪದಲ್ಲಿ ತ್ಯಾಗರಾಜರ “ಪಂಚರತ್ನ’ ಕೃತಿಗಳು ಮತ್ತು ದೀಕ್ಷಿತರ ನವಾವರಣ ಕೃತಿಗಳು ಪ್ರಸ್ತುತಗೊಂಡವು. ಜ್ಯೋತಿಲಕ್ಷ್ಮಿ ಅವರಿಂದ ನಡೆದ ಕರ್ನಾಟಕ ಶಾಸ್ತ್ರೀಯ ಸಂಗೀತ ಗಾಯನದಲ್ಲಿ ಪೂರ್ವಿ ಕಲ್ಯಾಣಿ ರಾಗದ ಮೀನಾಕ್ಷಿ ಮೇಮುದಂ ಮತ್ತು ಶ್ರೀ ರಾಗದ ನವಾವರಣ ಕೃತಿ ಹಾಗೂ ಕೀರವಾಣಿ ರಾಗದಲ್ಲಿ ಅಂಬವಾಣಿ ಕೃತಿಗಳು ನಿರೂಪಣೆಗೊಂಡವು. ಹಿಂದೂಸ್ಥಾನೀ ಸಂಗೀತ ಕಾರ್ಯಕ್ರಮದಲ್ಲಿ ದೇವಿ ಸಾರಂಗ ಅವರು ಬಡಾಖ್ಯಾಲ್ನ್ನು ಯಮನ್ ರಾಗದಲ್ಲಿ, ದೇವರ ನಾಮಗಳನ್ನು ಮರಾಠಿ ಅಭಂಗ್ ಮತ್ತು ರಾಗಮಾಲಿಕೆಯನ್ನು ಎರಡೂ ಸ್ಥಾಯಿಗಳಲ್ಲೂ ಪ್ರಸ್ತುತ ಪಡಿಸಿದರು.ಉದ್ಯಾವರ ಮಾಧವ ಆಚಾರ್ಯ ನಿರ್ದೇಶನದಲ್ಲಿ “ರುಕ್ಮಿಣೀಶ ವಿಜಯ’ ನೃತ್ಯರೂಪಕವನ್ನು ಭ್ರಮರಿ ಶಿವಪ್ರಕಾಶ್ ಪ್ರಸ್ತುತ ಪಡಿಸಿದರು.ಪಕ್ಕವಾದ್ಯ ಕಲಾವಿದರುಗಳಾಗಿ ವಯಲಿನ್ನಲ್ಲಿ ವೈಭವ್ ಪೈ, ಶರ್ಮಿಳಾ ರಾವ್, ವೇಣುಗೋಪಾಲ್ ಶ್ಯಾನುಭೋಗ್, ವಸಂತಿ ರಾಮ ಭಟ್, ಸುಮೇಧ ಅಮೈ ಹಾಗೂ ಮೃದಂಗದಲ್ಲಿ ಡಾ| ಬಾಲಚಂದ್ರ ಆಚಾರ್ಯ, ಹಿರಣ್ಮಯ, ಬಾಲಚಂದ್ರ ಭಾಗವತ್, ಸುನಾದ ಕೃಷ್ಣ ಮತ್ತು ತಬ್ಲಾದಲ್ಲಿ ಶಶಿಕಿರಣ್, ಪರಮೇಶ್ವರ ಹೆಗ್ಡೆ ಸಹಕರಿಸಿದರು.
ಜ್ಯೋತಿಷ್ಮತಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಪಾಡ್ದನದೆಡೆಗೆ ನಿರಾಸಕ್ತಿ- ಜಾನಪದ ಆಕಾಡೆಮಿ ರಾಜ್ಯಪ್ರಶಸ್ತಿ ಪುರಸ್ಕೃತೆ ಅಪ್ಪಿ ಪಾಣಾರ ಕಳವಳ
ಸಂಪ್ರದಾಯಬದ್ಧವಾಗಿ ರಂಗಶಿಸ್ತಿನೊಂದಿಗೆ ಹೊಸತನ ಅಳವಡಿಸಿಕೊಂಡರೆ ತಪ್ಪಿಲ್ಲ
Ropesh Shetty: ಹಳ್ಳಿಯ ಸೊಗಡಿನಲ್ಲಿ ರೂಪೇಶ್ ಜೈಕಾರ !
Yakshagana: ತೆಂಕುತಿಟ್ಟಿನ “ರಂಗಸ್ಥಳದ ರಾಜ’ʼ ಅರುವ ಕೊರಗಪ್ಪ ಶೆಟ್ಟಿ
Idu Entha Lokavayya: “ಕೋಸ್ಟಲ್” ನಿಂದ ಕರುನಾಡು!
MUST WATCH
ಹೊಸ ಸೇರ್ಪಡೆ
Podcast;ನಾನು ದೇವರಲ್ಲ,ತಪ್ಪು ಮಾಡಿದ್ದೇನೆ: ಪ್ರಧಾನಿ ಹೇಳಿಕೆ ಡ್ಯಾಮೇಜ್ ಕಂಟ್ರೋಲ್ ಎಂದ ಕೈ
SSLC-PUC Exam: ಪರೀಕ್ಷಾ ವೇಳಾಪಟ್ಟಿ ಪ್ರಕಟ: ವಿದ್ಯಾರ್ಥಿಗಳು ಗಮನಿಸಿ
INDWvsIREW: ಪ್ರತಿಕಾ ರಾವಲ್ ಭರ್ಜರಿ ಬ್ಯಾಟಿಂಗ್; ಐರ್ಲೆಂಡ್ ವಿರುದ್ದ ಸರಣಿ ಶುಭಾರಂಭ
Mega Concert: Black ಮಾರ್ಕೆಟ್ ಟಿಕೆಟ್ ಮಾರಾಟ ತಡೆಗೆ ಮಾರ್ಗಸೂಚಿ ಬೇಕು: ಪಿಐಎಲ್ ವಜಾ
Gudibande: ಬಸ್ಗೆ ಟಿಪ್ಪರ್ ಡಿಕ್ಕಿ; ತಪ್ಪಿದ ಭಾರಿ ಅನಾಹುತ; ಇಬ್ಬರಿಗೆ ಗಾಯ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.