ಹೊಸಬರಿಂದ ತಂಡಕ್ಕೆ ಲಾಭ: ಡ್ಯುಮಿನಿ

Team Udayavani, Feb 18, 2018, 6:35 AM IST

ಜೊಹಾನ್ಸ್‌ಬರ್ಗ್‌: ಭಾರತದೆದುರಿನ ಟಿ20 ಸರಣಿಯನ್ನು ಹೆಚ್ಚು ಆಕ್ರಮಣಕಾರಿಯಾಗಿ ಆಡಬೇಕು ಎಂದಿರುವ ದಕ್ಷಿಣ ಆಫ್ರಿಕಾ ತಂಡದ ಉಸ್ತುವಾರಿ ನಾಯಕ ಜೆಪಿ ಡ್ಯುಮಿನಿ, ಹೊಸಬರಿಂದ ಹೆಚ್ಚಿನ ಲಾಭವಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಅಂದಹಾಗೆ ಆತಿಥೇಯ ತಂಡದಲ್ಲಿ 6 ಮಂದಿ ಹೊಸ ಆಟಗಾರರಿದ್ದಾರೆ!

“ತಂಡದಲ್ಲಿ ಹೊಸಬರಿರುವುದು ಯಾವತ್ತೂ ಲಾಭಕರ. ಇವರ ತಂತ್ರಗಾರಿಕೆ ಅರಿಯದಿರುವುದರಿಂದ ಎದುರಾಳಿಗಳ ಮೇಲೆ ಹೆಚ್ಚಿನ ಒತ್ತಡ ಹೇರಲು ಸಾಧ್ಯ’ ಎಂದರು.

“ತಂಡವನ್ನು ಮುನ್ನಡೆಸುವುದು ಖುಷಿಯ ಅನುಭವ, ಆದರೆ ಏಕದಿನ ಸರಣಿಯಲ್ಲಿ ಅನುಭವಿಸಿದ ಸೋಲನ್ನು ಅರಗಿಸಿಕೊಳ್ಳುವುದು ಕಷ್ಟ. ಭಾರತ ಅಮೋಘ ಪ್ರದರ್ಶನ ನೀಡಿತು. ಟಿ20ಯಲ್ಲಿ ಉತ್ತಮ ಆಟವಾಡಿ ಗೆಲುವು ಸಾಧಿಸುವುದು ನಮ್ಮ ಯೋಜನೆ. ಇದೊಂದು ರೀತಿಯಲ್ಲಿ ಶಕ್ತಿ ಪರೀಕ್ಷೆ. ಮಳೆಯಿಂದ ಅಡಚಣೆಗೊಳಗಾದ ಪಿಂಕ್‌ ಡೇ ಏಕದಿನ ಪಂದ್ಯದಲ್ಲಿ ಟಿ20 ಶೈಲಿಯಲ್ಲಿ ಬ್ಯಾಟಿಂಗ್‌ ನಡೆಸಿದ್ದರಿಂದಲೇ ನಮಗೆ ಗೆಲುವು ಸಾಧ್ಯವಾಯಿತು…’ ಎಂದು ಡ್ಯುಮಿನಿ ಹೇಳಿದರು.