ಪ್ರಜಾಸತ್ತೆಯೇ ಮೂಲ ತತ್ವ: ಪ್ರಧಾನಿ ಮೋದಿ

Team Udayavani, Feb 19, 2018, 8:15 AM IST

ಹೊಸದಿಲ್ಲಿ /ಮುಂಬಯಿ: “ದೇಶಕ್ಕೆ ಸ್ವಾತಂತ್ರ್ಯ ಬಂದಾಗಿನಿಂದಲೂ ಜನಸಂಘ ಮತ್ತು ಬಿಜೆಪಿ ನೇತೃತ್ವ ವಹಿಸಿದ ಎಲ್ಲ ಪ್ರತಿಭಟನೆಗಳೂ ರಾಷ್ಟ್ರೀಯ ಹಿತಾಸಕ್ತಿಯನ್ನೇ ಹೊಂದಿದ್ದವು. ಪ್ರಜಾಸತ್ತೆ ಎನ್ನುವುದು ಬಿಜೆಪಿಯ ಮೂಲ ತತ್ವವಾಗಿದ್ದು, ಇದರಿಂದಲೇ ನಾವು ಮಿತ್ರಪಕ್ಷಗಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಯಶಸ್ವಿಯಾಗಿ ಮುಂದೆ ಸಾಗಲು ಸಾಧ್ಯವಾಗಿದೆ.’ 

ಹೊಸದಿಲ್ಲಿಯಲ್ಲಿ ಭಾನುವಾರ ಬಿಜೆಪಿಯ ಹೊಸ ಕೇಂದ್ರ ಕಚೇರಿಯನ್ನು ಉದ್ಘಾಟಿಸಿದ ಬಳಿಕ ಪ್ರಧಾನಿ ಮೋದಿ ಆಡಿದ ಮಾತುಗಳಿವು. ಪಕ್ಷದ ಹಿರಿಯ ನಾಯಕರಾದ ಎಲ್‌.ಕೆ. ಅಡ್ವಾಣಿ, ಮುರಳಿ ಮನೋಹರ್‌ ಜೋಷಿ, ಕೇಂದ್ರ ಸಚಿವರ ಸಮ್ಮುಖದಲ್ಲಿ ಬೃಹತ್‌ ಕಚೇರಿಯನ್ನು ಪ್ರಧಾನಿ ಉದ್ಘಾಟಿಸಿದರು. ಈ ವೇಳೆ ಮಾತನಾಡಿದ ಅವರು, ಸ್ವಾತಂತ್ರ್ಯ ಚಳವಳಿಯಲ್ಲಿ ಕಾಂಗ್ರೆಸ್‌ನೊಂದಿಗೆ ನಂಟಿದ್ದ ಅನೇಕ ನಾಯಕರು ಪಾಲ್ಗೊಂಡಿದ್ದರು. ಆದರೆ, ನಂತರ ಅವರು ತಮ್ಮ ರಾಜಕೀಯ ಪಕ್ಷ ಸ್ಥಾಪಿಸಲೋಸುಗ ಪ್ರತ್ಯೇಕವಾದರು. ಆದರೆ, ಸ್ವಾತಂತ್ರಾéನಂತರ ಬಲಿಷ್ಠವಾದ ರಾಷ್ಟ್ರೀಯ ಪಕ್ಷ ಜನ್ಮತಾಳಬೇಕಿತ್ತು. ಅದಕ್ಕಾಗಿಯೇ ಜನಸಂಘವು ಹುಟ್ಟಿತು. ನಂತರ ರಾಷ್ಟ್ರೀಯ ಹಿತಾಸಕ್ತಿಯಿಂದ ನಡೆದ ಎಲ್ಲ ಪ್ರತಿಭಟನೆಗಳಲ್ಲೂ ಜನಸಂಘ, ಬಿಜೆಪಿ ಮುಂದಾಳತ್ವ ವಹಿಸಿತ್ತು. ಇದು ಹೆಮ್ಮೆಯ ಸಂಗತಿ ಎಂದರು. ಇದೇ ವೇಳೆ, 18 ತಿಂಗಳ ಅವಧಿಯಲ್ಲಿ ಈ ಕಟ್ಟಡ ನಿರ್ಮಿಸಿದ್ದಕ್ಕೆ ಶಾ ಮತ್ತು ತಂಡವನ್ನು ಪ್ರಧಾನಿ ಶ್ಲಾ ಸಿದರು.

ಸುಮಾರು 1.70 ಲಕ್ಷ ಚ. ಅಡಿ ವಿಸ್ತೀರ್ಣ ಹೊಂದಿರುವ ಬಿಜೆಪಿ ಪ್ರಧಾನ ಕಚೇರಿಯಷ್ಟು ದೊಡ್ಡ ಕಚೇರಿಯನ್ನು ಜಗತ್ತಿನ ಯಾವ ರಾಜ ಕೀಯ ಪಕ್ಷವೂ ಹೊಂದಿಲ್ಲ ಎಂದು ಪಕ್ಷದ ಅಧ್ಯಕ್ಷ ಅಮಿತ್‌ ಶಾ ಹೇಳಿದ್ದಾರೆ. ದೀನ್‌ ದಯಾಳ್‌ ಉಪಾಧ್ಯಾಯ್‌ ಮಾರ್ಗದಲ್ಲಿ ಈ ಕಚೇರಿಯಿದ್ದು, ಈ ಮೂಲಕ ಲ್ಯೂಟೆನ್ಸ್‌ ಬಂಗಲೆ ವಲಯದ ಹೊರಗೆ ಕಚೇರಿಯನ್ನು ಸ್ಥಳಾಂತರಿಸಿದ ಮೊದಲ ಪ್ರಮುಖ ರಾಷ್ಟ್ರೀಯ ಪಕ್ಷ ಎಂಬ ಹೆಸರನ್ನೂ ಬಿಜೆಪಿ ಗಳಿಸಿದಂತಾಗಿದೆ.

900 ವಿಮಾನಗಳ ಖರೀದಿ: ಪ್ರಧಾನಿ
ಮುಂಬಯಿಯಲ್ಲಿ 1600 ಕೋಟಿ ರೂ. ವೆಚ್ಚ ದಲ್ಲಿ ನಿರ್ಮಾಣ ಮಾಡಲು ನಿರ್ಧರಿಸ ಲಾಗಿರುವ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಶಂಕುಸ್ಥಾಪನೆ  ಮಾಡಿದ ಪ್ರಧಾನಿ ಮೋದಿ, ಈ ವರ್ಷ ವಿಮಾನ ಯಾನ ಸಂಸ್ಥೆಗಳು ಒಟ್ಟು 900 ವಿಮಾನ ಗಳ ಖರೀದಿಗೆ ಆರ್ಡರ್‌ ಮಾಡಿವೆ. ಸರ್ಕಾರದ ವಿಮಾನಯಾನ ನೀತಿ ಶ್ರೀಮಂತರಿಗಲ್ಲ. ಬಡವರನ್ನು ಉದ್ದೇಶಿಸಿದೆ ಎಂದಿದ್ದಾರೆ.