ಅಕ್ರಮ ವಲಸಿಗರು, ಪಾಕ್‌ ಛಾಯಾ ಸಮರ: ಜ| ರಾವತ್‌ ಎಚ್ಚರಿಕೆ

Team Udayavani, Feb 22, 2018, 11:15 AM IST

ಹೊಸದಿಲ್ಲಿ : ಬಾಂಗ್ಲಾದೇಶದಿಂದ ಭಾರತದ ಈಶಾನ್ಯ ರಾಜ್ಯಗಳಿಗೆ ಗಣನೀಯ ಪ್ರಮಾಣದಲ್ಲಿ  ಅಕ್ರಮ ವಲಸೆ ನಡೆಯುತ್ತಿರುವುದರ ಹಿಂದೆ ಪಾಕಿಸ್ಥಾನದ ಕೈವಾಡವಿದ್ದು ಈ ಮೂಲಕ ಭಾರತದ ವಿರುದ್ಧ ಛಾಯಾ ಸಮರ ನಡೆಸುತ್ತಿರುವ ಪಾಕಿಸ್ಥಾನಕ್ಕೆ ಸೇನಾ ಮುಖ್ಯಸ್ಥ ಜನರಲ್‌ ಬಿಪಿನ್‌ ರಾವತ್‌ ಎಚ್ಚರಿಕೆ ನೀಡಿದ್ದಾರೆ.

ಭಾರತದ ಈಶಾನ್ಯ ರಾಜ್ಯಗಳಿಗೆ ಬಾಂಗ್ಲಾ ದೇಶದಿಂದ ದೊಡ್ಡ ಸಂಖ್ಯೆಯಲ್ಲಿ ಅಕ್ರಮ ವಲಸಿಗರನ್ನು ನುಗ್ಗಿಸುವ ಮೂಲಕ ಈಶಾನ್ಯ ಭಾಗಗಳನ್ನು ಒಳಹಾಕಿಕೊಳ್ಳುವ ದುರುದ್ದೇಶ ಪಾಕಿಸ್ಥಾನದ್ದಾಗಿದೆ; ಈ ರೀತಿಯ ಛಾಯಾ ಸಮರ ನಡೆಸುತ್ತಿರುವ ಪಾಕಿಸ್ಥಾನಕ್ಕೆ ಇದು ಭಾರತದ ಎಚ್ಚರಿಕೆಯಾಗಿದೆ ಎಂದು ರಾವತ್‌ ಮಾಧ್ಯಮವನ್ನು ಉದ್ದೇಶಿಸಿ ಹೇಳಿದರು. 

ಪಾಕಿಸ್ಥಾನದ ಈ ಛಾಯಾ ಸಮರಕ್ಕೆ ಚೀನದ ಬೆಂಬಲವಿದ್ದು  ಭಾರತದ ಈಶಾನ್ಯ ಭಾಗವನ್ನು ಪ್ರಕ್ಷುಬ್ದವಾಗಿರಿಸುವುದು ಈ ಛಾಯಾ ಸಮರದ ಉದ್ದೇಶವಾಗಿದೆ ಎಂದು ಜನರಲ್‌ ರಾವತ್‌ ಹೇಳಿದರು. 

ಅಸ್ಸಾಮಿನ ಹಲವು ಜಿಲ್ಲೆಗಳಲ್ಲಿ ಮುಸ್ಲಿಂ ಜನಸಂಖ್ಯೆ ಒಂದೇ ಸಮನೆ ಹೆಚ್ಚುತ್ತಿರುವುದರ ಹಿಂದೆ ಪಾಕಿಸ್ಥಾನದ ಕೈವಾಡವಿದ್ದು ಅದಕ್ಕೆ ಚೀನದ ಬೆಂಬಲ ಇರುವುದು ಸ್ಪಷ್ಟವಿದೆ ಎಂದು ಜನರಲ್‌ ರಾವತ್‌ ಹೇಳಿದರು.