ಗಡಿ ರೇಖೆ ಬಳಿ ಬಂದ ಪಾಕ್‌ ಹೆಲಿಕಾಪ್ಟರ್‌

Team Udayavani, Feb 22, 2018, 12:30 PM IST

ಹೊಸದಿಲ್ಲಿ: ಅಚ್ಚರಿಯ ಬೆಳವಣಿಗೆಯೆಂಬಂತೆ, ಪಾಕಿಸ್ಥಾನಿ ಮಿಲಿಟರಿ ಹೆಲಿಕಾಪ್ಟರ್‌ವೊಂದು ಬುಧವಾರ ಜಮ್ಮು -ಕಾಶ್ಮೀರದ ಪೂಂಛ ವಲಯದ ಗಡಿ ನಿಯಂತ್ರಣ ರೇಖೆಗಿಂತ  300 ಮೀ. ದೂರಕ್ಕೆ ಬಂದಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಘಟನೆ ಬೆಳಗ್ಗೆ 9.45ರಿಂದ 10 ರ ಒಳಗೆ ನಡೆದಿದೆ.

ಈ ವೇಳೆ ಎರಡೂ ಬದಿಗಳಿಂದ ಯಾವುದೇ ಗುಂಡಿನ ದಾಳಿ, ಬಂಧನದಂಥ ಕ್ರಮಗಳು ನಡೆದಿಲ್ಲ ಎಂದೂ ಅವರು ತಿಳಿಸಿದ್ದಾರೆ. ಉಭಯ ದೇಶಗಳ ಒಪ್ಪಂದದ ಪ್ರಕಾರ, ರೋಟರಿ ವಿಂಗ್‌ ವಿಮಾನಗಳು ಎಲ್‌ ಒಸಿಗೆ 1 ಕಿ.ಮೀ. ಸಮೀಪ ಬರುವಂತಿಲ್ಲ. ಫಿಕ್ಸೆಡ್‌ ವಿಂಗ್‌ ವಿಮಾನಗಳು 10 ಕಿ.ಮೀ. ವ್ಯಾಪ್ತಿಯೊಳಗೆ ಬರುವಂತಿಲ್ಲ. ಬುಧವಾರ ಕಾಪ್ಟರ್‌ 300 ಮೀ. ದೂರದಲ್ಲಿ ಬಂದು ವಾಪಸಾಯಿತು. ಈ ಕುರಿತು ಪಾಕ್‌ ಜೊತೆ ಮಾತುಕತೆಗೆ ಸೇನೆ ಮುಂದಾಗಿದೆ.

ಕದನ ವಿರಾಮ ಉಲ್ಲಂಘನೆ: ಇನ್ನೊಂದೆಡೆ, ಜಮ್ಮು- ಕಾಶ್ಮೀ ರದ ಕುಪ್ವಾರಾದಲ್ಲಿ ಪಾಕಿಸ್ಥಾನವು ಬುಧವಾರ ಕದನ ವಿರಾಮ ಉಲ್ಲಂ ಸಿದೆ. ತಂಗ್‌ಧಾರ್‌ ವಲಯದಲ್ಲಿ ಅಪ್ರ ಚೋ ದಿತ ಗುಂಡಿನ ದಾಳಿ ನಡೆದಿದ್ದು, ಇದಕ್ಕೆ ಭಾರತೀಯ ಸೇನೆಯೂ ತಕ್ಕ ಪ್ರತ್ಯುತ್ತರ ನೀಡಿ, ಪಾಕ್‌ ಸೈನಿಕನನ್ನು ಹತ್ಯೆಗೈದಿದೆ.