ಟಿ20ಯಲ್ಲಿ ಮಿಂಚಿದ ಹೊಸಬ ಕ್ಲಾಸೆನ್‌ ಆಫ್ರಿಕಾ ಟೆಸ್ಟ್‌ ತಂಡಕ್ಕೆ

Team Udayavani, Feb 25, 2018, 6:50 AM IST

ಜೊಹಾನ್ಸ್‌ಬರ್ಗ್‌: ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಅಲ್ಪಾವಧಿಯಲ್ಲೇ ಹೊಡಿಬಡಿ ಆಟದ ಮೂಲಕ ಸುದ್ದಿಯಾದ ದಕ್ಷಿಣ ಆಫ್ರಿಕಾದ ವಿಕೆಟ್‌ ಕೀಪರ್‌-ಬ್ಯಾಟ್ಸ್‌ಮನ್‌ ಹೆನ್ರಿಚ್‌ ಕ್ಲಾಸೆನ್‌ ಈಗ ಟೆಸ್ಟ್‌ ತಂಡಕ್ಕೂ ಲಗ್ಗೆ ಇರಿಸಿದ್ದಾರೆ. 

ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧ ನಡೆಯುವ ಮೊದಲೆರಡು ಟೆಸ್ಟ್‌ ಪಂದ್ಯಗಳಿಗಾಗಿ ಪ್ರಕಟಿಸಲಾದ ತಂಡದಲ್ಲಿ ಕ್ಲಾಸೆನ್‌ ಅವಕಾಶ ಪಡೆದಿದ್ದಾರೆ. 20ರ ಹರೆಯದ ಆಲ್‌ರೌಂಡರ್‌ ವಿಯಾನ್‌ ಮುಲ್ಡರ್‌ ಈ ತಂಡದ ಇನ್ನೊಂದು ಹೊಸ ಮುಖ. ಭಾರತ ವಿರುದ್ಧದ ಟೆಸ್ಟ್‌ ಸರಣಿಯ ವೇಳೆ ತಂಡದಲ್ಲಿದ್ದ ಕ್ರಿಸ್‌ ಮಾರಿಸ್‌, ಆ್ಯಂಡಿಲ್‌ ಫೆಹ್ಲುಕ್ವಾಯೊ ಮತ್ತು ಡೇನ್‌ ಒಲಿವಿಯರ್‌ ಅವರನ್ನು ಕೈಬಿಡಲಾಗಿದೆ. ಭಾರತದೆದುರಿನ ಏಕದಿನ ಹಾಗೂ ಟಿ20 ಸರಣಿ ವೇಳೆ ಗಾಯಾಳಾಗಿ ಬಹುತೇಕ ಪಂದ್ಯಗಳನ್ನು ತಪ್ಪಿಸಿಕೊಂಡಿದ್ದ ಎಬಿ ಡಿ ವಿಲಿಯರ್, ಫಾ ಡು ಪ್ಲೆಸಿಸ್‌, ಕ್ವಿಂಟನ್‌ ಡಿ ಕಾಕ್‌, ಟೆಂಬ ಬವುಮ ಅವರೆಲ್ಲ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್‌ ಸರಣಿಗೆ ಮರಳಿದ್ದಾರೆ. ಭಾರತದೆದುರಿನ ಮೊದಲ ಟೆಸ್ಟ್‌ ವೇಳೆ ಗಾಯಾಳಾದ ವೇಗಿ ಡೇಲ್‌ ಸ್ಟೇನ್‌ ಆಯ್ಕೆಗೆ ಪರಿಗಣಿಸಲ್ಪಡಲಿಲ್ಲ.

ದಕ್ಷಿಣ ಆಫ್ರಿಕಾ ತಂಡ: ಫಾ ಡು ಪ್ಲೆಸಿಸ್‌ (ನಾಯಕ), ಹಾಶಿಮ್‌ ಆಮ್ಲ, ಟೆಂಬ ಬವುಮ, ಕ್ವಿಂಟನ್‌ ಡಿ ಕಾಕ್‌, ಥಿಯುನಿಸ್‌ ಡಿ ಬ್ರುಯಿನ್‌, ಎಬಿ ಡಿ ವಿಲಿಯರ್, ಡೀನ್‌ ಎಲ್ಗರ್‌, ಹೆನ್ರಿಚ್‌ ಕ್ಲಾಸೆನ್‌, ಕೇಶವ್‌ ಮಹಾರಾಜ್‌, ಐಡನ್‌ ಮಾರ್ಕ್‌ರಮ್‌, ಮಾರ್ನೆ ಮಾರ್ಕೆಲ್‌, ವಿಯಾನ್‌ ಮುಲ್ಡರ್‌, ಲುಂಗಿಸಾನಿ ಎನ್‌ಗಿಡಿ, ವೆರ್ನನ್‌ ಫಿಲಾಂಡರ್‌, ಕಾಗಿಸೊ ರಬಾಡ.