ಬಿಲ್ಲವರ ಅಸೋಸಿಯೇಶನ್‌ ಭಿವಂಡಿ:35 ನೇ ವಾರ್ಷಿಕೋತ್ಸವ  ಸಂಭ್ರಮ

Team Udayavani, Mar 6, 2018, 4:10 PM IST

ಭಿವಂಡಿ: ಕರ್ಮಭೂಮಿಯ ಮಣ್ಣಿನಲ್ಲಿ ನೆಲೆಸಿದ ಬಿಲ್ಲವರು ಪರಿಶ್ರಮಿಗಳು. ತಮ್ಮ ಕಠಿಣ ಪರಿಶ್ರಮ, ಸಂಘರ್ಷ ಜೀವನದ ನಡುವೆಯೂ ಶ್ರೀ ನಾರಾಯಣ ಗುರುಗಳ ತತ್ವಾದರ್ಶಗಳಿಗೆ ಬದ್ಧರಾಗಿ ಸಂಘಟನೆಗೆ ಮಹತ್ವ ನೀಡುವ ಜನಾಂಗ ನಮ್ಮದಾಗಿದೆ. ಊರು ಬಿಟ್ಟು ಎಲ್ಲಿಯೂ ನೆಲೆಸಿದರೂ ಎಲ್ಲರೊಂದಿಗೆ ಬೆರೆಯುವ ಗುಣ ಬಿಲ್ಲವರಲ್ಲಿದೆ. ಅದಕ್ಕೆ ಇಂದಿನ ಬೃಹತ್‌ ಸಂಭ್ರಮವೇ ಸಾಕ್ಷಿಯಾಗಿದೆ. ಮೂವತ್ತೆ$çದು ವರ್ಷಗಳ ಈ ಸಮಿತಿಯ ಸಮಾಜ ಸೆಎàವೆ ಇಂದಿನ ಸಮಾರಂಭದಲ್ಲಿ ಅನಾವರಣಗೊಂಡಿದೆ ಎಂದು ಥಾಣೆ ಮೇಯರ್‌ ಮೀನಾಕ್ಷೀ ರಾಜೇಂದ್ರ ಶಿಂಧೆ ನುಡಿದರು.

ಮಾ. 3 ರಂದು ಭಿವಂಡಿಯ ಪದ್ಮನಗರದ ದಿ| ಪ್ರೇಮತಾಯಿ ಪಾಟೀಲ್‌ ಸಭಾಂಗಣದಲ್ಲಿ ಜರಗಿದ ಬಿಲ್ಲವರ ಅಸೋಸಿಯೇಶನ್‌ ಭಿವಂಡಿ ಸ್ಥಳೀಯ ಸಮಿತಿಯ 35 ನೇ ವಾರ್ಷಿಕ ಸಂಭ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಉಪಸ್ಥಿತರಿದ್ದು ಮಾತನಾಡಿದ ಇವರು, ಮಹಿಳೆಯರೂ ಸಮಾಜದ ಮುಖ್ಯ ವಾಹಿನಿಗೆ ಬಂದು ಕಾರ್ಯನಿರ್ವಹಿಸಬೇಕು. ಪುರುಷ ಪ್ರಧಾನ ಸಮಾಜ ಮಹಿಳೆಯರಿಗೆ ಸಹಕರಿಸಬೇಕು. ಆಗ ಮಹಿಳೆಯರು ಯಾವುದೇ ಸ್ಥಾನಮಾನವನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ ಎಂಬುವುದಕ್ಕೆ ನಾನು ನಿದರ್ಶನಳಾಗಿದ್ದೇವೆ. ಈ ನಿಟ್ಟಿನಲ್ಲಿ ಬಿಲ್ಲವ ಸಮಾಜವು ಮಹಿಳೆಯರಿಗೆ ವಿಪುಲ ಅವಕಾಶ ನೀಡುತ್ತಿರುವುದರಿಂದ ಧನಾತ್ಮಕವಾಗಿ ಮಹಿಳೆಯರು ತಮ್ಮನ್ನು ಸಮಾಜ ಸೇವೆಯಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ನುಡಿದು ಶುಭಹಾರೈಸಿದರು.

ಗೌರವ ಅತಿಥಿಯಾಗಿ ಪಾಲ್ಗೊಂಡ ಭಿವಂಡಿ ನಗರ ಬಿಜೆಪಿ ಅಧ್ಯಕ್ಷ ಸಂತೋಷ್‌ ಎಂ. ಶೆಟ್ಟಿ ಇವರು ಮಾತನಾಡಿ, ಬಿಲ್ಲವ ಸಮಾಜದಲ್ಲಿ ಜಯ ಸುವರ್ಣರೊಬ್ಬರು ದೃಢವ್ಯಕ್ತಿಯಾಗಿ ಮುಂದಾಳತ್ವದ ಶಕ್ತಿಯಾಗಿ ಬೆಳೆದಿದ್ದಾರೆ. ಅವರ ಹಲವಾರು ದೂರದೃಷ್ಟಿಯ ಚಿಂತನೆ ಎಲ್ಲರಿಗೂ ಮಾದರಿಯಾಗಿದೆ. ಶ್ರೀ ನಾರಾಯಣ ಗುರುಗಳ ಚಿಂತನೆಗಳಿಗೆ ಪೂರಕವಾಗಿ ಈ ಸಮಿತಿಯು ಇಲ್ಲಿ ಕಳೆದ 35 ವರ್ಷಗಳಿಂದ ಸೇವೆಗೈಯುತ್ತಿರುವುದು ಅಭಿನಂದನೀಯ. ಸಮಿತಿಯ ಕಾರ್ಯಾಧ್ಯಕ್ಷ ಮೋಹನ್‌ದಾಸ್‌ ಪೂಜಾರಿ ಮತ್ತು ಅವರ ಸಂಘಟನ ಬಳಗ ಯಾವಾಗಲೂ ಸಮಾಜಕ್ಕಾಗಿ ದುಡಿಯುವ ಹೃದಯವಂತಾಗಿ ಮೆರೆಯುತ್ತಿದ್ದಾರೆ. ಇಂದಿನ ಸಮ್ಮಾನವೂ ಅಭಿಮಾನ, ಉತ್ಸುಕತೆಗೆ ಪಾತ್ರವಾಗಿದೆ ಎಂದರು. ಅತಿಥಿಯಾಗಿ ಆಗಮಿಸಿದ ನಟ, ನಿರ್ದೇಶಕ, ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ನ ಪ್ರಧಾನ ಕಾರ್ಯದರ್ಶಿ ರಾಜಶೇಖರ್‌ ಕೋಟ್ಯಾನ್‌ ಇವರು ಮಾತನಾಡಿ, ಪರಶುರಾಮ ಸೃ    ಷ್ಠಿಯ ತುಳುನಾಡಿನಿಂದ ಪರವೂರಿಗೆ ಬಂದು ನೆಲೆಯಾದರೂ ಬಿಲ್ಲವರು ಧರ್ಮ, ಸಂಸ್ಕೃತಿಯ ಪರಿಪಾಲಕರಾಗಿ ಮೆರೆಯುತ್ತಿದ್ದಾರೆ. ತುಳುನಾಡ ಕಲ್ಪವೃಕ್ಷ ಮಣ್ಣಿನ ಗುಣ ಯಾವುದೇ ಉನ್ನತ ಮಟ್ಟಕ್ಕೆ ಬೆಳೆಯಲು ಸಹಕಾರಿಯಾಗಿದೆ. ಅದಕ್ಕೆ ಮೇಯರ್‌ ಮೀನಾಕ್ಷೀ ಶಿಂಧೆ ಇವರು ಸಾಕ್ಷಿ. ಗುಡಿ, ಭಕ್ತಿ, ಧರ್ಮದಿಂದ ಶಾಂತಿಯನ್ನು ಕಂಡುಕೊಳ್ಳುವ ಬಿಲ್ಲವರು ಶ್ರೀ ನಾರಾಯಣ ಗುರುಗಳು, ಶ್ರೀ ಬಸವಣ್ಣ ಹಾಗೂ ಡಾ| ಅಂಭೇಡ್ಕರವರ ಚಿಂತನೆಗಳನ್ನು ಮೈಗೂಡಿಸಿಕೊಳ್ಳಬೇಕು ಎಂದು ನುಡಿದರು.

ಸಮಾರಂಭದಲ್ಲಿ ಆಶೀರ್ವಚನ ನೀಡಿದ ಪುರೋಹಿತ ಸದಾಶಿವ ಶಾಂತಿ ಇವರು, ತಮ್ಮ ವೈಯಕ್ತಿಕ ಸಮಸ್ಯೆಗಳ ನಡುವೆಯೂ ಸಮಾಜ ಸೇವೆಗಾಗಿ ಹೆಚ್ಚಿನ ಸಮಯವನ್ನು ವ್ಯಯಿಸುವ ವ್ಯಕ್ತಿಗಳು ಈ ಸಮಿತಿಯಲ್ಲಿದ್ದಾರೆ. ಇವರು ಬಿಲ್ಲವ ಸಮಾಜದ ಮುತ್ತುಗಳಾಗಿದ್ದು, ಆತ್ಮ, ಹೃದಯ ಸಂತೃಪ್ತಿಯಿಂದ ಸಮಾಜ ಸೇವೆ ಮಾಡುವುದರ ಮೂಲಕ ಶ್ರೀ ನಾರಾಯಣ ಗುರುಗಳ ತತ್ವಗಳಿಗೆ ಬದ್ಧರಾಗಿದ್ದಾರೆ ಎಂದರು.

ಪ್ರಾರಂಭದಲ್ಲಿ ಅತಿಥಿ-ಗಣ್ಯರು ಪದ್ಮನಗರ ಬಿಲ್ಲವರ ಅಸೋಸಿಯೇಶನ್‌ನ ಸಕ್ರಿಯ ಸದಸ್ಯರೊಂದಿಗೆ ಶ್ರೀ ನಾರಾಯಣ ಗುರುಪೂಜೆಯಲ್ಲಿ ಭಾಗಿಯಾದರು. ಆನಂತರ ಗಣ್ಯರುಗಳನ್ನು ಕೊಂಬು-ವಾದ್ಯಗಳ ಮೂಲಕ ಸಭಾಂಗಣಕ್ಕೆ ಬರಮಾಡಿಕೊಳ್ಳಲಾಯಿತು. ಭಿವಂಡಿ ಪರಿಸರದಲ್ಲಿ ಹಿಂದು ಸಮಾಜದ ಒಗ್ಗಟ್ಟಿಗಾಗಿ ಶ್ರಮಿಸಿದ ದಿ| ಅಚ್ಚುತ ಶೆಟ್ಟಿ ಮತ್ತು ಸಮಿತಿಯ ಅಭಿವೃದ್ಧಿಗಾಗಿ ಶ್ರಮಿಸಿದ ಜಯ ಪೂಜಾರಿ ಸಿದ್ಧಕಟ್ಟೆ ಇವರ ಸ್ಮರಣಾರ್ಥಕವಾಗಿ ವೇದಿಕೆಯನ್ನು ನಿರ್ಮಿಸಲಾಗಿತ್ತು. ನಿತ್ಯಾಂಜಲಿ  ಡಾನ್ಸ್‌ ಅಕಾಡೆಮಿಯ  ಮಕ್ಕಳಿಂದ ಸ್ವಾಗತ ನೃತ್ಯ ನಡೆಯಿತು.  ಮಹಿಳಾ ವಿಭಾಗದ ಸದಸ್ಯೆಯರುಗಳಾದ  ಹರಿಣಾಕ್ಷೀ ಪೂಜಾರಿ, ಪೂರ್ಣಿಮಾ ಪೂಜಾರಿ, ಶೋಭಾ ಪೂಜಾರಿ ಪ್ರಾರ್ಥನೆಗೈದರು. ಸಮಿತಿಯ ಕಾರ್ಯಾಧ್ಯಕ್ಷ ಮೋಹನ್‌ದಾಸ್‌ ಎ. ಪೂಜಾರಿ ಸ್ವಾಗತಿಸಿದರು. ಕೇಂದ್ರ ಕಚೇರಿಯ ಗೌರವ ಪ್ರಧಾನ ಕಾರ್ಯದರ್ಶಿ ಧರ್ಮಪಾಲ್‌ ಜಿ. ಅಂಚನ್‌ ಇವರು ಬಿಲ್ಲವರ ಅಸೋಸಿಯೇಶನ್‌ ಮುಂಬಯಿ ಇದರ ಸಿದ್ದಿ-ಸಾಧನೆಗಳನ್ನು ವಿವರಿಸಿದರು. ಸಮಿತಿಯ ಕಾರ್ಯದರ್ಶಿ ಜಯಂತ್‌ ಎಸ್‌. ಸಾಲ್ಯಾನ್‌ ಇವರು ಸಮಿತಿಯ ವಾರ್ಷಿಕ ವರದಿ ವಾಚಿಸಿದರು.

ಸಮಿತಿಯ ವತಿಯಿಂದ ಅತಿಥಿ-ಗಣ್ಯರುಗಳನ್ನು ಶಾಲು ಹೊದೆಸಿ, ಪುಷ್ಪಗುಚ್ಚ, ಸ್ಮರಣಿಕೆಯನ್ನಿತ್ತು ಗೌರವಿಸಲಾಯಿತು. ಭಿವಂಡಿ ಪ್ರದೇಶದಲ್ಲಿ ಬೃಹತ್‌ ಬಿಲ್ಲವರ ಸಂಘಟನೆಗೆ ಮುತುವರ್ಜಿ ವಹಿಸಿದ ಕಾರ್ಯಾಧ್ಯಕ್ಷ ಮೋಹನ್‌ದಾಸ್‌ ಎ. ಪೂಜಾರಿ ಇವರನ್ನು  ಅತಿಥಿ-ಗಣ್ಯರು ಗೌರವಿಸಿದರು. ವೇದಿಕೆಯಲ್ಲಿ ಉದ್ಯಮಿ ಹರೀಶ್‌ ಜಿ. ಅಮೀನ್‌, ನಿತ್ಯಾನಂದ ಭಕ್ತಸೇವಾ ಮಂಡಳದ ಅಧ್ಯಕ್ಷ ಜಯರಾಮ ಎಂ. ಪೂಜಾರಿ, ಸುಮಂಗಲಾ ಮೆಶಿನರೀಸ್‌ ಇದರ ನಾರಾಯಣ ಆರ್‌. ಪೂಜಾರಿ, ಹರ್ಷಾಲಿ ಸಭಾ ಭವನ ಸಿದ್ಧಕಟ್ಟೆಯ ಮಾಲಕ ಹರೀಶ್‌ ಡಿ. ಪೂಜಾರಿ, ಕೇಂದ್ರ ಕಚೇರಿಯ ಗೌರವ ಕೋಶಾಧಿಕಾರಿ ಮಹೇಶ್‌ ಪೂಜಾರಿ ಕಾರ್ಕಳ, ಯುವ ಅಭ್ಯುದಯ ಸಮಿತಿಯ  ಕಾರ್ಯಾಧ್ಯಕ್ಷ ನಿಲೇಶ್‌ ಪೂಜಾರಿ ಪಲಿಮಾರು, ಕೇಂದ್ರ ಕಚೇರಿಯ ಪ್ರತಿನಿಧಿ ದಯಾನಂದ ಪೂಜಾರಿ, ರಾಜೇಶ್‌ ಪೂಜಾರಿ, ಸಮಿತಿಯ ಗೌರವ ಕಾರ್ಯಾಧ್ಯಕ್ಷ ದೇವು ಎಸ್‌. ಪೂಜಾರಿ, ಉಪ ಕಾರ್ಯಾಧ್ಯಕ್ಷರಾದ ವಿಶ್ವನಾಥ ಡಿ. ಪೂಜಾರಿ ಮತ್ತು  ರತ್ನಾಕರ ಜಿ. ಪೂಜಾರಿ, ಗೌರವ ಕೋಶಾಧಿಕಾರಿ ಅಶೋಕ್‌ ಜೆ. ಸುವರ್ಣ, ಮಹಿಳಾ ವಿಭಾಗದ ಮುಖ್ಯಸ್ಥೆ ಶಶಿಕಲಾ ಡಿ. ಪೂಜಾರಿ, ಅರ್ಚಕ ಸಂಜೀವ ಕೆ. ಪೂಜಾರಿ, ಯುವ ವಿಭಾಗದ ಸುನೀಲ್‌ ಎಸ್‌. ಪೂಜಾರಿ ಉಪಸ್ಥಿತರಿದ್ದರು.

ಜತೆ ಕಾರ್ಯದರ್ಶಿ ರಮಾನಂದ ಕೋಟ್ಯಾನ್‌, ದಿನೇಶ್‌ ಡಿ. ಸಾಲ್ಯಾನ್‌, ಜತೆ ಕೋಶಾಧಿಕಾರಿ ಜೀವನ್‌ ಎಸ್‌. ಪೂಜಾರಿ, ರಾಜೇಂದ್ರ ಆರ್‌. ಪೂಜಾರಿ, ಸಮಿತಿಯ ಸದಸ್ಯ ವಾಸು ಸುವರ್ಣ, ಸತೀಶ್‌ ಆರ್‌. ಪೂಜಾರಿ, ಜಗದೀಶ್‌ ಸಿ. ಕೊಡವೂರು, ಹರ್ಷಿಣಿ ಕೆ. ಪೂಜಾರಿ, ಮಹಿಳಾ ವಿಭಾಗ, ಯುವ ವಿಭಾಗದ ಸದಸ್ಯರು-ಸದಸ್ಯೆಯರು ಸಹಕರಿಸಿದರು.

ಸಾಂಸ್ಕೃತಿಕ ಕಾರ್ಯಕ್ರಮವಾಗಿ ಮಹಿಳಾ ವಿಭಾಗದ ಸದಸ್ಯೆಯರಿಂದ, ಮಕ್ಕಳಿಂದ ನೃತ್ಯ ವೈವಿಧ್ಯ ನಡೆಯಿತು. ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಸಚಿನ್‌ ಪೂಜಾರಿ ಮತ್ತು ಶಾಶ್ವತ್‌ ಪೂಜಾರಿ ನಿರ್ವಹಿಸಿದರು. ಹರೀಶ್‌ ಕೆ. ಹೆಜ್ಮಾಡಿ ಸಭಾ ಕಾರ್ಯಕ್ರಮ ನಿರ್ವಹಿಸಿದರು. ಜಯಂತ್‌ ಎಸ್‌. ಸಾಲ್ಯಾನ್‌ ವಂದಿಸಿದರು. ಕೊನೆಯಲ್ಲಿ ರಂಗ ತುಡರ್‌ ಭಿವಂಡಿ ಕಲಾವಿದರಿಂದ ಮಧು ಬಂಗೇರ ಕಲ್ಲಡ್ಕ ನಿರ್ಮಾಣದ, ಜಗದೀಶ್‌ ಶೆಟ್ಟಿ ಕೆಂಚನಕೆರೆ ನಿರ್ದೇಶನದ, ಅನಿಲ್‌ ಪಾಂಗಾಳ ಸಂಗೀತದಲ್ಲಿ ಕೊಪ್ಪರಿಗೆ ನಾಟಕ ಪ್ರದರ್ಶನಗೊಂಡಿತು. ತುಳು-ಕನ್ನಡಿಗರು, ಸಮಾಜ ಬಾಂಧವರು ನೂರಾರ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು.

ಸಮಾಜದ ಮುಂದಾಳು ಜಯ ಸಿ. ಸುವರ್ಣರ ಮಾರ್ಗದರ್ಶನದಲ್ಲಿ ಇಂದು 22 ಸ್ಥಳೀಯ ಸಮಿತಿಗಳು ಉತ್ತಮ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಪ್ರತಿ ಪ್ರಾದೇಶಿಕ ವಲಯಗಳು ಸಮಾಜ ಬಾಂಧವರಿಗೆ ಸದುಪಯೋಗ ದೊರೆಯುವ ರೀತಿಯಲ್ಲಿ ಕಾರ್ಯನಿರ್ವ ಹಿಸುತ್ತಿರುವುದು ಅಭಿನಂದನೀಯ. ಇದಕ್ಕೆ ಇಂದಿನ ಸಮಾರಂಭ ನಿದರ್ಶನವಾಗಿದೆ. ಹಿರಿಯರಾದ ಗೌರವ ಕಾರ್ಯಾಧ್ಯಕ್ಷ ದೇವು ಪೂಜಾರಿ ಮತ್ತು ಪ್ರಸ್ತುತ ಕಾರ್ಯಾಧ್ಯಕ್ಷ ಮೋಹನ್‌ದಾಸ್‌ ಎ. ಪೂಜಾರಿ, ಗೌರವ ಕಾರ್ಯದರ್ಶಿ ಜಯಂತ್‌ ಸಾಲ್ಯಾನ್‌ ಇವರ ಗುರುತರವಾದ ಜವಾಬ್ದಾರಿಯುತ ಕಾರ್ಯಗಳು  ಭಿವಂಡಿಯ ಬಿಲ್ಲವರಿಗೆ ದೊರೆಯುತ್ತಿದ್ದು, ಶ್ರೀ ನಾರಾಯಣ ಗುರುಗಳ ವೇದವಾಕ್ಯಕ್ಕೆ ಪೂರಕವಾಗಿ ಕೆಲಸ ಮಾಡುತ್ತಿದ್ದಾರೆ. ಭವಿಷ್ಯದಲ್ಲೂ ಇಲ್ಲಿಯ ಸಮಿ ತಿಯಿಂದ ತುಳು-ಕನ್ನಡಿಗರ ಸೇವೆ ನಿರಂತರವಾಗಿ ನಡೆಯುತ್ತಿರಲಿ
ಡಾ| ಯು. ಧನಂಜಯ ಕುಮಾರ್‌ (ಉಪಾಧ್ಯಕ್ಷರು : ಬಿಲ್ಲವರ ಅಸೋಸಿಯೇಶನ್‌ ಮುಂಬಯಿ).

 ಚಿತ್ರ-ವರದಿ : ರಮೇಶ್‌ ಉದ್ಯಾವರ