ಸಂಘಟನಾ ಶಕ್ತಿ ಹೊಂದಿದರೆ ಮಾತ್ರ ಗೆಲುವು ಸಾಧ್ಯ

Team Udayavani, Mar 8, 2018, 5:43 PM IST

ಸೈದಾಪುರ: ಉತ್ತಮ ಸಂಘಟನಾ ಶಕ್ತಿ ಹೊಂದಿದಾಗ ಮಾತ್ರ ಗೆಲುವು ನಮ್ಮದಾಗುತ್ತದೆ. ಈ ದಿಸೆಯಲ್ಲಿ ಬೂತ್‌ ಮಟ್ಟದಲ್ಲಿನ ಕಾರ್ಯಕರ್ತರು ಉತ್ತಮ ಕೆಲಸ ಮಾಡಿದಾಗ ಗುರಮಠಕಲ್‌ ಮತಕ್ಷೇತ್ರದ ಗೆಲುವು ನಮ್ಮದಾಗುತ್ತದೆ ಎಂದು ರಾಜ್ಯ ಬಿಜೆಪಿ ಉಪಾಧ್ಯಕ್ಷೆ ನಾಗರತ್ನಾ ಕುಪ್ಪಿ ಕರೆ ನೀಡಿದರು.

ಸಮೀಪದ ಗುರಮಠಕಲ್‌ ಮತಕ್ಷೇತ್ರದ ಗೋಪಾಳಪುರ ಮತ್ತು ಗಣಪುರ ಗ್ರಾಮಗಳಲ್ಲಿ ಕಾರ್ಯಕರ್ತರನ್ನು ಉದ್ದೇಶಿಸಿ
ಮಾತನಾಡಿದ ಅವರು, ಪಕ್ಷದ ನಿರ್ದೇಶನದಂತೆ ಬೂತ್‌ ಗಳಲ್ಲಿನ ಕಾರ್ಯಕರ್ತರು ತಮಗೆ ನಿರ್ವಹಿಸಲಾದ ಕೆಲಸ
ಮಾಡಬೇಕು. ಬೂತ್‌ ಕಮಿಟಿ, ಯುವ ಮೋರ್ಚಾ, ಮಹಿಳಾ ಮೋರ್ಚಾ, ಎಸ್‌.ಸಿ ಮತ್ತು ಎಸ್‌.ಟಿ ಮೋರ್ಚಾ ಹೀಗೆ
ಹಲವಾರು ಕಮಿಟಿಗಳನ್ನು ಮಾಡುವುದರ ಮುಖಾಂತರ ಎಲ್ಲಾ ಜಾತಿ ಜನಾಂಗದ ಯುವಕರು ಮತ್ತು ಮಹಿಳೆಯರನ್ನು ಬೂತ್‌ ಕೆಲಸದಲ್ಲಿ ತೊಡಗಿಸಿಕೊಳ್ಳಬೇಕೆಂದು ಸಲಹೆ ನೀಡಿದರು.

ಇಂದಿನ ಸಿದ್ದರಾಮಯ್ಯನವರ ಸರಕಾರ ಭ್ರಷ್ಟಾಚಾರದಲ್ಲಿ ತೊಡಗಿದ್ದು, ಅಭಿವೃದ್ಧಿ ಕೆಲಸಗಳಿಗೆ ಕವಡೆ ಕಾಸಿನ ಕಿಮ್ಮತ್ತು
ನೀಡುತ್ತಿಲ್ಲಾ. ಸಮಾಜದಲ್ಲಿ ಜಾತಿ ಧರ್ಮಗಳ ವಿಷಯದಲ್ಲಿ ಗೊಂದಲ ಸೃಷ್ಟಿಸುತ್ತಿರುವುದು ಖೇದನಿಯ ಸಂಗತಿಯಾಗಿದೆ ಎಂದು ಆರೋಪಿಸಿದರು.

ಈ ಸಂದರ್ಭದಲ್ಲಿ ಹಲವಾರು ಯುವಕರು ಪಕ್ಷಕ್ಕೆ ಸೇರ್ಪಡೆಗೊಂಡರು. ಶಕ್ತಿಕೇಂದ್ರದ ಅಧ್ಯಕ್ಷ ಗಂಗಪ್ಪ, ಬಸವರಾಜ ತಿಪ್ಪಣೋರ, ಚಂದ್ರಕಾಂತಗೌಡ, ಶರಣಗೌಡ, ಸೂಗಪ್ಪ ಮಾಸ್ಟರ, ಸಿದ್ದಣ್ಣ ಮಾಸ್ಟರ, ಕಲ್ಪನಾ ಜೈನ್‌. ಮಹಾದೇವ ಗಣಪುರ, ಮಹಾದೇವ ದಂಡಮಾಮಡಿ, ಹಣಮರೆಡ್ಡಿ, ಸಾಬಣ್ಣ, ಭಿಮರಾಯ, ಅಕರ, ಸಣ್ಣ ಸಾಬಣ್ಣ, ಕಿರಣಕುಮಾರ, ಹುಸೇನ, ಯಂಕಪ್ಪ ಸಂತೋಷ್‌ ಇದ್ದರು.