ಮತದಾರನನ್ನು ದ್ವೇಷಿಸುವ ಮನೋಭಾವ ಸಲ್ಲದು

Team Udayavani, Mar 19, 2018, 12:10 PM IST

ಪಿರಿಯಾಪಟ್ಟಣ: ಜನಪ್ರತಿನಿಧಿಯಾದವನಿಗೆ ಮತದಾರರನ್ನು ದ್ವೇಷಿಸುವ ಮನೋಭಾವನೆ ಇರಬಾರದು ಅಂತಹವರು ರಾಜಕೀಯದಲ್ಲಿ ಬಹುಕಾಲ ಉಳಿಯಲಾರರು ಎಂದು ಶಾಸಕ ಕೆ.ವೆಂಕಟೇಶ್‌ ತಿಳಿಸಿದರು. ಪಿರಿಯಾಪಟ್ಟಣ ತಾಲೂಕಿನ ಕೊಣಸೂರು ಗ್ರಾಮದಲ್ಲಿ ನಡೆದ ಪರಿಶಿಷ್ಟ ಜಾತಿ ರಸ್ತೆ ಅಭಿವೃದ್ಧಿ ಮತ್ತು ಗ್ರಾಮದಲ್ಲಿ ಡಾ.ಶಿವಕುಮಾರಸ್ವಾಮಿಗಳ ಪುತ್ಥಳಿ ನಿರ್ಮಾಣ ಕಾಮಗಾರಿಗೆ ಗುದ್ದಲಿ ಪೂಜೆ ನೆರವೇರಿಸಿ ಮಾತನಾಡಿದರು.

ಚುನಾವಣೆಯ ವೇಳೆ ಅನೇಕ ಗ್ರಾಮಗಳಲ್ಲಿ ನಿರೀಕ್ಷೆಯಂತೆ ಮತಗಳು ಬರಲಿಲ್ಲ ಎಂಬ ಕಾರಣಕ್ಕೆ ಮತದಾರರನ್ನು ನಿಂದಿಸುವ ದ್ವೇಷಿಸುವ ಪ್ರವೃತ್ತಿ ಉತ್ತಮ ರಾಜಕಾರಣಿಗೆ ಒಳ್ಳೆಯದಲ್ಲಾ. ನಾನು ಎಂದಿಗೂ ಮೈಗಳ್ಳತನ ಮಾಡಿಲ್ಲ. ಈ ಐದು ವರ್ಷದಲ್ಲಿ ಜನರು ನನಗೆ ಅತೀವ ಒತ್ತಡ ತಂದು ಕೆಲಸ ಮಾಡಿಕೊಂಡಿದ್ದಾರೆ ಇದರ ಬಗ್ಗೆ ನನಗೆ ಹೆಮ್ಮೆಇದೆ ಎಂದು ತಿಳಿಸಿದರು.

ಚುನಾವಣೆಗೆ ಮಗ ಇಲ್ಲಾ: ಈ ಹಿಂದಿನ ಜಿಪಂ ಚುನಾವಣೆಯಲ್ಲಿ ನಾನು ನಂಬಿದ ಮತದಾರರೆ ನಮಗೆ ಮತ ಹಾಕಲಿಲ್ಲ ಹಾಗಂತ ಅವರನ್ನು ದ್ವೇಷಿಸುವ ಕೆಲಸ ಮಾಡಿಲ್ಲ. ನನ್ನ ಮಗ ನಿತಿನ್‌ ರಾಜಕೀಯಕ್ಕೆ ಬರುವುದು ನನಗೆ ಇಷ್ಟವಿರಲಿಲ್ಲ ಕುಟುಂಬದ ಹಿತೈಷಿಗಳ ಒತ್ತಡದಿಂದ ನಿಲ್ಲಿಸಿದೆ ಸೋಲು ಅನುಭವಿಸಿದ್ದ ನನಗು ಮೊದಲ ಟಿಎಪಿಸಿಎಂಸ್‌ ಚುನಾವಣೆಯ ಸೋಲಾಗಿತ್ತು ಅದನ್ನು ಮೆಟ್ಟಲಾಗಿಸಿಕೊಂಡೆ ಮುಂದಿನ ರಾಜಕೀಯ ನಡೆ ಅವನಿಗೆ ಬಿಟ್ಟಿದ್ದು. ಮುಂದಿನ ಜಿಪಂ ಚುನಾವಣೆಯಲ್ಲಿ ಮಗಸ್ಪರ್ಧೆ ಇಲ್ಲ. ಇಷ್ಟು ವರ್ಷ ಪ್ರಾಮಾಣಿಕವಾಗಿ ಜನರ ಸೇವೆ ಮಾಡಿದ್ದೇವೆ ಮುಂದಿನ ದಿನಗಳಲ್ಲಿ ಜನರು ಕೈಹಿಡಿಯುತ್ತಾರೆ ಎಂಬ ಭರವಸೆ ನನಗಿದೆ ಎಂದು ತಿಳಿಸಿದರು.

ಡಾ.ಶಿವಕುಮಾಸ್ವಾಮಿ ಪುತ್ಥಳಿ: ವೀರಶೈವಲಿಂಗಾಯಿತ ಸಮಾಜ ಹೆಚ್ಚಾಗಿ ವಾಸಿಸುವ ಕೊಣಸೂರು ಗ್ರಾಮದಲ್ಲಿ ಡಾ.ಶಿವಕುಮಾರಸ್ವಾಮಿಗಳ ಪುತ್ಥಳಿ ನಿರ್ಮಾಣಕ್ಕೆ 3 ಲಕ್ಷರೂಗಳ ಅನುದಾನ ಸರಕಾರದಿಮದ ಬಿಡುಗಡೆಯಾಗಿದ್ದು ಇದಲ್ಲದೆ ತಮ್ಮ ವೈಯುಕ್ತಿಕವಾಗಿ 50 ಸಾವಿರರೂಗಳನ್ನು ನಿರ್ಮಾಣಕ್ಕೆ ನೀಡುವುದಾಗಿ ತಿಳಿಸಿದರು.

ಮಾಜಿ ಜಿಪಂ ಸದಸ್ಯ ಕೆ.ಸಿ.ರಾಜಶೇಖರಯ್ಯ ಮಾತನಾಡಿ ಜಿಪಂ ಚುನಾವಣೆಯ ನಂತರ ನಾನು ಸಕ್ರಿಯ ರಾಜಕಾರಣದಿಂದ ದೂರ ಉಳಿದಿದ್ದ ಆದಾಗಿಯೂ ಗ್ರಾಮದ ಅನೇಕ ಅಭಿವೃದ್ಧಿ ಕೆಲಸಗಳಿಗೆ ಶಾಸಕರು ಸಹಕಾರ ನೀಡಿದ್ದಾರೆ. ಇದಕ್ಕೆ ನಾವು ಚಿರಋಣಿಗಳಾಗಿದ್ದು ಮುಂದಿನ ದಿನಗಳಲ್ಲಿ ಎಲ್ಲರೂ ಒಗ್ಗಟ್ಟಿನಿಂದ ಕಾಂಗ್ರೆಸ್‌ ಪಕ್ಷಕ್ಕೆ ಬಲತುಂಬಬೇಕಾಗಿದೆ ಎಂದು ತಿಳಿಸಿದರು.

ಮಹದೇವ್‌ ಮತ್ತು ಮೂರ್ತಿ ಗ್ರಾಮದ ಅನೇಕ ಸಮಸ್ಯೆಗಳನ್ನು ಪರಿಹರಿಸುವಂತೆ ಮನವಿ ಮಾಡಿದರು. ತಾಪಂ ಅಧ್ಯಕ್ಷೆ ಕೆ.ಆರ್‌.ನಿರೂಪ ರಾಜೇಶ್‌, ಗ್ರಾಪಂ ಅಧ್ಯಕ್ಷ ಈರೇಗೌಡ, ತಾಪಂ ಸದಸ್ಯ ಕುಂಜಣ್ಣ ಕಾರ್ನಾಡ್‌, ತಾಪಂ ಮಾಜಿ ಅಧ್ಯಕ್ಷ ಕಾನೂರು ಗೋವಿಂದೇಗೌಡ, ಮಾಜಿ ಜಿಪಂಸದಸ್ಯ ರಹಮತ್‌ಜಾನ್‌ ಬಾಬು, ಗ್ರಾಪಂ ಸದಸ್ಯ ದೇವರಾಜು, ಚಂದ್ರಪ್ಪ, ಸೇರಿದಂತೆ ಇತರರಿದ್ದರು.