ಸೇವೆ ಕಾಯಮಾತಿಗೆಹಾಸ್ಟೆಲ್‌ ನೌಕರರ ಆಗ್ರಹ

Team Udayavani, Mar 22, 2018, 3:30 PM IST

ಬೀದರ: ವಿದ್ಯಾರ್ಥಿ ನಿಲಯಗಳಡಿ ವರ್ಗದ ಹೊರಗುತ್ತಿಗೆ ನೌಕರರ ಸೇವಾ ಕಾಯಂಗೆ ಕ್ರಮ ತೆಗೆದುಕೊಳ್ಳಬೇಕು ಎಂದು ಆಗ್ರಹಿಸಿ ನಗರದಲ್ಲಿ ಬುಧವಾರ ಸರ್ಕಾರಿ ಹಾಸ್ಟೆಲ್‌ ಮತ್ತು ವಸತಿ ಶಾಲಾ ಹೊರಗುತ್ತಿಗೆ ನೌಕರರ ಸಂಘದಿಂದ ಪ್ರತಿಭಟನೆ ನಡೆಸಲಾಯಿತು.

ಸಂಘದ ಜಿಲ್ಲಾಧ್ಯಕ್ಷ ಇಸಾಮೊದ್ದೀನ್‌, ಉಪಾಧ್ಯಕ್ಷ ಆರ್‌ಪಿ ರಾಜಾ ನೇತೃತ್ವದಲ್ಲಿ ನಗರದ ಪ್ರಮುಖ ರಸ್ತೆಗಳ ಮೂಲಕ ಜಿಲ್ಲಾಧಿಕಾರಿ ಕಚೇರಿವರೆಗೆ ರ್ಯಾಲಿ ನಡೆಸಿ ನಂತರ ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಲಾಯಿತು. ಹೈಕೋರ್ಟ್‌ ಮಧ್ಯಂತರ ತೀರ್ಪಿಗೆ ಅನುಗುಣವಾಗಿ ನೇರ ನೇಮಕಾತಿ ಮೂಲಕ ಆಯ್ಕೆಯಾದವರಿಗೆ ನೇಮಕಾತಿ ಆದೇಶ ನೀಡುವುದನ್ನು ತಾತ್ಕಾಲಿಕ ಮುಂದೂಡಲಾಗಿದೆ.

ಆದರೆ, ಸರ್ಕಾರದ ಈ ಕ್ರಮದಿಂದಾಗಿ ಕೆಲಸ ಕಳೆದುಕೊಳ್ಳುವ ಭೀತಿಗೆ ಒಳಗಾಗಿರುವ ಹೊರಗುತ್ತಿಗೆ ನೌಕರರ ಆತಂಕ ಇತ್ಯರ್ಥವಾಗಿಲ್ಲ. ಹಾಗಾಗಿ ನೇಮಕಾತಿ ನಿಯಮಗಳನ್ನು ಸೂಕ್ತವಾಗಿ ಮಾರ್ಪಾಡು ಮಾಡಿ ಹಾಲಿಡಿ ವರ್ಗದ ನೌಕರರನ್ನು ಖಾಯಂ ಮಾಡಬೇಕು. ಅಥವಾ ನಿವೃತ್ತಿ ಆಗುವವರೆಗೆ ಅವರಿಗೆ ಸೇವಾ ಭದ್ರತೆ ನೀಡಬೇಕು ಎಂದು ಆಗ್ರಹಿಸಲಾಗಿದೆ.

ನೇರ ನೇಮಕಾತಿ ಮೂಲಕ ಆಯ್ಕೆಯಾದವರನ್ನು ಹಿಂದೆ ಆಶ್ವಾಸನೆ ನೀಡಿದಂತೆ ಹೊಸದಾಗಿ ನಿರ್ಮಾಣ ಮಾಡುತ್ತಿರುವ ಹಾಸ್ಟೆಲ್‌ಗ‌ಳಿಗೆ ಮಾತ್ರ ನೇಮಕ ಮಾಡಬೇಕು. ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಿಸಿ ಅಗತ್ಯಡಿ ವರ್ಗದ ಹುದ್ದೆ ಹೆಚ್ಚಿಸಬೇಕು. ಹೊರಗುತ್ತಿಗೆ ನೌಕರರಿಗೂ ಕಾರ್ಮಿಕ ಕಾನೂನುಗಳ ಪ್ರಕಾರ ವಾರದ ರಜೆ, ಗಳಿಕೆ ರಜೆ, ಕಾಯಿಲೆ ರಜೆ ಮೊದಲಾದ ರಜೆ ನೀಡಬೇಕು. ಬಾಕಿ ಇರುವ ಐದಾರು ತಿಂಗಳ ವೇತನ ತಕ್ಷಣ ಬಿಡುಗಡೆ ಮಾಡಬೇಕು. ಹಾಲಿ ಕೆಲಸ ಮಡುತ್ತಿರುವ ಹೊರಗುತ್ತಿಗೆ ನೌಕರರಲ್ಲಿ ಕೆಲವರು ಈಗಾಗಲೇ ನಿವೃತ್ತಿ ವಯಸ್ಸಿಗೆ ತಲುಪಿದ್ದು, ಅವರೆಲ್ಲರೂ ಪಿಎಫ್‌ ಸೌಲಭ್ಯದಿಂದ ವಂಚಿತರಾದವರು.

ಅವರು ನಿವೃತ್ತಿ ವೇತನ ಪಡೆಯಲು ಅರ್ಹರಿರುವುದಿಲ್ಲ. ಅವರಿಗ ಅನುಕಂಪದ ಆಧಾರದಲ್ಲಿ ತಲಾ ಒಂದು ಲಕ್ಷ ರೂ. ಪರಿಹಾರ ನೀಡಿ ನಿವೃತ್ತಿಗೊಳಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಲಾಗಿದೆ. ಪ್ರಮುಖರಾದ ಆಣಬಸಪ್ಪ ಪೋಸ್ತೆ ಮತ್ತು ವಸಂತ ರಾಠೊಡ ಸೇರಿದಂತೆ ಜಿಲ್ಲೆಯ ನೌಕರರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.