ಕೊಹ್ಲಿ ಅಭಿಮಾನಿಗಳಿಂದ ಇಂಗ್ಲೆಂಡ್‌ ಆಟಗಾರ್ತಿಗೆ ಎಚ್ಚರಿಕೆ!

Team Udayavani, Mar 23, 2018, 7:30 AM IST

ಮುಂಬಯಿ: ಟಿ20 ತ್ರಿಕೋನ ಸರಣಿಗಾಗಿ ಭಾರತಕ್ಕೆ ಆಗಮಿಸಿರುವ ಇಂಗ್ಲೆಂಡ್‌ ತಂಡದ ಡೇನಿಯಲ್‌ ವ್ಯಾಟ್‌ ಅವರಿಗೆ ಕೊಹ್ಲಿ ಅಭಿಮಾನಿಗಳು ಟ್ವಿಟರ್‌ನಲ್ಲಿ ಎಚ್ಚರಿಸಿದ್ದಾರೆ. ಭಾರತಕ್ಕೆ ಬಂದಿರುವ ವ್ಯಾಟ್‌ ಮುಂಬಯಿಯಲ್ಲಿರುವ ಎಲಿಫೆಂಟ್‌ ಐಸ್‌ಲ್ಯಾಂಡ್‌ ವೀಕ್ಷಿಸಲು ತೆರಳಿರುವುದನ್ನು ಟ್ವಿಟರ್‌ನಲ್ಲಿ ಪ್ರಕಟಿಸಿದ್ದಾರೆ. ಇದಕ್ಕೆ ಕೆಲುವು ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದಾರೆ. ಎಚ್ಚರಿಕೆ ಅನುಷ್ಕಾ ಇದ್ದಾಳೆ ಎಂದಿದ್ದಾರೆ. ಮತ್ತೆ ಕೆಲವರು, ಕೊಹ್ಲಿ ಮನೆಗೆ ಅಲ್ಲಿಂದ ಕೇವಲ 12 ಕಿ.ಮೀ. ಎಂದು ಕಾಲು ಎಳೆದಿದ್ದಾರೆ. 

ಇದಕ್ಕೆ ಕಾರಣ ಇಷ್ಟೇ, 2014ರಲ್ಲಿ ಭಾರತ ಕ್ರಿಕೆಟ್‌ ತಂಡ ಇಂಗ್ಲೆಂಡ್‌ಗೆ ಪ್ರವಾಸ ಮಾಡಿತ್ತು. ಆಗ ವ್ಯಾಟ್‌, ವಿರಾಟ್‌ ಕೊಹ್ಲಿಯವರನ್ನು ಭೇಟಿಯಾಗಿದ್ದರು. ವ್ಯಾಟ್‌ಗೆ ಆಗ ಕೊಹ್ಲಿ ಬ್ಯಾಟ್‌ ಒಂದನ್ನು ಉಡುಗೊರೆಯಾಗಿ ನೀಡಿದ್ದರು. ಬಳಿಕ ವ್ಯಾಟ್‌ ಕೊಹ್ಲಿಗೆ ಪ್ರೇಮ ನಿವೇದನೆ ಕೂಡ ಮಾಡಿಕೊಂಡಿದ್ದರು.