ಮಾದಕ ದ್ರವ್ಯ ವ್ಯಸನ ವಿರುದ್ಧ ಯುವಮೋರ್ಚಾ ಸಾಮೂಹಿಕ ಓಟ

Team Udayavani, Mar 26, 2018, 10:55 AM IST

ಕುಂಬಳೆ: ಮದ್ಯ, ಮಾದಕ ದ್ರವ್ಯ ವ್ಯಸನ ವಿರುದ್ಧ ಸಪ್ತಾಹದ ಅಂಗವಾಗಿ ವ್ಯಸನ ಮುಕ್ತ ಕಾಸರಗೋಡು ಎಂಬ ಧ್ಯೇಯ ವಾಕ್ಯದೊಂದಿಗೆ ಭಾರತೀಯ ಯುವಮೋರ್ಚಾ ಮಂಜೇಶ್ವರ ಮಂಡಲ ಸಮಿತಿ ವತಿಯಿಂದ ಕುಂಬಳೆ ದೇವೀ ನಗರದಿಂದ ಕುಂಬಳೆ ಪೇಟೆ ತನಕ ಸಾಮೂಹಿಕ ಓಟ ಕಾರ್ಯಕ್ರಮ ನಡೆಯಿತು.

ಯುವ ಮೋರ್ಚಾ ರಾಜ್ಯ ಸಮಿತಿ ಕಾರ್ಯದರ್ಶಿ ಎ.ಕೆ. ಹರೀಶ್‌ ಕುಮಾರ್‌ ಅವರು ಧ್ವಜ ನೀಡುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಯುವಮೋರ್ಚಾ ಜಿಲ್ಲಾಧ್ಯಕ್ಷ ಧನಂಜಯ ಮಧೂರು, ಜಿಲ್ಲಾ ಕಾರ್ಯದರ್ಶಿಗಳಾದ ಸುಮಿತ್‌ರಾಜ್‌ ಪೆರ್ಲ, ಕೆ.ವಿ. ಮಹೇಶ್‌, ನಾಯಕರಾದ ಪ್ರದೀಪ್‌, ಧನರಾಜ್‌ ಕೀರ್ತನ್‌ ಕೂಡ್ಲು ನೇತೃತ್ವ ನೀಡಿದರು. ಓಟ ಕಾರ್ಯಕ್ರಮದಲ್ಲಿ ಯುವ ಮೋರ್ಚಾ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದರು. ಕುಂಬಳೆ ಪೇಟೆಯಲ್ಲಿ ಜರಗಿದ ಸಮಾರೋಪ ಕಾರ್ಯಕ್ರಮದಲ್ಲಿ ಯುವಮೋರ್ಚಾ ಮತ್ತು ಬಿ.ಜೆ.ಪಿ. ನಾಯಕರು ಭಾಗವಹಿಸಿದರು.