ಸುಳ್ಯ: ಸಂತ ಬ್ರಿಜಿಡ್‌ ಚರ್ಚ್‌ಗೆ ಬಿಷಪ್‌ ಭೇಟಿ

Team Udayavani, Mar 26, 2018, 5:11 PM IST

ಸುಳ್ಯ : ನಗರದ ಸಂತ ಬ್ರಿಜಿಡ್‌ ಚರ್ಚ್‌ಗೆ ವಾರ್ಷಿಕ ಭೇಟಿ ಕಾರ್ಯಕ್ರಮದ ಅಂಗವಾಗಿ ಮಂಗಳೂರು ಪ್ರಾಂತ್ಯದ
ಧರ್ಮಗುರು ಬಿಷಪ್‌ ಡಾ| ಅಲೋಶಿಯಸ್‌ ಪೌಲ್‌ ಡಿ’ಸೋಜಾ ಅವರು ರವಿವಾರ ಭೇಟಿ ನೀಡಿ, ಬಲಿಪೂಜೆ ನೆರವೇರಿಸಿದರು. ಚರ್ಚ್‌ ಧರ್ಮಗುರು ಡಾ| ವಿನ್ಸೆಂಟ್‌ ಡಿ’ಸೋಜಾ ಸಹಯೋಗ ನೀಡಿದರು.

ಗರಿಗಳ ರವಿವಾರದಂದೂ ಚರ್ಚ್‌ನ ಭಕ್ತ ಬಾಂಧವರು ಗರಿ ಮೆರವಣಿಗೆಯಲ್ಲಿ ಪಾಲ್ಗೊಂಡು ದೇವಾಲಯಕ್ಕೆ ಆಗಮಿಸಿ
ಬಲಿಪೂಜೆ ಅರ್ಪಿಸಿದರು. ಮಕ್ಕಳನ್ನು ಬೆಳೆಸುವುದರಲ್ಲಿ ಹೆತ್ತವರ ಪಾತ್ರ, ಕುಟುಂಬ ಜೀವನದ ಮಹತ್ವದ ಬಗ್ಗೆ ಬಿಷಪ್‌ ಡಾ| ಅಲೋಶಿಯಸ್‌ ಪೌಲ್‌ ಡಿ’ಸೋಜಾ ಸಂದೇಶ ನೀಡಿದರು. ನೂರಾರು ಭಕ್ತರು ಉಪಸ್ಥಿತರಿದ್ದರು.

ಮೆರವಣಿಗೆಯಲ್ಲಿ ಸ್ವಾಗತ
ಶನಿವಾರ ಸಂಜೆ ಸುಳ್ಯ ಸಂತ ಬ್ರಿಜಿಡ್‌ ಚರ್ಚ್‌ಗೆ ಆಗಮಿಸಿದ ಬಿಷಷ್‌ ಡಾ| ಅಲೋಶಿಯಸ್‌ ಪೌಲ್‌ ಡಿ’ಸೋಜಾ ಅವರನ್ನು ಜ್ಯೋತಿ ವೃತ್ತದ ಬಳಿಯಿಂದ ಭವ್ಯ ಸ್ವಾಗತ ಕೋರಿ ಬರಮಾಡಿಕೊಳ್ಳಲಾಯಿತು. ರಾತ್ರಿ ವಿಶೇಷ ಪೂಜೆ ನಡೆದು, ಚರ್ಚ್‌ ಪಾಲನ ಸಮಿತಿಯಲ್ಲಿ ಪಾಲ್ಗೊಂಡರು. ಚರ್ಚ್‌ ವ್ಯಾಪ್ತಿಗೆ ಒಳಪಟ್ಟ ನೂರಾರು ಕ್ರೈಸ್ತ ಬಾಂಧವರು ಪಾಲ್ಗೊಂಡಿದ್ದರು.