ಚುನಾವಣೆ ನೀತಿ ಸಂಹಿತೆ ನಡುವೆಯೇ ಹೊಂಡ ಗುಂಡಿಗಳಿಗೆ ಮುಕ್ತಿ 

Team Udayavani, Apr 4, 2018, 11:34 AM IST

ಮೂಲ್ಕಿ: ನಾಲ್ಕು ತಿಂಗಳಿನಿಂದ ಕಿಲ್ಪಾಡಿ ಗ್ರಾ.ಪಂ. ವ್ಯಾಪ್ತಿಯ ರಾಜ್ಯ ಹೆದ್ದಾರಿಯಲ್ಲಿದ್ದ ಹೊಂಡಗುಂಡಿಗಳು ಈಗ ಮುಕ್ತಿ ಪಡೆದಿವೆ. ಅದು ಚುನಾವಣೆ ನೀತಿ ಸಂಹಿತೆ ಸಮಯದಲ್ಲಿ! ಹೌದು. ಇದು ಮಂಗಳವಾರ ಮಧ್ಯಾಹ್ನ 12 ಗಂಟೆಯಿಂದ ಸುಮಾರು ಮೂರು ಗಂಟೆಗಳ ಕಾಲ ಪುನರೂರು ಕಡೆಯಿಂದ ಕಿಲ್ಪಾಡಿ ಪಂಚಾಯತ್‌ ಕಚೇರಿಯ ಎದುರಿನ ರಸ್ತೆಯ ಉದ್ದಕ್ಕೂ ಮೂವರು ವ್ಯಕ್ತಿಗಳು ಕೆಲಸ ಮಾಡಿ ಹೊಂಡ- ಗುಂಡಿ ಮುಚ್ಚಿದ್ದರು.

ಅಷ್ಟಕ್ಕೂ ಈ ಕೆಲಸ ಮಾಡಿದವರು ಬೇರೆ ಯಾರು ಅಲ್ಲ ಅದೇ ರಸ್ತೆಯಲ್ಲ ಪ್ರಯಾಣಿಸಿ ಕಹಿ ಅನುಭವ ಹೊಂದಿರುವ ಪಂ. ಅಧ್ಯಕ್ಷ ಶ್ರೀಕಾಂತ್‌ ರಾವ್‌ ಮತ್ತು ಸದಸ್ಯ ನಾಗರಾಜ್‌. ಇವರೊಂದಿಗೆ ಒಬ್ಬ ಸಿಬಂದಿಯೂ ಕೈಜೋಡಿಸಿದರು. ಡಾಮರು ಹುಡಿಗಳನ್ನು ಹೊಂಡಕ್ಕೆ ತುಂಬಿಸಲು ನೆರವಾಗಿದ್ದು ಪಂ.ಅಧ್ಯಕ್ಷರ ಮಾರುತಿ 800 ಕಾರು! ಅದರಲ್ಲೇ ಮಣ್ಣು, ಡಾಮರು ಹುಡಿ ತಂದು ಎಲ್ಲ ಹೊಂಡ-ಗುಂಡಿಗಳನ್ನು ಮುಚ್ಚಿ ಸಾರ್ವಜನಿಕರಿಂದ ಶಹಬ್ಟಾಸ್‌ ಗಿರಿ ಪಡೆದಿದ್ದಾರೆ.