ಕೋದಂಡ ರಾಮಸ್ವಾಮಿ ಬ್ರಹ್ಮರಥೋತ್ಸವ

Team Udayavani, Apr 8, 2018, 12:14 PM IST

ಕೆಂಗೇರಿ: ಸಮೀಪದ ಹುಳಿಮಾವುನಲ್ಲಿ ಶನಿವಾರ ಶ್ರೀ ಕೋದಂಡ ರಾಮಸ್ವಾಮಿ ಬ್ರಹ್ಮರಥೋತ್ಸವ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ವಿಜೃಂಭಣೆಯಿಂದ ನೆರವೇರಿತು. ಹೊರ ರಾಜ್ಯ, ನಗರ‌ ಹಾಗೂ ರಾಜ್ಯದ ಮೂಲೆಮೂಲೆಗಳಿಂದ ಭಕ್ತರು ಆಗಮಿಸಿದ್ದರು.

ಅರ್ಚಕರಾದ ಯಲ್ದೂರ್‌ ಶ್ರೀನಿವಾಸಾಚಾರ್ಯ, ರಘುನಾಥಚಾರ್ಯ ಅವರು ವಿಶೇಷ ಪೂಜೆ, ಹೋಮ, ಹವನ ಸೇರಿ ವಿವಿಧ ಪೂಜಾ ಕೈಂಕರ್ಯ ನೆರವೇರಿಸಿದರು. ನಂದಿ ಧ್ವಜ, ಕೀಲುಕುದುರೆ, ಡೊಳ್ಳು ಕುಣಿತ, ಪಟದ ಕುಣಿತ ಸೇರಿ ವಿವಿಧ ಜಾನಪದ ಕಲಾ ತಂಡಗಳ ಜತೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಬ್ರಹ್ಮರಥ ಸಾಗಿತು.

ರಥೋತ್ಸವದ ಪ್ರಯುಕ್ತ ಭಕ್ತರಿಗೆ ಅನ್ನದಾನ, ಕೋಸಂಬರಿ, ಮಜ್ಜಿಗೆ, ಪಾನಕ ವಿತರಿಸಲಾಯಿತು. ಧರ್ಮದರ್ಶಿ ಮಂಡಳಿಯ ಎಂ.ರಾಮಯ್ಯ, ಟಿ. ಶ್ರೀನಿವಾಸ ರೆಡ್ಡಿ, ಎಚ್‌.ಕೆ.ಮುತ್ತಪ್ಪ, ಸಿ.ಲಕ್ಷ್ಮಿನಾರಾಯಣ್‌, ಬಿ.ಶಿವಣ್ಣ, ಎಂ.ಪಾಪಣ್ಣ, ರವಿಕುಮಾರ್‌ ಉಪಸ್ಥಿತರಿದ್ದರು.