ಸ್ಕ್ವಾಷ್‌: ಚಿನ್ನ ಉಳಿಸಿಕೊಳ್ಳುವ ಹಾದಿಯಲ್ಲಿ ದೀಪಿಕಾ-ಜೋಶ್ನಾ

Team Udayavani, Apr 15, 2018, 7:40 AM IST

ಗೋಲ್ಡ್‌ಕೋಸ್ಟ್‌: ಹಾಲಿ ಚಾಂಪಿಯನ್‌ ದೀಪಿಕಾ ಪಳ್ಳಿಕಲ್‌ ಮತ್ತು ಜೋಶ್ನಾ ಚಿನ್ನಪ್ಪ ಕಾಮನ್ವೆಲ್ತ್‌ ಗೇಮ್ಸ್‌ ವನಿತಾ ಡಬಲ್ಸ್‌ ಸ್ಕ್ವಾಷ್‌ ಸ್ಪರ್ಧೆಯ ಫೈನಲ್‌ ಪ್ರವೇಶಿಸಿದ್ದಾರೆ. ಇವರು ಗ್ಲಾಸೊYàದಲ್ಲಿ ಗೆದ್ದ ಚಿನ್ನದ ಪದಕವನ್ನು ಉಳಿಸಿಕೊಳ್ಳುವರೆಂಬ ನಿರೀಕ್ಷೆ ಭಾರತದ ಕ್ರೀಡಾಭಿಮಾನಿಗಳದ್ದು.

ಶನಿವಾರದ ಸೆಮಿಫೈನಲ್‌ ಸ್ಪರ್ಧೆಯಲ್ಲಿ ದೀಪಿಕಾ-ಜೋಶ್ನಾ ಇಂಗ್ಲೆಂಡ್‌ನ‌ ಲಾರಾ ಮಸ್ಸಾರೊ-ಸಾರಾ ಜೇನ್‌ ಪೆರ್ರಿ ಜೋಡಿಯನ್ನು 2-0 (11-10, 11-5) ನೇರ ಗೇಮ್‌ನಿಂದ ಸೋಲಿಸಿದರು. ಆರಂಭಿಕ ಗೇಮ್‌ನಲ್ಲಿ ಸ್ಪರ್ಧೆ ಬಹಳ ಜಟಿಲವಾಗಿತ್ತು. ಯಾರೂ ಗೆಲ್ಲಬಹುದಾದ ಸ್ಥಿತಿ ಎದುರಾಗಿತ್ತು. ಅಂತಿಮವಾಗಿ ಭಾರತ ಸಣ್ಣ ಮೇಲುಗೈ ಸಾಧಿಸಿ ಗೆಲುವು ತನ್ನದಾಗಿಸಿತು.

ರವಿವಾರದ ಫೈನಲ್‌ ಸ್ಪರ್ಧೆಯಲ್ಲಿ ದೀಪಿಕಾ-ಜೋಶ್ನಾ ನ್ಯೂಜಿಲ್ಯಾಂಡಿನ ಜೋಯೆಲ್‌ ಕಿಂಗ್‌ ಮತ್ತು ಅಮಂಡಾ ಲ್ಯಾಂಡರ್ಸ್‌ ಮರ್ಫಿ ವಿರುದ್ಧ ಸೆಣಸಾಡಲಿದೆ. ಈ ಜೋಡಿ ಸೆಮಿಫೈನಲ್‌ನಲ್ಲಿ ಆಸ್ಟ್ರೇಲಿಯದ ರಶೆಲ್‌ ಗ್ರಿನ್‌ಹ್ಯಾಮ್‌-ಡೋನಾ ಆಕಾØರ್ಟ್‌ ಜೋಡಿಯನ್ನು 2-0 (11-9, 11-5) ಅಂತರದಿಂದ ಮಣಿಸಿತು.