![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಮತ್ತೊಮ್ಮೆ ಮದವೇರಿ ಬಂದ “ಟಗರು’ ಶಿವಣ್ಣ
Team Udayavani, Apr 18, 2018, 4:18 PM IST
![tagaru-2.jpg](https://www.udayavani.com/wp-content/uploads/2018/04/18/tagaru-2.jpg)
ಇತ್ತೀಚೆಗೆ ಬಿಡುಗಡೆಯಾದ ಶಿವರಾಜಕುಮಾರ್ ಅಭಿನಯದ “ಟಗರು’ ಚಿತ್ರ ಭರ್ಜರಿ ಪ್ರದರ್ಶನವಾಗುತ್ತಿದ್ದು, ಈಗಾಗಲೇ ಚಿತ್ರ ಹಾಗೂ ಚಿತ್ರದ ಹಾಡುಗಳು ಪ್ರೇಕ್ಷಕರಿಂದ ಬೊಂಬಾಟ್ ಮೆಚ್ಚುಗೆ ಗಳಿಸಿದ್ದು, ಈಗ “ಟಗರು 2′ ಚಿತ್ರದ ಪ್ರಮೋಷನಲ್ ಸಾಂಗ್ ಸಹ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಇದೇನಪ್ಪಾ “ಟಗರು’ ಚಿತ್ರವೇ ಈಗಷ್ಟೇ ಬಿಡುಗಡೆಯಾಗಿದೆ.
ಅಷ್ಟರಲ್ಲೇ “ಟಗರು 2′ ಚಿತ್ರ ಸೆಟ್ಟೇರುತ್ತಿದೆಯಾ ಎಂದು ಯೋಚಿಸುತ್ತಿದ್ದೀರಾ? ಹೌದು! ಶಿವರಾಜಕುಮಾರ್ ಅವರ ಅಭಿಮಾನಿಯಾದ ಗದಗ ಜಿಲ್ಲೆಯ ಶಿರಹಟ್ಟಿಯ ಮಾಚೇನಹಳ್ಳಿ ಗ್ರಾಮದ ಸತೀಶ ಕಮ್ಮಾರ ಎಂಬುವವರು “ಟಗರು 2′ ಚಿತ್ರಕ್ಕೆ ಪ್ರಮೋಷನಲ್ ಸಾಂಗ್ ಎಂಬ ಟೈಟಲ್ನಡಿ ಯೂಟ್ಯೂಬ್ನಲ್ಲಿ “ಬಂತು ಬಂತು ಬಂತೂ… ಮದವೇರಿದ ಟಗರು’ ಎಂಬ ಹಾಡನ್ನು ಇತ್ತೀಚೆಗಷ್ಟೇ ಬಿಡುಗಡೆ ಮಾಡಿದ್ದಾರೆ.
ಈ ಹಾಡಿಗೆ ಮಂಗಳೂರಿನ ಲಾಯ್ ವ್ಯಾಲೈಟೈನ್ ಸಲ್ಧಾನಾ ಸಂಗೀತವನ್ನು ನೀಡಿದ್ದು, ಹಾಡಿಗೆ ದನಿಯಾಗಿದ್ದಾರೆ. ಇನ್ನು ಸತೀಶ್ ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಈ ಹಾಡಿನಲ್ಲಿ ಲಾಯ್ ವ್ಯಾಲೈಟೈನ್ ಅವರು ಜೋಶ್ನಲ್ಲಿ ಹಾಡುತ್ತಿರುವ ದೃಶ್ಯಗಳು ಹಾಗೂ “ಟಗರು’ ಸಿನಿಮಾದಲ್ಲಿ ಶಿವರಾಜ್ಕುಮಾರ್ ಅವರ ಆ್ಯಕ್ಷನ್ ದೃಶ್ಯಗಳು ಮತ್ತು ಹೊಡೆದಾಟವನ್ನು ಬಳಸಿಕೊಳ್ಳಲಾಗಿದೆ.
ಅಲ್ಲದೇ ಶಿವಣ್ಣ ಈ ಹಾಡನ್ನು ಕೇಳುತ್ತಿರುವ ದೃಶ್ಯಗಳು ಸಹ ಇವೆ. ವಿಶೇಷ ಅಂದರೆ ಈ ಹಾಡನ್ನು “ಟಗರು’ ಸಿನಿಮಾ ಬಿಡುಗಡೆಯಾದ ಮರುದಿನವೇ ಸತೀಶ್ ಹಾಗೂ ಲಾಯ್ ಈ ಹಾಡನ್ನು ಯುಟ್ಯೂಬ್ನಲ್ಲಿ ಹರಿಬಿಟ್ಟಿದ್ದು, ಇಲ್ಲಿಯವರೆಗೂ ಈ ಹಾಡನ್ನು ಒಂದು ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.