ಜೀಪ್‌ ಉರುಳಿ ವಿಜಯಪುರದ ಯೋಧ ಸಾವು

Team Udayavani, Apr 23, 2018, 6:00 AM IST

ಇಟಾನಗರ: ಅರುಣಾಚಲ ಪ್ರದೇಶದಲ್ಲಿ ಸೇನಾ ಜೀಪು ನದಿಗೆ ಬಿದ್ದು ಕರ್ನಾಟಕದ ವಿಜಯಪುರದ ಯೋಧ ಸಹಿತ ಇಬ್ಬರು ಅಸುನೀಗಿದ್ದಾರೆ. ವಿಜಯಪುರ ಜಿಲ್ಲೆಯ ಬಸವನಬಾಗೇವಾಡಿ ತಾಲೂಕಿನ ರೋಣಿಹಾಳ ಗ್ರಾಮದ ಪರಶುರಾಮ ಖ್ಯಾತನ್ನವರ್‌ (32) ಮೃತ ಯೋಧ. ಈ ದುರಂತದಲ್ಲಿ ಇತರ ನಾಲ್ವರಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ. ಮದ್ರಾಸ್‌ ರೆಜಿಮೆಂಟ್‌ಗೆ ಸೇರಿದ ಈ ಜೀಪ್‌ ದಿಬಾಂಗ್‌ ವ್ಯಾಲಿ ಜಿಲ್ಲೆಯಲ್ಲಿ ಕುಂಡಿಲ್‌ ನದಿಗೆ ಉರುಳಿ ಬಿದ್ದ ಪರಿಣಾಮ ಈ ದುರಂತ ಸಂಭವಿಸಿದೆ. ರವಿವಾರ ಮುಂಜಾನೆ 2.30ಕ್ಕೆ ಈ ದುರಂತ ಸಂಭವಿಸಿದೆ.

18 ಮಂದಿ ಪ್ರಯಾಣಿಸುತ್ತಿದ್ದ ಜೀಪ್‌
ನಲ್ಲಿ ಅರುಣಾಚಲಕ್ಕೆ ಹೊಂದಿಕೊಂಡು ಇರುವ ಗಡಿ ಪ್ರದೇಶ ಇಡುಲಿಗೆ ಗಸ್ತು ತಿರುಗುವ ನಿಟ್ಟಿನಲ್ಲಿ ಪ್ರಯಾಣಿ ಸುತ್ತಿದ್ದರು. ಚಾಲಕನ ನಿಯಂತ್ರಣ ತಪ್ಪಿದ್ದರಿಂದ ಈ ದುರಂತ ಸಂಭವಿಸಿದೆ.