ಯೋಗೇಶ್ವರ್‌ 26 ಕೋಟಿ ರೂ. ಒಡೆಯ 

Team Udayavani, Apr 24, 2018, 6:15 AM IST

ಚನ್ನಪಟ್ಟಣ: ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸಿ.ಪಿ.ಯೋಗೇಶ್ವರ್‌ ತಮ್ಮ ಬಳಿ ಚರಾಸ್ತಿ ಮತ್ತು ಸ್ಥಿರಾಸ್ತಿ ಒಟ್ಟು 26.28 ಕೋಟಿ ರೂ. ಘೋಷಿಸಿಕೊಂಡಿದ್ದಾರೆ.

ಸಿಪಿವೈ ಪತ್ನಿ ಬಳಿ ಚರಾಸ್ತಿ ಮತ್ತು ಸ್ಥಿರಾಸ್ತಿ ಒಟ್ಟು 17.53 ಕೋಟಿ ರೂ. ಇದೆ. ಕುಟುಂಬದ ಒಟ್ಟು ಚರಾಸ್ತಿ ಮತ್ತು ಸ್ಥಿರಾಸ್ತಿ 43.82 ಕೋಟಿ ರೂ.. ಯೋಗೇಶ್ವರ್‌ ಬಳಿ ಸದ್ಯ 9 ಲಕ್ಷ ನಗದು ಇದೆ.

ಪತ್ನಿ ಬಳಿ 1.50 ಲಕ್ಷ ರೂ. ಹಣವಿದೆ. 39.13 ಲಕ್ಷ ರೂ. ವಾರ್ಷಿಕ ಆದಾಯ ಇರುವುದಾಗಿ, ಪತ್ನಿಗೆ 12.8 ಲಕ್ಷ ರೂ. ವಾರ್ಷಿಕ ಆದಾಯ ಇರುವುದಾಗಿ ತಿಳಿಸಿದ್ದಾರೆ. 2013ರ ಚುನಾವಣೆ ವೇಳೆ ಸಲ್ಲಿಸಿದ್ದ ಆಸ್ತಿ ವಿವರದಲ್ಲಿ 89.93 ಲಕ್ಷ ರೂ. ವಾರ್ಷಿಕ ಆದಾಯವಿತ್ತು ಎಂದು ಹೇಳಿ ಕೊಂಡಿದ್ದಾರೆ.

ಅಂದರೆ ಕಳೆದ 5 ವರ್ಷಗಳಲ್ಲಿ ಇವರ ವಾರ್ಷಿಕ ಆದಾಯ ಸುಮಾರು 50 ಲಕ್ಷದಷ್ಟು ಕುಸಿದಿದೆ.2013ಕ್ಕೆ ಹೋಲಿಸಿದರೆ 8.03 ಕೋಟಿ ರೂ. ಚರಾಸ್ತಿ ಮತ್ತು ಸ್ಥಿರಾಸ್ತಿ ಮೌಲ್ಯ 5 ವರ್ಷಗಳಲ್ಲಿ 18.24 ಕೋಟಿ ರೂ.ವೃದ್ಧಿಸಿಕೊಂಡಿದೆ.