ಸರ್ವಾಂಗೀಣ ಅಭಿವೃದ್ಧಿಗೆ ಬಿಜೆಪಿಗೆ ಮತ ನೀಡಿ

Team Udayavani, May 5, 2018, 11:50 AM IST

ಅಫಜಲಪುರ: ನರೇಂದ್ರ ಮೋದಿ ಅವರು ಮಾಡುತ್ತಿರುವ ಆಡಳಿತ ಮಾದರಿಯಾಗಿದೆ. ಹಾಗೆ ಅಫಜಲಪುರ ತಾಲೂಕಿನ ಸರ್ವಾಂಗೀಣ ಅಭಿವೃದ್ಧಿಗೆ ಬಿಜೆಪಿಗೆ ಮತ ನೀಡಿ ಎಂದು ಬಿಜೆಪಿ ಅಭ್ಯರ್ಥಿ ಮಾಲಿಕಯ್ಯ ಗುತ್ತೇದಾರ ಹೇಳಿದರು.

ತಾಲೂಕಿನ ಗೌಡಗಾಂವನಲ್ಲಿ ಮತಯಾಚಿಸಿ ಮಾತನಾಡಿದ ಅವರು, ತಾಲೂಕಿನಲ್ಲಿ ಮೊದಲಿಂತೆ ನೀರಿಗಾಗಿ ಪರದಾಡುವ
ಕಾಲ ಈಗಿಲ್ಲ. ಎಲ್ಲ ಕಡೆ ಅಂತರ್ಜಲ ಮಟ್ಟ ಹೆಚ್ಚಳವಾಗಿದೆ. ನಾನು ಮಾಡಿದ ನೀರಾವರಿ ಕ್ರಾಂತಿಯಿಂದ ಜನ ಜಾನುವಾರುಗಳಿಗೆ ಅನುಕೂಲವಾಗಿದೆ. ಈ ಭಾಗದಲ್ಲಿ ಹರಿಯುವ ಅಮರ್ಜಾ ನದಿ ಬೇಸಿಗೆಯಲ್ಲಿ ತುಂಬಿ ಭೀಮಾ ನದಿಗೆ ಸೇರುತ್ತಿತ್ತು. ಬೇಸಿಗೆಯಲ್ಲಿ ಒಣಗಿ ಅಂತರ್ಜಲ ಮಟ್ಟ ಕುಸಿಯುತ್ತಿತ್ತು. ನದಿಯಲ್ಲಿ ನೀರು ನಿಲ್ಲಿಸುವ ಕೆಲಸ ಮಾಡಿದರೆ ಅಂತರ್ಜಲ ಮಟ್ಟ ಹೆಚ್ಚಳವಾಗಲಿದೆ. ಜನ ಜಾನುವಾರುಗಳಿಗೆ ಅನುಕೂಲವಾಗಲಿದೆ ಎಂದು ಯೋಚಿಸಿ ನದಿಗೆ ಅಲ್ಲಲ್ಲಿ ಬ್ರಿಡ್ಜ್ ಕಂ ಬ್ಯಾರೇಜ್‌ ಕಟ್ಟಿಸಿದ್ದರ ಫಲವಾಗಿ ಈಗ ನೀರು ನಿಂತಿದೆ. ಅಂತರ್ಜಲ ಮಟ್ಟ ಹೆಚ್ಚಳವಾಗಿದೆ ಎಂದು ಹೇಳಿದರು. 

ಈ ಬಾರಿಯೂ ತಮಗೆ ಮತ ನೀಡಿ ಗೆಲ್ಲಿಸಿದರೆ ಸಂರ್ಪೂಣ ತಾಲೂಕಿನಲ್ಲಿ ಶಾಶ್ವತ ಕುಡಿಯುವ ನೀರು ಪೂರೈಕೆ, ಕೆರೆ ತುಂಬುವ ಯೋಜನೆ ಸೇರಿದಂತೆ ರೈತಾಪಿ ವರ್ಗದವರಿಗೆ ಅನುಕೂಲವಾಗುವ ಕೆಲಸ ಮಾಡಲಾಗುತ್ತದೆ. 

ತಾಲೂಕಿನಲ್ಲಿ ಈಗಾಗಲೇ ನೀರಾವರಿ, ರಸ್ತೆ, ಶಿಕ್ಷಣ, ಆರೋಗ್ಯ ಕ್ರಾಂತಿಗಳಾಗಿವೆ. ಇನ್ನೂ ಮೂಲಭೂತ ಸೌಕರ್ಯಗಳ ಕ್ರಾಂತಿಯಾದರೆ ಅಫಜಲಪುರ ತಾಲೂಕು ಸಮೃದ್ಧ ತಾಲೂಕು ಆಗಲಿದೆ. ಅದಕ್ಕಾಗಿ ಬಜೆಪಿಗೆ ಬೆಂಬಲಿಸಿ ಎಂದು ಮತದಾರರಲ್ಲಿ ಮನವಿ ಮಾಡಿದರು.

ಶಿವಪುತ್ರಪ್ಪ ಕೂರೂರ, ಬಿ.ವೈ. ಪಾಟೀಲ, ಮಲ್ಲಿನಾಥ ಶೇಗಜಿ, ಅರವಿಂದ ಗುತ್ತೇದಾರ, ಶಾಮರಾವ ಪ್ಯಾಟಿ, ರಾಮಲಿಂಗಯ್ಯ ಸ್ವಾಮಿ, ಅಣ್ಣಾರಾಯ ಪಾಟೀಲ, ವಿಠuಲ ಕುಡಕಿ ಇದ್ದರು.