ವಿಶ್ವ ಇಲೆವೆನ್‌ ತಂಡದಲ್ಲಿ  ಸಂದೀಪ್‌ ಲಮಿಚಾನೆ

Team Udayavani, May 17, 2018, 6:00 AM IST

ಲಂಡನ್‌: ವೆಸ್ಟ್‌ ಇಂಡೀಸ್‌ ವಿರುದ್ಧ ಆಡಲಾಗುವ ಏಕೈಕ ಸಹಾಯಾರ್ಥ ಟಿ20 ಪಂದ್ಯದಲ್ಲಿ ನೇಪಾಲದ “ಬೌಲಿಂಗ್‌ ಹೀರೋ’ ಸಂದೀಪ್‌ ಲಮಿಚಾನೆ ಅವರನ್ನು ಐಸಿಸಿ ವಿಶ್ವ ಇಲೆವೆನ್‌ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಆಲ್‌ರೌಂಡರ್‌ ಶಕಿಬ್‌ ಅಲ್‌ ಹಸನ್‌ ವೈಯಕ್ತಿಕ ಕಾರಣಗಳಿಂದ ಹೊರಗುಳಿಯಲು ನಿರ್ಧರಿಸಿದ್ದರಿಂದ ಲಮಿಚಾನೆಗೆ ಬಾಗಿಲು ತೆರೆಯಿತು. ಈ ಬದಲಾವಣೆಯನ್ನು ಐಸಿಸಿ ಅಧಿಕೃತವಾಗಿ ಪ್ರಕಟಿಸಿದೆ.

“ಐಸಿಸಿ ವಿಶ್ವ ಇಲೆವೆನ್‌ ತಂಡದಲ್ಲಿ ಸ್ಥಾನ ಸಂಪಾದಿಸಿದ್ದು ನನ್ನ ಪಾಲಿನ ಮಹಾನ್‌ ಗೌರವ ಎಂದು ಭಾವಿಸಿ ದ್ದೇನೆ. ವಿಶ್ವದ ಖ್ಯಾತನಾಮ ಆಟಗಾರರೊಂದಿಗೆ ಅಭ್ಯಾಸ ನಡೆಸುವುದು, ಡ್ರೆಸ್ಸಿಂಗ್‌ ರೂಮ್‌ ಹಂಚಿಕೊಳ್ಳುವುದೆಲ್ಲ ನನಗೊಂದು ವಿಶೇಷ ಹಾಗೂ ಸ್ಮರಣೀಯ ಅನುಭವವಾಗಲಿದೆ. ಈ ಅವಕಾಶವನ್ನು ನಾನು ಸಮರ್ಥ ರೀತಿಯಲ್ಲಿ ಬಳಸಿಕೊಳ್ಳಲಿದ್ದೇನೆ’ ಎಂದು ಸಂದೀಪ್‌ ಲಮಿಚಾನೆ ಹೇಳಿದ್ದಾರೆ.

ಈ ಪಂದ್ಯ ಮೇ 31ರಂದು ಐತಿಹಾಸಿಕ ಲಾರ್ಡ್ಸ್‌ ಅಂಗಳದಲ್ಲಿ ನಡೆಯಲಿದೆ.