ವರ್ಷಕ್ಕೆ 2,800 ಕೋಟಿ ಲಂಚ!

Team Udayavani, May 19, 2018, 6:00 AM IST

ನವ ದೆಹಲಿ: ಕರ್ನಾಟಕ ಸೇರಿ 13 ರಾಜ್ಯಗಳ ಜನತೆ, ತಮ್ಮ ಮೂಲ ದಾಖಲೆಗಳನ್ನು ಸರ್ಕಾರದಿಂದ ಪಡೆಯಲು ಅಧಿಕಾರಿಗಳಿಗೆ ಕಳೆದೊಂದು ವರ್ಷದಲ್ಲಿ ಅಂದಾಜು 2,800 ಕೋಟಿ ರೂ.ಗಳ‌ನ್ನು ಲಂಚದ ರೂಪದಲ್ಲಿ ನೀಡಿದ್ದಾರೆಂದು ಸೆಂಟರ್‌ ಫಾರ್‌ ಮೀಡಿಯಾ ಸ್ಟಡೀಸ್‌ (ಸಿಎಂಎಸ್‌) ಸಮೀಕ್ಷೆ ತಿಳಿಸಿದೆ. 13ರಾಜ್ಯಗಳ ಸುಮಾರು 2000ಕ್ಕೂ ಕುಟುಂಬಗಳು ನೀಡಿರುವ ಮಾಹಿತಿಯ ಆಧಾರವಾಗಿ ಈ ಸಮೀಕ್ಷಾ ವರದಿ ಸಿದ್ಧಪಡಿಸಿರುವುದಾಗಿ ಸಂಸ್ಥೆ ಹೇಳಿದೆ. 

ಪಡಿತರ, ವಿದ್ಯುತ್‌, ಆರೋಗ್ಯ, ಶಾಲಾ ಶಿಕ್ಷಣ, ನೀರು ಸರಬರಾಜು, ಬ್ಯಾಂಕಿಂಗ್‌ ಸೇವೆ, ಪೊಲೀಸ್‌, ನ್ಯಾಯಾಂಗ ಸೇವೆಗಳು ಹಾಗೂ ನರೇಗಾ ಯೋಜನೆಯ ಲಾಭ ಪಡೆಯಲು ಜನರು ಕಳೆದೊಂದು ವರ್ಷದಲ್ಲಿ 2,500ರಿಂದ 2,800 ಕೋಟಿ ರೂ.ಗಳಷ್ಟು ಹಣವನ್ನು ಲಂಚ ರೂಪದಲ್ಲಿ ತೆತ್ತಿದ್ದಾರೆಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ. ಆಧಾರ್‌ ಕಾರ್ಡ್‌ಗಾಗಿ ಶೇ.7ರಷ್ಟು, ಮತದಾರರ ಚೀಟಿ ಪಡೆಯಲು ಶೇ. 3ರಷ್ಟು ಹಣ ನೀಡಲಾಗಿದೆ ಎಂದು ಸಮೀಕ್ಷೆ ತಿಳಿಸಿದೆ.