ಕೇಂದ್ರ ಸಚಿವ ಬಂಡಾರುಗೆ ಪುತ್ರ ವಿಯೋಗ; 21ರ ಹರೆಯದಲ್ಲೇ ಹೃದಯಾಘಾತ !

Team Udayavani, May 23, 2018, 12:30 PM IST

ಸಿಕಂದರಾಬಾದ್‌: ಕೇಂದ್ರ ಸಚಿವ, ಬಿಜೆಪಿ ಸಂಸದ ಬಂಡಾರು ದತ್ತಾತ್ರೇಯ ಅವರ 21 ರ ಹರೆಯದ ಪುತ್ರ ಬಂಡಾರು ವೈಷ್ಣವ್‌ ಅವರು ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ. 

3 ನೇ ವರ್ಷದ ಎಂಬಿಬಿಎಸ್‌ ವ್ಯಾಸಂಗ ಮಾಡುತ್ತಿದ್ದ  ವೈಷ್ಣವ್‌ ಅವರು ಮಂಗಳವಾರ ರಾತ್ರಿ ಎದೆ ನೋವಿನ ಬಗ್ಗೆ ಹೇಳಿಕೊಂಡಿದ್ದು , ಕೂಡಲೆ ಅವರನ್ನು ಸಿಕಂದರಾಬಾದ್‌ನ ಆಸ್ಪತ್ರೆ ದಾಖಲಿಸಲಾಯಿತು. ಆದರೆ 12.30 ರ ವೇಳೆಗೆ ಅವರು ಕೊನೆಯುಸಿರೆಳಿದಿರುವುದು ಧೃಡವಾಯಿತು.

ವೈಷ್ಣವ್‌ ಅವರು ನಿಧನ ಹೊಂದಿದ ವಿಚಾರ ತಿಳಿದು ನೂರಾರು ಬಿಜೆಪಿ ನಾಯಕರು ಆಸ್ಪತ್ರೆಗೆ ದೌಡಾಯಿಸಿದ್ದು, ಬಂಡಾರು ಅವರು ಕುಟುಂಬ ಕ್ಕೆ ಸಾಂತ್ವನ ಹೇಳುತ್ತಿದ್ದಾರೆ. ಮಗನನ್ನು ಕಳೆದುಕೊಂಡು ಸಚಿವ ಬಂಡಾರು ಮತ್ತು ಕುಟುಂಬದವರು ತೀವ್ರ ದುಃಖೀತರಾಗಿದ್ದಾರೆ.