ಇಂದು ಮೌಂಟ್‌ ಎವರೆಸ್ಟ್ ಏರಿದ ವಿಕ್ರಂ ಆಗಮನ

Team Udayavani, May 25, 2018, 2:45 PM IST

ಹುಣಸೂರು: ನಾಗರಹೊಳೆ ರಾಷ್ಟ್ರೀಯ ಉದ್ಯಾನದ ವೀರನಹೊಸಹಳ್ಳಿ ವಲಯದ ಅರಣ್ಯ ರಕ್ಷಕ ಸಿ.ವಿಕ್ರಂ ವಿಶ್ವದ ಅತಿ ಎತ್ತರದ ಶಿಖರ ಮೌಂಟ್‌ ಎವರೆಸ್ಟ್ನ್ನು ಯಶಸ್ವಿಯಾಗಿ ಏರಿ ವಿಜಯ ಸಾಧಿಸಿದ ಕರ್ನಾಟಕದ ಪ್ರಥಮ ಸಾಧಕ ಶುಕ್ರವಾರ ಬೆಂಗಳೂರಿಗೆ ಆಗಮಿಸುತ್ತಿದ್ದಾರೆಂದು ನಾಗರಹೊಳೆ ಹುಲಿಯೋಜನೆ ಕ್ಷೇತ್ರ ನಿರ್ದೇಶಕ ಆರ್‌.ರವಿಶಂಕರ್‌ ತಿಳಿಸಿದ್ದಾರೆ.

ಹುಣಸೂರಿನಿಂದ ಏ.14ರಂದು ಹೊರಟು ಏ.18ರಂದು ನೇಪಾಳದ ಕಠ್ಮಂಡುವಿನ ಮೂಲಕ ಹೈದರಾಬಾದಿನ ಟ್ರಾಂಜೆಂಟ್‌ ಅಡ್ವೆಂಚರ್‌ ಕ್ಲಬ್‌ನ ಮೂಲಕ ವಿವಿಧ ರಾಜ್ಯಗಳ 20 ಮಂದಿ ತಂಡದೊಂದಿಗೆ ಕರ್ನಾಟಕದ ಏಕೈಕ ಪ್ರತಿನಿಧಿಯಾಗಿ ತೆರಳಿದ್ದರು,

ಇದೀಗ ಗುರುವಾರ ನೇಪಾಳದ ಬೇಸ್‌ ಕ್ಯಾಂಪ್‌ಗೆ ತಲುಪಿದ್ದು, ಶುಕ್ರವಾರ ದೆಹಲಿ ಮೂಲಕ ಬೆಂಗಳೂರಿಗೆ ಆಗಮಿಸಲಿದ್ದು, ಬೆಂಗಳೂರಿನ ಅರಣ್ಯ ಭವನದಲ್ಲಿ ಶನಿವಾರ ಬೆಳಗ್ಗೆ 11ಕ್ಕೆ ನಡೆಯುವ ಸಮಾರಂಭದಲ್ಲಿ ವಿಜಯ ಸಾಧಿಸಿದ ಸಿ.ವಿಕ್ರಂರನ್ನು ಸನ್ಮಾನಿಸಲಾಗುವುದೆಂದು ತಿಳಿಸಿದರು.