ರುಡ್‌ ಸೆಟ್‌ ನಲ್ಲಿ ಉಚಿತ ತರಬೇತಿ

Team Udayavani, May 29, 2018, 4:30 AM IST

ಬೆಳ್ತಂಗಡಿ: ಸ್ವ-ಉದ್ಯೋಗ ಆಕಾಂಕ್ಷಿಗಳಿಗೆ ಹಾಗೂ ಉದ್ಯೋಗವನ್ನು ಅರಸುತ್ತಿರುವವರಿಗೆ ಉಜಿರೆಯ ರುಡ್‌ ಸೆಟ್‌ ಸಂಸ್ಥೆಯಲ್ಲಿ ತರಬೇತಿ ನಡೆಯಲಿದೆ. ಜೂ. 1ರಿಂದ 30 ದಿನಗಳ ಪಂಪ್‌ ಸೆಟ್‌ ಮತ್ತು ಮೋಟಾರ್‌ ರಿವೈಂಡಿಂಗ್‌, ಜೂ. 18ರಿಂದ 30 ದಿನಗಳ ಟಿವಿ ಟೆಕ್ನೀಶಿಯನ್‌ ಮತ್ತು ಎಲೆೆಕ್ಟ್ರಾನಿಕ್ಸ್‌, ಜೂ. 21ರಿಂದ 30 ದಿನಗಳ ಮಹಿಳೆಯರ ಟೈಲರಿಂಗ್‌, ಜು. 2ರಿಂದ 13 ದಿನಗಳ ಸಿಸಿ ಕೆಮರಾ ಅಳವಡಿಸುವಿಕೆ, ಜು. 15ರಿಂದ 30 ದಿನಗಳ ಕಂಪ್ಯೂಟರೈಸ್ಡ್ ಎಕೌಂಟಿಂಗ್‌, ಜು. 17ರಿಂದ 30 ದಿನಗಳ ಫೋಟೋಗ್ರಫಿ ಮತ್ತು ವೀಡಿಯೋಗ್ರಫಿ, ಆ. 16ರಿಂದ 45 ದಿನಗಳ ಕಂಪ್ಯೂಟರ್‌ ಡಿ.ಟಿ.ಪಿ. ಮೊದಲಾದ ತರಬೇತಿಗಳನ್ನು ಆಯೋಜಿಸಲಾಗಿದೆ.

ಕಂಪ್ಯೂಟರ್‌ ಹಾರ್ಡ್‌ವೇರ್‌ ಮತ್ತು ನೆಟ್‌ವರ್ಕಿಂಗ್‌, ದ್ವಿಚಕ್ರ ವಾಹನಗಳ ದುರಸ್ತಿ, ರಬ್ಬರ್‌ ಟ್ಯಾಪಿಂಗ್‌, ಮೆನ್ಸ್‌ ಪಾರ್ಲರ್‌ ಮತ್ತು ಸೆಲೂನ್‌ ಉದ್ಯಮ, ಮಹಿಳೆಯರ ಬ್ಯೂಟಿ ಪಾರ್ಲರ್‌ ತರಬೇತಿ, ಗ್ರಾಮೀಣ ಉದ್ಯಮಶೀಲತ ಅಭಿವೃದ್ಧಿ ತರಬೇತಿ ಮತ್ತು ಪಪ್ಪಡ್‌, ಉಪ್ಪಿನಕಾಯಿ ಮತ್ತು ಮಸಾಲ ಪೌಡರ್‌ ತಯಾರಿಕೆ ತರಬೇತಿ ಹಮ್ಮಿಕೊಳ್ಳಲಾಗಿದೆ. ತರಬೇತಿ ಊಟ ಮತ್ತು ವಸತಿಯೊಂದಿಗೆ ಉಚಿತವಾಗಿರುತ್ತದೆ.

ತರಬೇತಿಯಲ್ಲಿ ಕೌಶಲದ ಜತೆಗೆ ವ್ಯಾಪಾರ ವಹಿವಾಟು, ಸೇವಾ ಕ್ಷೇತ್ರ, ಕೈಗಾರಿಕೆ, ಇನ್ನಿತರ ಘಟಕಗಳ ಸ್ಥಾಪನೆ-ನಿರ್ವಹಣೆ, ಸರಕಾರದ ಸಬ್ಸಿಡಿ ಯೋಜನೆಗಳು, ಬ್ಯಾಂಕಿನಿಂದ ದೊರೆಯುವ ಸೌಲಭ್ಯಗಳು, ಇನ್ನಿತರ ಮಹತ್ವದ ಉದ್ಯಮಶೀಲತ ಮಾಹಿತಿ ಮತ್ತು ಮಾರ್ಗದರ್ಶನ ನೀಡಲಾಗುತ್ತದೆ. ತರಬೇತಿಗಳಿಗೆ ಬರಲು 18ರಿಂದ 45 ವರ್ಷಗಳ ವಯೋಮಿತಿಯ ಕನ್ನಡ ಓದು – ಬರಹ ಬಲ್ಲವರು ಅರ್ಜಿಯನ್ನು ಬಿಳಿ ಹಾಳೆಯಲ್ಲಿ ಅರ್ಜಿ ನಮೂನೆ ಪಡೆದು ಭರ್ತಿ ಮಾಡಿ ನಿರ್ದೇಶಕರು, ರುಡ್‌ಸೆಟ್‌ ಸಂಸ್ಥೆ, ಸಿದ್ದವನ, ಉಜಿರೆ – 574 240, ಬೆಳ್ತಂಗಡಿ ತಾಲೂಕು, ದ.ಕ. ಇವರಿಗೆ ಕಳುಹಿಸಬಹುದು ಅಥವಾ ಸಂಸ್ಥೆಯ ವೆಬ್‌ ಸೈಟ್‌ www.rudsetujire.com ಮೂಲಕ ಅರ್ಜಿ ಸಲ್ಲಿಸಬಹುದು.