ಪಾಪೆಮಜಲು ಶಾಲೆ: ಸುಸಜ್ಜಿತ ಶೌಚಾಲಯ ನಿರ್ಮಾಣಕ್ಕೆ ಆಗ್ರಹ

Team Udayavani, Jun 2, 2018, 11:41 AM IST

ಅರಿಯಡ್ಕ: ಅರಿಯಡ್ಕ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಪಾಪೆಮಜಲು ದ.ಕ.ಜಿ.ಪಂ. ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 127 ವಿದ್ಯಾರ್ಥಿಗಳು ಶಿಕ್ಷಣ ಪಡೆಯುತ್ತಿದ್ದಾರೆ. ಇವರಲ್ಲಿ 75 ಮಂದಿ ಬಾಲಕಿಯರು. ಇಲ್ಲಿ ಉತ್ತಮ ಬೋಧಕ ವರ್ಗ, ಸುವ್ಯವಸ್ಥಿತ ಆಟದ ಮೈದಾನ ಸಹಿತ ಎಲ್ಲ ಸೌಕರ್ಯಗಳು ಇವೆ.

ಶೌಚಾಲಾಯ ತೀರಾ ಚಿಕ್ಕದಾಗಿದ್ದು, 50 ವರ್ಷಗಳ ಹಿಂದೆ ನಿರ್ಮಾಣವಾಗಿದೆ. ಅದೀಗ ಶಿಥಿಲಾವಸ್ಥೆಗೆ ತಲುಪಿದೆ. ಬಾಲಕಿಯರ ಸಂಖ್ಯೆ ಹೆಚ್ಚು ಇರುವುದರಿಂದ ವ್ಯವಸ್ಥಿತ ಮಹಿಳಾ ಶೌಚಾಲಯದ ಅಗತ್ಯವಿದೆ. ಈ ಸಮಸ್ಯೆಯ ಬಗ್ಗೆ ಸಂಬಂಧಪಟ್ಟ ಇಲಾಖೆ ಹಾಗೂ ಜನಪ್ರತಿನಿಧಿಗಳು ಸೂಕ್ತ ಕ್ರಮ ಕೈಗೊಳ್ಳುವಂತೆ ಮಕ್ಕಳ ಹೆತ್ತ ವರು ಆಗ್ರಹಿಸಿದ್ದಾರೆ.

ಶೌಚಾಲಯದ ಎರಡು ಕಡೆ ನೀರು ಬ್ಲಾಕ್‌ ಆಗಿ ಸಮಸ್ಯೆ ಉಂಟಾಗುತ್ತದೆ. ಹೆಣ್ಣು ಮಕ್ಕಳಿಗೆ ವ್ಯವಸ್ಥಿತ ಶೌಚಾಲಯದ ಜತೆಗೆ ಒಂದು ವಿಶೇಷ ಶೌಚಾಲಯದ ಅಗತ್ಯವೂ ಇದೆ. ಎಸ್‌ಡಿಎಂಸಿ ಸಭೆ ಕರೆದು, ಜಿಪಂ ಅನುದಾನಕ್ಕೆ ಬರೆಯಲು ತೀರ್ಮಾನಿ ಸಿದ್ದೇವೆ ಎಂದು ಎಸ್‌ಡಿಎಂಸಿ ಅಧ್ಯಕ್ಷ ಧನಂಜಯ ನಾಯ್ಕ ಹಾಗೂ ಮುಖ್ಯ ಶಿಕ್ಷಕಿ ತೆರೇಜ್‌ ಎಂ. ಸಿಕ್ವೇರಾ ತಿಳಿಸಿದ್ದಾರೆ.