3ನೇ ದಿನ ಪೂರೈಸಿದ ರೈತರ ಪ್ರತಿಭಟನೆ

Team Udayavani, Jun 4, 2018, 6:42 AM IST

ಹೊಸದಿಲ್ಲಿ: ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ದೇಶಾದ್ಯಂತದ ರೈತರು ನಡೆಸುತ್ತಿರುವ ಪ್ರತಿಭಟನೆ ರವಿವಾರ 3ನೇ ದಿನ ಪೂರೈಸಿದ್ದು, ಜನತೆಗೆ ಈ ಪ್ರತಿಭಟನೆಯ ಬಿಸಿ ಕ್ರಮೇಣವಾಗಿ ತಟ್ಟತೊಡಗಿದೆ. ಪಂಜಾಬ್‌, ಹರಿಯಾಣಗಳಲ್ಲಿ ರೈತರ ಪ್ರತಿಭಟನೆ ತುಸು ಹೆಚ್ಚೇ ತೀವ್ರವಾಗಿದೆ. ರವಿವಾರವೂ ಇಲ್ಲಿನ ರೈತರು ತಾವು ಬೆಳೆದ ಬೆಳೆಗಳನ್ನೆಲ್ಲ ರಸ್ತೆಗೆ ಸುರಿದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪರಿಣಾಮ, ಈ ರಾಜ್ಯಗಳಲ್ಲಿ ತರಕಾರಿ, ಹಾಲು, ಹಣ್ಣುಗಳ ಪೂರೈಕೆಯಲ್ಲಿ ವ್ಯತ್ಯಯವಾಗಿರುವುದು ಮಾತ್ರವಲ್ಲ, ಬೆಲೆ ಯಲ್ಲೂ ಏರಿಕೆ ಕಂಡುಬಂದಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಹರಿಯಾಣ ಸಿಎಂ ಖಟ್ಟರ್‌, ಸರಕಾರದ ವಿರುದ್ಧ ಪ್ರತಿಭಟನೆ ಮಾಡುವು ದರಿಂದ ಯಾವುದೇ ಪ್ರಯೋಜನವಿಲ್ಲ ಎಂದಿ ದ್ದಾರೆ. ಜತೆಗೆ, ತಮ್ಮ ಬೆಳೆಗಳನ್ನು ರಸ್ತೆಯ ಮೇಲೆ ಸುರಿಯುವಂತೆ ಒತ್ತಡ ಹೇರುವವರನ್ನು ರೈತರು ಯಾವತ್ತೂ ಕ್ಷಮಿಸುವುದಿಲ್ಲ  ಎಂದಿದ್ದಾರೆ.