ಮಾರುಕಟ್ಟೆಗೆ ಲೀಬೇರ್‌ ರೆಫ್ರಿಜಿರೇಟರ್‌ಗಳ ಲಗ್ಗೆ

Team Udayavani, Jun 8, 2018, 11:31 AM IST

ಬೆಂಗಳೂರು: ಜರ್ಮನಿಯ ಪ್ರಮುಖ ರೆಫ್ರಿಜಿರೇಟರ್‌ ಉತ್ಪಾದನಾ ಸಂಸ್ಥೆಗಳಲ್ಲಿ ಒಂದಾಗಿರುವ ಲೀಬೇರ್‌ ಸಂಸ್ಥೆ, ಭಾರತದ ಮಾರುಕಟ್ಟೆಗೆ ಗುರುವಾರ ತನ್ನ ಉತ್ಪನ್ನಗಳನ್ನು ಬಿಡುಗಡೆಗೊಳಿಸಿದೆ.

ಭಾರತದ ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಸಂಸ್ಥೆಯು ರೆಫ್ರಿಜಿರೇಟರ್‌ಗಳನ್ನು ತಯಾರಿಸಿದ್ದು, ದೇಶದ ಎಲ್ಲ ಪ್ರಮುಖ ನಗರಗಳ ಮಾರುಕಟ್ಟೆಯಲ್ಲಿ ವಿನೂತನ ರೆಫ್ರಿಜಿರೇಟರ್‌ಗಳು ಗ್ರಾಹಕರಿಗೆ ಲಭ್ಯವಾಗಲಿವೆ. ರೆಫ್ರಿಜಿರೇಟರ್‌ಗಳ ಬೆಲೆ 23,500 ರೂ.ಗಳಿಂದ ಪ್ರಾರಂಭವಾಗಿ ಗ್ರಾಹಕರ ಅಭಿರುಚಿ ಹಾಗೂ ಆದ್ಯತೆಯಂತೆ 1.50 ಲಕ್ಷ ರೂ.ವರೆಗೆ ಇರಲಿದೆ.

ಮುಂಬೈನಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಮಾರುಕಟ್ಟೆ ಮುಖ್ಯಸ್ಥ ರಾಧಾಕೃಷ್ಣ ಸೋಮಯಜೀ, ವ್ಯವಸ್ಥಾಪಕ ನಿರ್ದೇಶಕ ರೋಮನ್‌ ಸ್ಕೇಫ‌ರ್‌, ಅಂತಾರಾಷ್ಟ್ರೀಯ ಮಾರುಕಟ್ಟೆ ಮುಖ್ಯಸ್ಥ ಗುಂಥರ್‌ ಸೊøàಲ್‌, ರಾಷ್ಟ್ರೀಯ ಮಾರುಕಟ್ಟೆ ವ್ಯಸ್ಥಾಪಕ ಶ್ರೀನಿವಾಸ ಜ್ಯೋತಿ ಸೇರಿ ಪ್ರಮುಖರು ಭಾಗವಹಿಸಿದ್ದರು.