ಗೋಧ್ರಾ : 2 ಕೋಮುಗಳ ನಡುವೆ ಘರ್ಷಣೆ, ಆರು ಮಂದಿಗೆ ಗಾಯ

Team Udayavani, Jun 9, 2018, 3:37 PM IST

ಗೋಧ್ರಾ  : ರಸ್ತೆ ಮೇಲೆ ಬೈಕ್‌ ಪಾರ್ಕ್‌ ಮಾಡಿದ್ದನ್ನು ಆಟೋ ಚಾಲಕ ಪ್ರಶ್ನಿಸಿದ್ದಕ್ಕೆ ಉಂಟಾದ ಮಾತಿನ ಜಗಳ ಎರಡು ವಿಭಿನ್ನ ಕೋಮುಗಳ ನಡುವಿನ ಸಂಘರ್ಷಕ್ಕೆ ಕಾರಣವಾಗಿ ಆರು ಮಂದಿ ಗಾಯಗೊಂಡ ಘಟನೆ ಇಲ್ಲಿನ ಖಾದಿ ಫಾಲಿಯಾ ಪ್ರದೇಶದಲ್ಲಿ ನಿನ್ನೆ ಶುಕ್ರವಾರ ರಾತ್ರಿ ನಡೆದಿದೆ. 

ಪರಸ್ಪರ ಘರ್ಷಣೆ, ಕಲ್ಲೆಸೆತ, ಹೊಡೆದಾಟದಲ್ಲಿ ತೊಡಗಿಕೊಂಡ ಉದ್ರಿಕ್ತ ಗುಂಪುಗಳನ್ನು ಚದುರಿಸಲು ಪೊಲೀಸರು ಅಶ್ರು ವಾಯ ಪ್ರಯೋಗಿಸಿದರೆಂದು ಗೋಧ್ರಾ  ಬಿ ವಿಭಾಗದ ಪೊಲೀಸ್‌ ಠಾಣಾಧಿಕಾರಿ ಎಂ ಸಿ ಸಂಗ್‌ತ್ಯಾನಿ ತಿಳಿಸಿದ್ದಾರೆ. 

ಪೊಲೀಸರು ಘಟನೆ ಸಂಬಂಧ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ; ಆದರೆ ಈ ತನಕ ಯಾರನ್ನೂ ಬಂಧಿಸಿಲ್ಲ ಎಂದು ತಿಳಿದು ಬಂದಿದೆ.