ಮರವೂರು: ರೈಲ್ವೇ ಮೇಲ್ಸೇತುವೆ, ರಕ್ಷಣಾಗೋಡೆಯಲ್ಲಿ ಬಿರುಕು

Team Udayavani, Jun 11, 2018, 1:02 PM IST

ಕೆಂಜಾರು: ಮಳವೂರು ಗ್ರಾ.ಪಂ. ವ್ಯಾಪ್ತಿಯ ಮರವೂರು ವಿಮಾನ ನಿಲ್ದಾಣ ರಸ್ತೆಯಲ್ಲಿ ರೈಲ್ವೇಯ ಎರಡನೇ ಹಳಿಯ ಮೇಲ್ಸೇತುವೆ ಹಾಗೂ ಹಳಿಗಳ ರಕ್ಷಣಾಗೋಡೆಯಲ್ಲಿ ಮಳೆಗೆ ಬಿರುಕು ಕಂಡಿದೆ. ಇದರಿಂದ ವಾಹನ ಸಂಚಾರಕ್ಕೆ ಅಪಾಯ ಎದುರಾಗಿದೆ.

ರೈಲ್ವೇಯ 2ನೇ ಮೇಲ್ಸೇತುವೆ ಕಾಮಗಾರಿ ನಡೆಯಿತ್ತಿದ್ದು, ತಿಂಗಳ ಹಿಂದೆ ಇದರ ರಕ್ಷಣಾ ಗೋಡೆ ಕಾಮಗಾರಿ ನಡೆದಿದೆ. ಈ ಕಾಮಗಾರಿ ರಾಜ್ಯ ಹೆದ್ದಾರಿ 67ರ ಪಕ್ಕದಲ್ಲಿಯೇ ನಡೆದಿತ್ತು. ಈ ವರ್ಷದ ಮಹಾಮಳೆಗೆ ಈಗ ಬಿರುಕು ಕಂಡಿದೆ. ಇದರಿಂದ ಈಗ ಅದು ಒಡೆದು ಅದರ ಕಲ್ಲು, ಮಣ್ಣುಗಳು ರಸ್ತೆಗೆ ಬೀಳುವ ಸ್ಥಿತಿಯಲ್ಲಿದೆ. ಹಳಿಗೆ ಕಟ್ಟಿದ ರಕ್ಷಣಾ ಗೋಡೆಯ ಕಲ್ಲು ಸುಮಾರು 20 ಅಡಿ ಎತ್ತರವಿದೆ. ಇದು ರಾಜ್ಯ ಹೆದ್ದಾರಿ 67ರ ಮೇಲೆ ಬೀಳುವ ಸ್ಥಿತಿಯಲ್ಲಿದೆ. ಇಲಾಖೆ ಅಪಾಯವನ್ನು ಅರಿತು ಶೀಘ್ರವಾಗಿ ಈ ಬಿರುಕನ್ನು ಸರಿಪಡಿಸುವ ಕಾರ್ಯ ಮಾಡಬೇಕಾಗಿದೆ.