ಪಣಂಬೂರು: ಕೊಂಬು ಮುರಿದ ಹೋರಿಯ ರೋದನ 

Team Udayavani, Jun 11, 2018, 1:21 PM IST

ಪಣಂಬೂರು : ಪಣಂಬೂರು ಬಳಿ ಬೀಡಾಡಿ ಹೋರಿಯ ಕೊಂಬು ಮುರಿದು ಹೋಗಿ ಮೌನವಾಗಿ ರೋದಿಸುತ್ತಿರುವ ಮನ ಕಲಕುವ ದೃಶ್ಯ ಕಂಡು ಬಂತು. ಯಾವುದೋ ವಾಹನ ಢಿಕ್ಕಿ ಹೊಡೆದು ಕೊಂಬು ಮುರಿದು ಹೋಗಿರುವ ಸಾಧ್ಯತೆಯಿದ್ದು ರಕ್ತ, ಮಾಂಸ ಹೊರಚಾಚಿದ ಸ್ಥಿತಿಯಲ್ಲಿದೆ. ಬೀಡಾಡಿ ಹೋರಿಯಾಗಿರುವುದರಿಂದ ಯಾರು ಹತ್ತಿರ ಸುಳಿದರೂ ಹಾಯಲು ಬರುತ್ತದೆ. ಹೀಗಾಗಿ ಅರಿವಳಿಕೆ ನೀಡಿಯೇ ಶುಶ್ರೂಷೆ ನೀಡಬೇಕಾಗಿದೆ.

ಚಿಕಿತ್ಸೆಗೆ ಸಾರ್ವಜನಿಕರ ಆಗ್ರಹ
ಬೀಡಾಡಿ ಹೋರಿಯ ಈ ಸ್ಥಿತಿಯನ್ನು ಪ್ರಾಣಿ ದಯಾ ಸಂಘ ಅಥವಾ ಪಶು ಇಲಾಖೆ ಈ ಬಗ್ಗೆ ಗಮನ ಹರಿಸಿ ಕೊಂಬು ಮುರಿದು ಮೌನವಾಗಿ ನೋವನು ಭವಿಸುತ್ತಿರುವ ಹೋರಿಗೆ ಚಿಕಿತ್ಸೆ ನೀಡಬೇಕು ಎಂದು ಪಣಂಬೂರಿನ ಸಾರ್ವಜನಿಕರು , ವಿವಿಧ ಸಂಘಟನೆಗಳು ಆಗ್ರಹಿಸಿದ್ದಾವೆ.