ಮುಖ್ಯ ವಿತ್ತ ಸಲಹೆಗಾರ ಅರವಿಂದ ರಾಜೀನಾಮೆ

Team Udayavani, Jun 21, 2018, 6:00 AM IST

ನವದೆಹಲಿ: ಕೇಂದ್ರ ಸರ್ಕಾರದ ಮುಖ್ಯ ಆರ್ಥಿಕ ಸಲಹೆಗಾರ ಅರವಿಂದ ಸುಬ್ರಮಣಿಯನ್‌ ವೈಯಕ್ತಿಕ ಕಾರಣಗಳಿಂದಾಗಿ ಹುದ್ದೆ ತೊರೆಯಲು ನಿರ್ಧರಿಸಿದ್ದಾರೆ. 2014ರ ಅಕ್ಟೋಬರ್‌ನಲ್ಲಿ ಹಣಕಾಸು ಸಚಿವಾಲಯಕ್ಕೆ ಮೂರು ವರ್ಷಗಳ ಅವಧಿಗೆ ಅವರು ನೇಮಕವಾಗಿದ್ದರು. ನಂತರ ಒಂದು ವರ್ಷಗಳವರೆಗೆ ಅವರ ಅವಧಿಯನ್ನು ವಿಸ್ತರಿಸಲಾಗಿತ್ತು. ಅರವಿಂದ್‌ ನಿರ್ಗಮನದ 
ನಿರ್ಧಾರವನ್ನು ವಿತ್ತ ಸಚಿವ ಅರುಣ್‌ ಜೇಟ್ಲಿ ಫೇಸ್‌ಬುಕ್‌ನಲ್ಲಿ ಪ್ರಕಟಿಸಿದ್ದಾರೆ. ಅಕ್ಟೋಬರ್‌ನಲ್ಲಿ ಅವಧಿ ಮುಗಿಯಲಿದ್ದರೂ, ಸೆಪ್ಟೆಂಬರ್‌ನಲ್ಲೇ ಅಮೆರಿಕಕ್ಕೆ ತೆರಳಲು ನಿರ್ಧರಿಸಿ ರುವುದಾಗಿ ಅರವಿಂದ್‌ ತಿಳಿಸಿದ್ದಾರೆ.

ಜೇಟ್ಲಿ ಹೇಳಿದ್ದು
ಕೆಲವು ದಿನಗಳ ಹಿಂದೆ ಅರವಿಂದ್‌ ನನ್ನ ಜೊತೆ ಮಾತನಾಡಿದ್ದರು. ಕೌಟುಂಬಿಕ ಕಾರಣ ದಿಂದಾಗಿ ಅಮೆರಿಕಕ್ಕೆ ತೆರಳುತ್ತೇನೆ ಎಂದಿದ್ದರು. ಕಾರಣಗಳು ವೈಯಕ್ತಿಕ ವಾಗಿದ್ದರೂ, ಅವರಿಗೆ ಪ್ರಮುಖವಾಗಿತ್ತು. ನನ್ನ ಬಳಿ ಬೇರೆ ಆಯ್ಕೆ ಇರಲಿಲ್ಲ. ಹೀಗಾಗಿ ಸಮ್ಮತಿಸಿದೆ.