ಪುಟಾಣಿ ಮೊಗದಲ್ಲಿ ಮಂದಹಾಸ ತಂದ ಕೊಹ್ಲಿ

Team Udayavani, Jun 24, 2018, 6:10 AM IST

ನವದೆಹಲಿ: ಐರ್ಲೆಂಡ್‌ ಹಾಗೂ ಇಂಗ್ಲೆಂಡ್‌ ದೇಶಗಳ ಮೂರು ತಿಂಗಳ ಪ್ರವಾಸಕ್ಕಾಗಿ ಭಾರತೀಯ ಕ್ರಿಕೆಟ್‌ ತಂಡ ಇಂಗ್ಲೆಂಡ್‌ಗೆ ಶನಿವಾರ ಪ್ರಯಾಣ ಬೆಳೆಸಿತು. 

ವಿಮಾನ ಹತ್ತುವುದಕ್ಕೂ ಮುನ್ನ, ವಿಮಾನ ನಿಲ್ದಾಣದಲ್ಲಿ  ನಾಯಕ ವಿರಾಟ್‌ ಕೊಹ್ಲಿ, ಪುಟಾಣಿ ಅಭಿಮಾನಿಯೊಬ್ಬಳ ಮೊಗದಲ್ಲಿ ಮಂದಹಾಸ ಮಿನುಗಲು ಕಾರಣವಾದರು. ಭಾರತೀಯ ಕ್ರಿಕೆಟ್‌ ತಂಡದ ಜರ್ಸಿ ಹೋಲುವ ಟೀ ಶರ್ಟ ಧರಿಸಿದ್ದ ರಾಧಾ ಎಂಬ ಈ ಪುಟ್ಟ ಬಾಲಕಿ ತನ್ನೊಂದಿಗೆ ಫೋಟೋ ತೆಗೆಸಿಕೊಳ್ಳಲು ಕೊಹ್ಲಿಯವರನ್ನು ಕೋರಿದಳು. ಆಕೆಯ ಮನವಿಗೆ ಸ್ಪಂದಿಸಿದ ಕೊಹ್ಲಿ ಫೋಟಕ್ಕೆ ಸಹಕರಿಸಿದರು. ಫೋಟೋ ತೆಗೆಸಿಕೊಂಡು ಖುಷಿಪಟ್ಟ ಬಾಲಕಿಗೊಂದು ವಿದಾಯ ಹೇಳಿದ ಕೊಹ್ಲಿ ನಗುತ್ತಲೇ ಮುಂದುವರಿದರು.