ಇವಿಎಂ ನಿಷೇಧಿಸಲು ಆಗ್ರಹಿಸಿ ಅಂಚೆ ಕಾರ್ಡ್‌ ಚಳವಳಿ

Team Udayavani, Jun 24, 2018, 1:08 PM IST

ಕಬಕ : ಇವಿಎಂ ನಿಷೇಧಿಸುವಂತೆ ಆಗ್ರಹಿಸಿ ಕಬಕ ಗ್ರಾಮ ಸಮಿತಿ ಕಾಂಗ್ರೆಸ್‌ ಕಾರ್ಯಕರ್ತರಿಂದ ಶನಿವಾರ ಅಂಚೆ ಕಾರ್ಡ್‌ ಚಳವಳಿ ನಡೆಸಲಾಯಿತು. ನೂರಾರು ಕಾಂಗ್ರೆಸ್‌ ಕಾರ್ಯಕರ್ತರು ಕಬಕ ಅಂಚೆ ಕಚೇರಿಗೆ ತೆರಳಿ, ಸುಪ್ರೀಂ ಕೋರ್ಟ್‌ ಮುಖ್ಯ ನ್ಯಾಯಮೂರ್ತಿಗಳಿಗೆ ಅಂಚೆ ಕಾರ್ಡ್‌ ಮೂಲಕ, ಮುಂದಿನ ಚುನಾವಣೆಯಲ್ಲಿ ಮತ ಯಂತ್ರ ಬಳಕೆ ಮಾಡದಂತೆ ಮನವಿ ಸಲ್ಲಿಸಿದರು.

ಕಬಕ ಗ್ರಾ.ಪಂ. ಸದಸ್ಯರಾದ ಶಾಬ, ವಿಠ್ಠಲ ಗೌಡ, ನೌಫ‌ಲ್, ಆದಂ ಕೆದುವಡ್ಕ, ಉಮ್ಮರ್‌ ಫಾರೂಕ್‌, ಮೂಸೆ ಕುಂಞಿ ಕಬಕ, ರಮ್ಮಾನ್‌ ಕೆದುವಡ್ಕ, ಮೋಹನ ಗುರ್ಜಿನಡ್ಕ, ಆಸಿಫ್ ಕೆ.ಎಸ್‌. ಸಹಿತ ಹಲವಾರು ಕಾಂಗ್ರೆಸ್‌ ಕಾರ್ಯಕರ್ತರು ಉಪಸ್ಥಿತರಿದ್ದರು.