ನಾಗಪಟ್ಟಣ: ರಬ್ಬರ್‌ ಫ್ಯಾಕ್ಟರಿಗೆ ಅರಣ್ಯ ಸಚಿವರ ಭೇಟಿ

Team Udayavani, Jun 27, 2018, 12:16 PM IST

ಸುಳ್ಯ: ನಾಗಪಟ್ಟದ ಮೇದಿನಡ್ಕ ಅರಣ್ಯ ನಿಗಮ ವ್ಯಾಪ್ತಿಯ ಸೆಂಟ್ರಿಫ್ಯೂಜ್‌ ಲೇಟೆಕ್ಸ್‌ ಮತ್ತು ಕ್ರೀಪ್‌ ರಬ್ಬರ್‌ ಫ್ಯಾಕ್ಟರಿಗೆ ಅರಣ್ಯ ಮತ್ತು ಜೀವಿಶಾಸ್ತ್ರ ಸಚಿವ ಆರ್‌. ಶಂಕರ್‌ ಮಂಗಳವಾರ ಭೇಟಿ ನೀಡಿ, ಪರಿಶೀಲಿಸಿದರು. ರಬ್ಬರ್‌ ಉತ್ಪಾದನೆ ಪ್ರಕ್ರಿಯೆಗಳ ಬಗ್ಗೆ ಮಾಹಿತಿ ಪಡೆದ ಸಚಿವರು, ಎಲ್ಲ ವಿಭಾಗಗಳಿಗೆ ತೆರಳಿ ಪರಿಶೀಲಿಸಿದರು. ವಿಭಾಗೀಯ ಅಧಿಕಾರಿ ಕಮಲಾ ಅವರು ಮಾಹಿತಿ ನೀಡಿದರು. ಆರಂಭದಲ್ಲಿ ದುಗಲಡ್ಕ ರಬ್ಬರ್‌ ಪ್ಲಾಂಟೇಷನ್‌ಗೆ ಭೇಟಿ
ನೀಡಿದರು.

ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಜಗನ್ನಾಥ, ವಲಯ ಅರಣ್ಯಾಧಿಕಾರಿ ಮಂಜುನಾಥ್‌ ಸಹಿತ ಅರಣ್ಯ ಇಲಾಖೆ ಮತ್ತು ರಬ್ಬರ್‌ ಮಂಡಳಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.