ಶಾರದಾ ವಿದ್ಯಾನಿಕೇತನ: ಕಡ್ಡಾಯ ಕೃಷಿ ಪಾಠ ಉಪರಾಷ್ಟ್ರಪತಿ ಶ್ಲಾಘನೆ

Team Udayavani, Jun 29, 2018, 3:40 AM IST

ಉಳ್ಳಾಲ: ತಲಪಾಡಿಯ ದೇವಿನಗರದಲ್ಲಿರುವ ಶಾರದಾ ವಿದ್ಯಾನಿಕೇತನ ಪಬ್ಲಿಕ್‌ ಸ್ಕೂಲ್‌ ನಲ್ಲಿ 5ರಿಂದ 10ನೇ ತರಗತಿ ವಿದ್ಯಾರ್ಥಿಗಳಿಗೆ ಕಡ್ಡಾಯ ಕೃಷಿ ಪಾಠ ನೀಡುವ ಕ್ರಮವನ್ನು ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಅವರು ಶ್ಲಾಘಿಸಿದ್ದಾರೆ. ಈ ಬಗ್ಗೆ ಅವರು ಟ್ವೀಟ್‌ ಮಾಡಿದ್ದಾರೆ. ಪಾಠದಲ್ಲಿ ಕಲಿತ ಅಂಶಗಳನ್ನು ವಿದ್ಯಾರ್ಥಿಗಳು ಪ್ರಾಯೋಗಿಕವಾಗಿ ಜಾರಿಗೆ ತರುತ್ತಿರುವುದು ಸಂತೋಷ ತಂದಿದೆ ಎಂದು ಹೇಳಿದ್ದಾರೆ.

It is heartening to see school children put theory into practise. Really happy to learn about Mangalore’s Sharada Vidyanikethana school’s initiative to introduce agricultural science as compulsory subject for students from 5th to 10th stabdard. https://t.co/q0WONk5sY9

— VicePresidentOfIndia (@VPSecretariat) June 28, 2018

ಪ್ರಸಕ್ತ ಶೈಕ್ಷಣಿಕ ವರ್ಷದಿಂದ ಈ ಶಾಲೆಯಲ್ಲಿ ಕೃಷಿ ಪಾಠಿದ್ದು, ಪ್ರಥಮ ಹಂತದಲ್ಲಿ ವಿದ್ಯಾರ್ಥಿಗಳು ಮೂರುವರೆ ಎಕರೆ ಪ್ರದೇಶದಲ್ಲಿ ಕೃಷಿಯನ್ನು ನಡೆಸಲಿದ್ದಾರೆ. ಪಠ್ಯದಲ್ಲಿ ಹೈನುಗಾರಿಕೆ, ಸಾವಯವ ಕೃಷಿ, ಹೂದೋಟ ನಿರ್ಮಾಣ, ಹಣ್ಣಿನ ಕೃಷಿ, ಭತ್ತದ ಕೃಷಿ ಬಗ್ಗೆ ತಿಳಿದುಕೊಳ್ಳಲಿದ್ದಾರೆ. ಪ್ರಾಯೋಗಿಕವಾಗಿಯೂ ತರಬೇತಿ ಇರಲಿದೆ. ಇದಕ್ಕಾಗಿ ಶಾಲೆಯಲ್ಲಿ 7 ಮಂದಿ ಕೃಷಿ ಪದವೀಧರರನ್ನು ನೇಮಿಸಲಾಗಿದೆ. ಕೃಷಿ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪಡೆದ ಒಬ್ಬರು ಉಪನ್ಯಾಸಕರು ಥಿಯರಿ ಕ್ಲಾಸ್‌ ನಡೆಸಿದರೆ, ಆರು ಮಂದಿ ಕೃಷಿ ಪದವಿ ಪಡೆದ ತರಬೇತುಧಾರರು ಮಕ್ಕಳಿಗೆ ಪ್ರಾಯೋಗಿಕ ಶಿಕ್ಷಣವನ್ನು ನೀಡುತ್ತಿದ್ದಾರೆ. ಈ ವಿಚಾರವನ್ನು ಉದಯವಾಣಿ ಜೂ.11ರಂದು ಪ್ರಕಟಿಸಿತ್ತು.