ಉತ್ತರ ರೈಲ್ವೆ: ಅನಗತ್ಯ ರೈಲು ಚೈನ್‌ ಎಳೆದು ಬಂಧಿತರಾದವರು 650 ಮಂದಿ

Team Udayavani, Jun 29, 2018, 4:34 PM IST

ಹೊಸದಿಲ್ಲಿ : ರೈಲು ಪ್ರಯಾಣಿಕರಿಗೆ ಅನಗತ್ಯವಾಗಿ ಅನನುಕೂಲತೆ ಉಂಟುಮಾಡುವ ರೀತಿಯಲ್ಲಿ ತುರ್ತು ನಿಲುಗಡೆಯ ಚೈನನ್ನು ಎಳೆದ ಸುಮಾರು 650 ಮಂದಿಯನ್ನು ಕಳೆದ ಆರು ತಿಂಗಳಲ್ಲಿ, ಉತ್ತರ ರೈಲ್ವೆ ವಿಭಾಗದಲ್ಲಿ, ಬಂಧಿಸಲಾಗಿದೆ.

ತುರ್ತು ನಿಲುಗಡೆ ಚೈನನ್ನು ತೀರ ತುರ್ತು ಪರಿಸ್ಥಿತಿಯಲ್ಲಿ ರೈಲನ್ನು ನಿಲ್ಲಿಸಬೇಕಾದ ಅನಿವಾರ್ಯತೆಯಲ್ಲಿ ಮಾತ್ರವೇ ಎಳೆಯ ತಕ್ಕದ್ದು ಎಂದು ಉತ್ತರ ರೈಲ್ವೆ ಹೇಳಿದೆ.

ಹಾಗಿದ್ದರೂ ಕೆಲವು ಪ್ರಯಾಣಿಕರು ರೈಲು ನಿಲುಗಡೆ ಇಲ್ಲದ ತಾಣದಲ್ಲಿ ಇಳಿಯಲು, ಹತ್ತಲು, ತಡವಾಗಿ ಬಂದ ತಮ್ಮ ಸಂಬಂಧಿಕರಿಗೆ ರೈಲು ಹತ್ತಲು ಅವಕಾಶ ಮಾಡಿಕೊಡುವುದೇ ಮುಂತಾದ ಕಾನೂನುಬಾಹಿರ ಉದ್ದೇಶಗಳಿಗಾಗಿ ಚೈನ್‌ ಎಳೆದು ರೈಲನ್ನು ನಿಲ್ಲಿಸುತ್ತಾರೆ; ಅಂಥವರನ್ನು ಕಾನೂನು ಪ್ರಕಾರ ಬಂಧಿಸಿ ಶಿಕ್ಷಿಸಬೇಕಾಗುತ್ತದೆ ಎಂದು ಉತ್ತರ ರೈಲ್ವೆ ಹೇಳಿದೆ.