3 ಉಗ್ರರ ಸಂಹಾರ; ‌ಪೊಲೀಸ್‌ ಹತ್ಯೆಯ 12 ಗಂಟೆಗಳಲ್ಲೇ ಪ್ರತೀಕಾರ

Team Udayavani, Jul 23, 2018, 6:00 AM IST

ಶ್ರೀನಗರ/ನವದೆಹಲಿ: ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಂವ್‌ನಲ್ಲಿ ಪೊಲೀಸ್‌ ಕಾನ್‌ಸ್ಟೆàಬಲ್‌ ಮೊಹಮ್ಮದ್‌ ಸಲೀಂರನ್ನು ಅಪಹರಿಸಿ, ಹತ್ಯೆ ಮಾಡಿದ ಪಾಕಿಸ್ತಾನಿ ಉಗ್ರ ಸೇರಿದಂತೆ ಮೂವರು ಭಯೋತ್ಪಾದಕರನ್ನು ಭಾನುವಾರ ಸಂಹರಿಸಲಾಗಿದೆ. ಸಲೀಂರನ್ನು ಕೊಂದ 12 ಗಂಟೆಗಳಲ್ಲೇ ಭದ್ರತಾ ಪಡೆ ಯಶಸ್ವಿ ಕಾರ್ಯಾಚರಣೆ ನಡೆಸಿ ಉಗ್ರರನ್ನು ಹೊಡೆದುರುಳಿಸಿ ಪ್ರತೀಕಾರ ತೀರಿಸಿಕೊಂಡಿದೆ.

ಸಲೀಂ ಅವರಿಗೆ ಚಿತ್ರಹಿಂಸೆ ನೀಡಿ ಹತ್ಯೆ ಮಾಡಿರುವುದು ದೇಹದಲ್ಲಿ ಕಂಡುಬಂದಿರುವ ಗಾಯಗಳಿಂದ ಸ್ಪಷ್ಟವಾಗಿದೆ ಎಂದು ಪೊಲೀಸ್‌ ಇಲಾಖೆ ವಕ್ತಾರ ತಿಳಿಸಿದ್ದಾರೆ. ಸಲೀಂರನ್ನು ಹತ್ಯೆ ಮಾಡಿದ ಉಗ್ರರು ಇದ್ದ  ತಾಣದ ಮಾಹಿತಿ ಪೊಲೀಸರಿಗೆ ಮತ್ತು ಸಿಆರ್‌ಪಿಎಫ್ಗೆ ಭಾನುವಾರ ಸಿಕ್ಕಿತ್ತು.

ಸಿಆರ್‌ಪಿಎಫ್ ಸಿಬ್ಬಂದಿ ಶೋಧ ಕಾರ್ಯ ನಡೆಸುತ್ತಾ ಬರುತ್ತಿದ್ದಂತೆ ಉಗ್ರರು ಅವರತ್ತ ಗುಂಡು ಹಾರಿಸಿದರು. ಈ ಸಂದರ್ಭದಲ್ಲಿ ಲಷ್ಕರ್‌-ಎ-ತೊಯ್ಬಾ ಹಾಗೂ ಹಿಜ್ಬುಲ್‌ ಮುಜಾಹಿದೀನ್‌ ಉಗ್ರ ಸಂಘಟನೆಗಳಿಗೆ ಸೇರಿದ ಮೂವರನ್ನು ಕೊಲ್ಲಲಾಗಿದೆ. ಮೃತ ಉಗ್ರರನ್ನು ಮೌವಿಯಾ(ಪಾಕಿಸ್ತಾನಿ), ಸುಹೈಲ್‌ ಅಹ್ಮದ್‌ ದರ್‌ ಮತ್ತು ಮುದಸ್ಸರ್‌ ಅಲಿಯಾಸ್‌ ರೆಹಾನ್‌ ಎಂದು ಗುರುತಿಸಲಾಗಿದೆ. ಕೆಲವೊಂದು ಶಸ್ತ್ರಾಸ್ತ್ರಗಳನ್ನೂ ವಶಪಡಿಸಿಕೊಳ್ಳಲಾಗಿದೆ. ಮತ್ತೂಂದು ಕಾರ್ಯಾಚರಣೆಯಲ್ಲಿ ಕಥುವಾ ಜಿಲ್ಲೆಯಲ್ಲಿ ಪಾಕ್‌ ನುಸುಳುಕೋರನನ್ನು ಬಿಎಸ್‌ಎಫ್ ಗುಂಡು ಹಾರಿಸಿ ಕೊಂದಿದೆ.