ಪತ್ನಿ, ಗೆಳತಿಯರಿಂದ ದೂರವಿರಿ’

Team Udayavani, Jul 24, 2018, 12:58 PM IST

ಎಜ್‌ಬಾಸ್ಟನ್‌: ಇಂಗ್ಲೆಂಡ್‌ ವಿರುದ್ಧದ 3ನೇ ಟೆಸ್ಟ್‌ ಮುಗಿಯುವ ತನಕ ಪತ್ನಿ ಮತ್ತು ಗೆಳತಿಯರಿಂದ ದೂರವಿರಲು ಬಿಸಿಸಿಐ ಭಾರತದ ಕ್ರಿಕೆಟಿಗರಿಗೆ ಸೂಚಿಸಿದೆ. 

ಆಗಸ್ಟ್‌ ಒಂದರಿಂದ ಭಾರತ-ಇಂಗ್ಲೆಂಡ್‌ ನಡುವಿನ ಮೊದಲ ಟೆಸ್ಟ್‌ ಆರಂಭವಾಗಲಿದೆ. ಅಲ್ಲಿ ತನಕ ಭಾರತೀಯರ ಆಟಗಾರರು ಆರಾಮದಿಂದ ಇರಬಹುದು. ಸದ್ಯ ಟೀಮ್‌ ಇಂಡಿಯಾ ಆಟಗಾರರು ತಮ್ಮ ಪತ್ನಿ, ಗೆಳತಿಯರೊಂದಿಗೆ ಇಂಗ್ಲೆಂಡ್‌ನ‌ ವಿವಿಧ ಪ್ರೇಕ್ಷಣೀಯ ತಾಣಗಳಿಗೆ ತೆರಳಿ ರಜಾ ಕ್ಷಣಗಳ ಮಜಾ ಅನುಭವಿಸುತ್ತಿದ್ದಾರೆ. ಈ ನಡುವೆ ಬಿಸಿಸಿಐ ಸೂಚನೆ ನೀಡಿರುವುದು ಕೆಲವರಿಗೆ ನಿರಾಸೆ ತಂದಿದೆ. ಮೊದಲ 3 ಟೆಸ್ಟ್‌ ಬಳಿಕ ಪತ್ನಿ, ಗೆಳತಿಯರೊಂದಿಗೆ ಇರಬಹುದು, ಅಲ್ಲಿಯತನಕ ದೂರವಿರಿ ಎಂದು ತಿಳಿಸಿದೆ.

ಈ ಬಗ್ಗೆ ತಂಡದ ಸಿಬಂದಿಯೊಬ್ಬರು ಮುಂಬಯಿಯ ಪತ್ರಿಕೆಯೊಂದಕ್ಕೆ ಮಾಹಿತಿ ನೀಡಿದ್ದಾರೆ. “ಮುಂದೆ ಕಠಿನ ಗುರಿಯಿದೆ. ಪತ್ನಿಯರು, ಗೆಳತಿಯರು ಹಾಗೂ ಸಂಬಂಧಿಕರು ಸೋಮವಾರವೇ ಆಟಗಾರರನ್ನು ಬಿಟ್ಟು ತೆರಳಲಿದ್ದಾರೆ’ ಎಂದು ತಿಳಿಸಿದ್ದಾರೆ.