ಎರಡು ವರ್ಷದ ಅದ್ಭುತ ಕ್ರಿಕೆಟಿಗನಿಗೆ ಐಸಿಸಿ ಪ್ರಶಸ್ತಿ!

Team Udayavani, Jul 27, 2018, 6:00 AM IST

ಢಾಕಾ: ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ (ಐಸಿಸಿ) ವಾರದ ಅಭಿಮಾನಿ ಪ್ರಶಸ್ತಿಯನ್ನು ಬಾಂಗ್ಲಾದೇಶದ 2 ವರ್ಷದ ಬಾಲಕನಿಗೆ ನೀಡಿದೆ. 

ಇತ್ತೀಚೆಗೆ ಬಾಂಗ್ಲಾದೇಶದ ಅಲಿ ಎಂಬ ಹೆಸರಿನ 2 ವರ್ಷದ ಬಾಲಕ ತನ್ನ ತಂದೆಯ ಜತೆಗೆ ಕ್ರಿಕೆಟ್‌ ಆಡಿದ್ದ ವಿಡಿಯೋವೊಂದನ್ನು ಐಸಿಸಿ ಪ್ರಕಟಿಸಿತ್ತು. 

ಇದಕ್ಕೆ ಭಾರೀ ಸಂಖ್ಯೆಯಲ್ಲಿ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಆಫ್ಸೈಡ್‌ನ‌ಲ್ಲಿ  ಬಂದ ಚೆಂಡನ್ನು ಬಾಲಕ ಅತ್ಯಂತ ಬಿರುಸಿನ ಬ್ಯಾಟಿಂಗ್‌ ಮೂಲಕ ಬಾರಿಸಿದ್ದ. ವೃತ್ತಿಪರ ಕ್ರಿಕೆಟಿಗರ,ನ್ನು ಹೋಲುವ ಶೈಲಿ ಬಾಲಕನಲ್ಲಿ ಕಂಡು ಬಂದಿತ್ತು. ಸಣ್ಣ ವಯಸ್ಸಿಗೆ ಇಷ್ಟೊಂದು ದೊಡ್ಡ ಪ್ರತಿಭೆ ಕಂಡು ನೋಡುಗರು ಅಚ್ಚರಿಗೆ ಒಳಪಟ್ಟಿದ್ದರು. ಕೆಲವು ದಿನಗಳ ಹಿಂದೆ ಇದೇ ರೀತಿಯಲ್ಲಿ ಪಾಕಿಸ್ಥಾನದ ಬಾಲಕನೊಬ್ಬನ ವಿಡಿಯೋ ವೈರಲ್‌ ಆಗಿತ್ತು. ಸ್ವತಃ ಪಾಕ್‌ ಕ್ರಿಕೆಟ್‌ ದಿಗ್ಗಜ ವಸಿಂ ಅಕ್ರಂ ವಿಡಿಯೋವನ್ನು ಶೇರ್‌ ಮಾಡಿಕೊಂಡು ಇಂತಹ ಬಾಲಕನಿಗೆ ಸಹಾಯ ಮಾಡಬೇಕು. ನಾವೆಲ್ಲ ಒಂದಾಗಬೇಕಿದೆ ಎಂದು ಟ್ವೀಟ್‌ ಮಾಡಿದ್ದರು.