ಕ್ರೀಡಾಂಗಣಗಳ ಕಾಮಗಾರಿ ವಿಳಂಬ: ಒಲಿಂಪಿಕ್‌ ಸಿದ್ಧತೆಗೆ ಅಡ್ಡಿಯಿಲ್ಲ

Team Udayavani, Jul 29, 2018, 12:00 PM IST

ಟೋಕಿಯೊ: ಜಪಾನ್‌ನ ಟೋಕಿಯೊದಲ್ಲಿ 2020ರಲ್ಲಿ ನಡೆಯ ಲಿರುವ ಒಲಿಂಪಿಕ್ಸ್‌ ಕೂಟಕ್ಕೆ ಭಾರೀ ಸಿದ್ಧತೆಗಳು ನಡೆಯುತ್ತಿವೆ. ಎರಡು ಪ್ರಮುಖ ಸ್ಥಳಗಳಲ್ಲಿ ಕಾಮಗಾರಿ ಗಳು ವಿಳಂಬವಾಗುತ್ತಿದೆ. ಆದರೆ, ಇದರಿಂದ ಪಂದ್ಯಗಳು, ಪರೀಕ್ಷೆಗಳಿಗೆ ಸಂಬಂಧಿಸಿ ಯಾವುದೇ ಅಡ್ಡಿಯಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಟೋಕಿಯೊ ಮಹಾನಗರದ ಆಡಳಿತವು ಕಳೆದ ತಿಂಗಳು ಒಲಿಂಪಿಕ್‌ ಅಕ್ವಾಟಿಕ್‌ ಸೆಂಟರ್‌ ಹಾಗೂ ಸೀ ಫಾರೆಸ್ಟ್‌ ವಾಟರ್‌ ವೇ ನಿರ್ಮಾಣ ಎರಡು ತಿಂಗಳು ವಿಳಂಬವಾಗಲಿದೆ ಎಂದು ಘೋಷಿಸಿದೆ. ಆಯೋಜಕರು ಅಭ್ಯಾಸ ಪಂದ್ಯಗಳನ್ನು ಮರುನಿಗದಿ ಮಾಡಬೇಕಾದೀತು ಎಂದು ಮಾಧ್ಯಮಗಳು ವರದಿ ಮಾಡಿದ್ದವು. ಇದರಿಂದ 2020ರ ಒಲಿಂಪಿಕ್ಸ್‌ ಕ್ರೀಡಾಕೂಟದ ವೇಳಾಪಟ್ಟಿ ಒಂದಷ್ಟು ಗೊಂದಲ ನಿರ್ಮಾಣವಾಗಿತ್ತು. 

ಟೋಕಿಯೊ ಮಹಾನಗರ ಆಡಳಿತ ಒಲಿಂಪಿಕ್‌ ಅಕ್ವಾಟಿಕ್ಸ್‌ ಸೆಂಟರ್‌ ಹಾಗೂ ಸೀ ಫಾರೆಸ್ಟ್‌ ವಾಟರ್‌ವೆà ನಿರ್ಮಾಣ ಎರಡು ತಿಂಗಳಷ್ಟು ವಿಳಂಬವಾಗುತ್ತದೆ ಎಂದು ತಿಳಿಸಿದ್ದರೂ ಕ್ರೀಡಾಕೂಟದ ವೇಳಾಪಟ್ಟಿ ಅಥವಾ ಆಯೋಜನೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಟೋಕಿಯೊ 2020 ಒಲಿಂಪಿಕ್ಸ್‌ ಮಾಧ್ಯಮ ವಕ್ತಾರ ಮಸಾ ಟಕಾಯಾ ತಿಳಿಸಿದ್ದಾರೆ.

ಯಾವುದೇ ಸಮಸ್ಯೆ ಆಗದು
ರೋಯಿಂಗ್‌ ಸ್ಪರ್ಧೆಯ ಆತಿಥ್ಯ ವಹಿಸುವ ಸೀ ಫಾರೆಸ್ಟ್‌ ವಾಟರ್‌ ವೇ ಮೇ 2019ರ ವೇಳೆಗೆ ಪೂರ್ಣಗೊಳ್ಳಲಿದೆ. ಅಲ್ಲಿ ಆಗಸ್ಟ್‌ನಲ್ಲಿ ಪರೀಕ್ಷಾರ್ಥ ಸ್ಪರ್ಧೆಗಳನ್ನು ಆಯೋಜಿಸಲು ಯಾವ ಅಡ್ಡಿಯೂ ಆಗುವುದಿಲ್ಲ. ಈಜು ಹಾಗೂ ಡೈವಿಂಗ್‌ ಸ್ಪರ್ಧೆಗಳನ್ನು ನಡೆಸುವ ಒಲಿಂಪಿಕ್‌ ಅಕ್ವಾಟಿಕ್ಸ್‌ ಸೆಂಟರ್‌ ಫೆಬ್ರವರಿ 2020ರಲ್ಲಿ ಪೂರ್ಣಗೊಳ್ಳಲಿದೆ. ಎಪ್ರಿಲ್‌ ಅಥವಾ ಆ ಬಳಿಕವೇ ಕ್ರೀಡಾಕೂಟ ನಡೆಯುವುದರಿಂದ ಸಮಸ್ಯೆ ಆಗುವುದಿಲ್ಲ. ಕ್ರೀಡಾಪಟುಗಳು ಸಿದ್ಧತೆಯೂ ಅಡ್ಡಿಯಿಲ್ಲ. ಒಟ್ಟಾರೆ ಟೋಕಿಯೋ 2020ರ ಒಲಿಂಪಿಕ್ಸ್‌ ಆಯೋಜಿಸಲು ಸರ್ವಸನ್ನದ್ಧಗೊಳ್ಳುತ್ತಿದೆ. ಅಂತಾರಾಷ್ಟ್ರೀಯ ಒಲಿಂಪಿಕ್ಸ್‌ ಸಮಿತಿಯೂ ಇಲ್ಲಿನ ಕಾಮಗಾರಿಗಳ ಗುಣಮಟ್ಟ, ಸಿದ್ಧತೆಯ ವೇಗ ಇತ್ಯಾದಿಗಳ ಕುರಿತಾಗಿ ಮೆಚ್ಚುಗೆಯ ಮಾತುಗಳನ್ನಾಡಿದೆ ಎಂದು ಟಕಾಯಾ ಸ್ಪಷ್ಟಪಡಿಸಿದ್ದಾರೆ.  2020ರ ಒಲಿಂಪಿಕ್ಸ್‌ ಜುಲೈ 24ರಿಂದ ಆಗಸ್ಟ್‌ 9ರ ವರೆಗೆ ನಡೆಯಲಿದೆ.