ವಿಮಾನ ಪತನ: ಪ‹ಯಾಣಿಕರು ಸುರಕ್ಷಿತ

Team Udayavani, Aug 2, 2018, 6:00 AM IST

ಡುರಾಂಗೋ: ಮೆಕ್ಸಿಕೋದಿಂದ ಡುರಾಂ ಗೋಗೆ ಹೊರಟಿದ್ದ ಏರೋಮೆಕ್ಸಿಕೋ ವಿಮಾನ ಟೇಕ್‌ ಆಫ್ ಆದ ಕೆಲವೇ ಸಮಯದಲ್ಲಿ ಪತನಗೊಂಡಿದ್ದು, ಎಲ್ಲ ಪ್ರಯಾಣಿಕರೂ ಪಾರಾಗಿದ್ದಾರೆ. 97 ಪ್ರಯಾಣಿಕರು ವಿಮಾನದಲ್ಲಿದ್ದರು. ಭಾರಿ ಮಳೆಗಾಳಿಯ ಮಧ್ಯೆಯೇ ವಿಮಾನ ಟೇಕಾಫ್ ಆಗಿತ್ತು. ಕೇವಲ 10 ಕಿ.ಮೀ ದೂರದಲ್ಲಿ ವಿಮಾನ ತುರ್ತು ಲ್ಯಾಂಡಿಂಗ್‌ ಮಾಡಲು ಪ್ರಯತ್ನಿಸಲಾಯಿತು. ಆದರೆ ವಿಮಾನ ಹಠಾತ್‌ ಭೂಸ್ಪರ್ಶ ಮಾಡಿದ್ದು, ವಿಮಾನದಿಂದ ಕಪ್ಪು ಹೊಗೆ ಮೇಲೇಳುತ್ತಿರುವಾಗಲೇ ಪ್ರಯಾಣಿಕರು ವಿಮಾನದಿಂದ ಹೊರಗೆ ಓಡಿ ಬಂದಿದ್ದಾರೆ.

ಕೆಲವರಿಗೆ ಗಂಭೀರ ಸ್ವರೂಪದ ಗಾಯಗಳಾಗಿದ್ದು, ಪ್ರಾಣಾಪಾಯವಿಲ್ಲ ಎನ್ನಲಾಗಿದೆ. ಇತರರಿಗೆ ಸಣ್ಣಪುಟ್ಟ ಗಾಯವಷ್ಟೇ ಆಗಿದೆ. ಪತನಕ್ಕೆ ನಿಜವಾದ ಕಾರಣ ತಿಳಿದುಬಂದಿಲ್ಲ. ಮಿಂಚು ವಿಮಾನಕ್ಕೆ ತಗುಲಿದ್ದರಿಂದಾಗಿ ಬೆಂಕಿ ಹೊತ್ತಿಕೊಂಡಿತು ಎಂದು ಪ್ರಯಾಣಿಕರು ಹೇಳಿದ್ದಾರೆ. ವಿಮಾನ ಪತನಗೊಂಡಾಗ ವಿಪರೀತ ಮಳೆ ಸುರಿಯುತ್ತಿದ್ದುದರಿಂ ದಾಗಿ ಬೆಂಕಿ ತಕ್ಷಣಕ್ಕೆ ವಿಮಾನವನ್ನು ವ್ಯಾಪಿಸಲಿಲ್ಲ. ಹೀಗಾಗಿ ಪ್ರಯಾಣಿಕರು ಬಚಾವಾದರು ಎನ್ನಲಾಗಿದೆ.

ಮೆಕ್ಸಿಕೋದ ದುರಂಗೋದಲ್ಲಿ ವಿಮಾನ ಪತನಗೊಂಡ ನಂತರ ಅಂತಾರಾಷ್ಟ್ರೀಯ ರೆಡ್‌ ಕ್ರಾಸ್‌ ಸಂಸ್ಥೆಯ ಕಾರ್ಯಕರ್ತರು ಗಾಯಗೊಂಡ ಪ್ರಯಾಣಿಕರನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸುತ್ತಿರುವುದು.