ವಿಟ್ಲ: ಆಟೋ ರಿಕ್ಷಾ ಉರುಳಿ ಆರು ಮಂದಿ ಗಾಯ

Team Udayavani, Aug 4, 2018, 3:57 PM IST

ವಿಟ್ಲ: ಚಾಲಕನ ನಿಯಂತ್ರಣ ತಪ್ಪಿ ಆಟೋ ರಿಕ್ಷಾಯೊಂದು ಉರುಳಿ ಬಿದ್ದ ಪರಿಣಾಮ ಆರು ಮಂದಿ ಗಾಯಗೊಂಡ ಘಟನೆ ವಿಟ್ಲದ ಸಾಲೆತ್ತೂರು ರಸ್ತೆಯ ನೆತ್ರಕೆರೆ ಎಂಬಲ್ಲಿ ಶನಿವಾರ ಸಂಭವಿದೆ.

ಕಡಂಬು ನಿವಾಸಿಗಳಾದ ರಾಫಿಯಾ(20), ರಶೀದಾ(23), ಮೋನಪ್ಪ(50), ಗೋಪಾಲಕೃಷ್ಣ(65), ಕೃಷ್ಣಪ್ಪ(65) ಹಾಗೂ ದೇರಣ್ಣ ಗೌಡ(63) ಗಾಯಗೊಂಡವರು. ರಾಫಿಯಾ ಹಾಗೂ ರಶೀದಾ ಅವರನ್ನು  ಪುತ್ತೂರು ಆಸ್ಪತ್ರೆಗೆ ದಾಖಲು ಮಾಡಿದರೆ, ಕೃಷ್ಣಪ್ಪ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಇನ್ನೂ ಕೆಲವರನ್ನು ವಿಟ್ಲ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ದಾಖಲು ಮಾಡಲಾಗಿದೆ.

ವಿಟ್ಲದಿಂದ ಕೊಡಂಗಾಯಿ ಕಡೆಗೆ ತೆರಳುತ್ತಿದ್ದ ಆಟೋ ರಿಕ್ಷಾ ಚಾಲಕನ ನಿಯಂತ್ರಣ ಕಳೆದು ರಸ್ತೆಗೆ ಉರುಳಿದೆ. ಸ್ಥಳಕ್ಕೆ ವಿಟ್ಲ ಪೊಲೀಸರು ಭೇಟಿ ನೀಡಿದ್ದಾರೆ.