ಕಾಶ್ಮೀರದಲ್ಲಿ ಬಕ್ರೀದ್‌ನಂದೂ ಹಿಂಸಾಚಾರ:ಉಗ್ರರಿಂದ ಪೊಲೀಸ್‌ ಹತ್ಯೆ 

Team Udayavani, Aug 22, 2018, 10:41 AM IST

ಶ್ರೀನಗರ: ಕಣಿವೆ ರಾಜ್ಯದಲ್ಲಿ  ಪ್ರತ್ಯೇಕತಾವಾದಿಗಳು ಮತ್ತು ಉಗ್ರರು ಬಕ್ರೀದ್‌ ಹಬ್ಬದ ದಿನವಾದ ಬುಧವಾರ ಅಟ್ಟಹಾಸ ಮೆರೆದಿದ್ದಾರೆ. ಕುಲ್‌ಗಾಮ್‌ನಲ್ಲಿ ಶಂಕಿತ ಉಗ್ರರು ತರಬೇತಿ ನಿರತ ಪೇದೆಯೊಬ್ಬರನ್ನು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ. 

ಈದ್‌ ಪ್ರಾರ್ಥನೆ ಮುಗಿಸಿ ಮನೆಗೆ ತೆರಳುತ್ತಿದ್ದ ಝಾಝಿಪೊರಾದ ಫ‌ಯಾದ್‌ ಅಹಮದ್‌ ಶಾ ಎನ್ನುವ ಪೇದೆಯ ಮೇಲೆ  ಉಗ್ರರು ಗುಂಡಿನ ಮಳೆಗೈದು ಪರಾರಿಯಾಗಿದ್ದಾರೆ. ಕೂಡಲೆ ಆಸ್ಪತ್ರೆಗೆ ದಾಖಳಿಸಲಾಯಿತಾದರೂ ಚಿಕಿತ್ಸೆಗೆ ಸ್ಪಂದಿಸದೆ ಅವರು ಕೊನೆಯುಸಿರೆಳೆದಿದ್ದಾರೆ. 

ಅನಂತ್‌ನಾಗ್‌‌ನಲ್ಲಿ ಹಿಂಸಾಚಾರ 
ಅನಂತ್‌ನಾಗ್‌ನ ಜಂಗ್ಲತ್‌ ಮಂಡಿ ಎಂಬಲ್ಲಿ ಈದ್‌ ಪ್ರಾರ್ಥನೆಯ ಬಳಿಕ ಪ್ರತ್ಯೇಕತಾವಾದಿಗಳು ಪಾಕ್‌ ಮತ್ತು ಐಸಿಸ್‌ ಧ್ವಜವನ್ನು ಹಾರಿಸಿದ್ದಾರೆ. ಪೊಲೀಸ್‌ ಮತ್ತು ಭದ್ರತಾ ಸಿಬಂದಿಗಳ ಮೇಲೆ ಕಲ್ಲು ತೂರಾಟ ನಡೆಸಿ ಹಿಂಸಾಚಾರ ನಡೆಸಿದ್ದಾರೆ. ಇದುವರೆಗೆ ಯಾವುದೇ ಸಾವು ನೋವಿನ ವರದಿಯಾಗಿಲ್ಲ.