ಯುವತಿಯ ಆಯ್ಕೆಗೆ “ಸುಪ್ರೀಂ’ ಸಮ್ಮತಿ

Team Udayavani, Aug 28, 2018, 6:00 AM IST

ನವದೆಹಲಿ: ತನ್ನನ್ನು ವರಿಸಲೆಂದೇ ಇಸ್ಲಾಂ ಧರ್ಮದಿಂದ ಹಿಂದೂ ಧರ್ಮಕ್ಕೆ ಮತಾಂತರಗೊಂಡಿದ್ದ ತನ್ನ ಪತಿಯೊಂದಿಗೆ ತಾನು ಜೀವಿಸಲು ಇಷ್ಟವಿಲ್ಲವೆಂದು ಹೇಳಿದ್ದ ಛತ್ತೀಸ್‌ಗಡದ ಜೈನ ಯುವತಿಯೊಬ್ಬಳ ವಾದಕ್ಕೆ ಮನ್ನಣೆ ನೀಡಿರುವ ಸುಪ್ರೀಂ ಕೋರ್ಟ್‌, ಆಕೆಯ ಇಷ್ಟದಂತೆ 
ಹೆತ್ತವರೊಂದಿಗೆ ಹೋಗಲು ಅನುಮತಿ ನೀಡಿದೆ. ತನ್ನೊಂದಿಗೆ ವಾಸ ಮಾಡಲು ಇಚ್ಛಿಸದೇ ತನ್ನ ತವರು ಮನೆ ಸೇರಿಕೊಂಡಿದ್ದ ಪತ್ನಿಯನ್ನು ಹೆತ್ತವರ ಬಂಧನದಿಂದ ಬಿಡುಗಡೆ ಮಾಡಬೇಕೆಂದು ಮೊಹಮ್ಮದ್‌ ಇಬ್ರಾಹಿಂ ಸಿದ್ದಿಕಿ ಅಲಿಯಾಸ್‌ ಆರ್ಯನ್‌ ಆರ್ಯ ಹೈಕೋರ್ಟ್‌ ಮೆಟ್ಟಿಲೇರಿದ್ದ. ನ್ಯಾಯಾಲಯ, ವಾಸ ಸ್ಥಳದ ಆಯ್ಕೆಯನ್ನು ಯುವತಿಯೇ ನಿರ್ಧರಿಸಲಿ ಎಂದು ತೀರ್ಪಿತ್ತಿತ್ತು. ಈ ತೀರ್ಪಿನ ವಿರುದ್ಧ ವ್ಯಕ್ತಿ, ಸುಪ್ರೀಂ ಕೋರ್ಟ್‌ಗೆ ಮೇಲ್ಮನವಿ ಸಲ್ಲಿಸಿದ್ದ. ಈ ಅರ್ಜಿಯ ವಿಚಾರಣೆ ನಡೆಸಿರುವ ಸುಪ್ರೀಂ ಕೋರ್ಟ್‌, ಸೋಮವಾರ ತೀರ್ಪು ಪ್ರಕಟಿಸಿದ್ದು, ಯುವತಿಯ ಆಯ್ಕೆಯಂತೆ ಆಕೆ ತವರು ಮನೆಯಲ್ಲೇ ಉಳಿಯಲೆಂದು ಹೇಳಿದೆ.